إختلاط_الدُجنَة
"""""""""""""
بقلمي : فاطمة أصف 🤎
"""""""""""""""""
- رسَايل مِنگ لحد هَسه اداريهن
مِثل نوُم الطِفل بالليَل اهِز بيهن
واگلبهن واشوُف ايامَگ الحِلوات
مو حِلوات بس مَجبور اسميهن .
......................................
دخلت ويا ريت مدخلت انصدمت بـ لي ديصير
تاتي بـالگاع وفستانها الابيض مزين بدمها والدم يجري منها وهيَ تناشغ
عافني بابا خيال وركض التاليا وهَـو يلفض اسمها بتقطع .
- تاليااا لااا لسدين عيونج احجي احجي منو سوا هيج بيج عليج الله لا تغمضين عيونج ازعل والله ازعل مو متحبين ازعل مو گتلج اروح المدرستج منو يضحك نفس ضحكتچ بـعد مـو ردتي تعرفين قصدي شنو اگعدي يهون عليج هيج تکسرييني .
حاضنها قوي من يمي حسيت جسمي وجعني دفعها من حضنه يگوم ويوگع يحجي سريع
- امي امي وين خالتي وين راحت لااا تعوفونيي .
رجع گعد يمها وحضنها الصدره وهَـو يتلمس خدودها وأيديه يرجفن بعد شعرها الاشقر من وجها .
خيال:- هاا يا دوة گلبي راح تصيريلي وجع الگلبي ؟
حضنها قوي حسيت يريد يتأكد مو حلم هيَ حقيقة
رفع راسه اليفوك وصرخ بـكُـل ماعنده قوة حسيت أوتاره الصوتية نگطعن
رجفت وما سيطرت على دموعي
- لااا يا ربي لااا تکسرني بـيها أخذ روحَي ولاا تأخذها دوه كَـلبـي هايي
شهكت على عتابة الرب العالمين دار وجهة الي .
- تعالي احجي وياها هي تحبج وراح تسمع كلامج مو گتلج راضيها
- بابا باابا راح تموت اخذها للمستشفى .
- اشش اشش مـتموت متعوفني متعوفنيي .
حسيت تخبل يبوس براسها ويعيد بالكلام، سمعت الباب أنفتح، أجة عمو مهاب شعره متخربط ويركض فحطان
مهاب الدين :- مريم ويـن مريم تاليا شبيها احجي وياك خيال احجي منو سوا هيج ؟
- هاي الردتو تحرموني منها وجنت اگـول رب العالمين هَـو مـراح يحرمني منها وهسه راح تروح يم رب العالمين .
دنگ راسه ودموعه ينزلن شم راسها بكُل معنده قوى .
مهاب الدين :- امك وين احچي ويـاك گـوم گـوم اخذها للمستشفى بيها نفس گوم لاا ضل صافن .
رفع راسة يتلمس جها وحچي وياها فاصل عن الدنيًا .
- ايي ايي بيها نفس هيَ متعوفني متـعـوفني تخاف ازعل متعوفني .
أنت تقرأ
إختلاط الدُجنَة
Horrorحقيقية 🚫 -هُناك من يحب بجنون -وهُناك اتهمو باطل -وهُناك من انظلم -وهُناك من خسر -وهُناك من فاز وأنتصر -وهُناك من دفن حياتهُ لـ أجل عائلتهُ يامن أحببتُه مِن دون عِلمه كيف أُصارِحُك بمشاعِري وحُبي لكَ؟ كيف أُخبِرك بقلبي ألذي أحّبك؟ كيف أُخبِرك وخوفي...
