Blank Charge (Myanmar Translation)

3

ချင်ကျိုးက ဝိုးတဝါးသာပြန်ဖြေလိုက်သည်။
"အမ်း...."

သူ့ သူငယ်ချင်များကြားတွင် လျှိုယုံချန်းတစ်ယောက်သာ ထိုအကြောင်းကိုသိပေသည်။ ချင်ကျိုးက သူ့မိဘများ၏ အသုဘအစီအစဉ်များကို ကိုင်တွယ်ဖြေရှင်းရန် တစ်နှစ် နှစ်နှစ်လောက်အထိ အချိန်ယူခဲ့ရပြီး ထိုအချိန်အတောအတွင်း လျှိုယုံချန်းက သူ့ကိုအတော်လေး ကူညီပေးခဲ့သည်။

"တကယ်ဆို သူ့ကို ရှာတွေ့ဖို့ကလွယ်သင့်တာ.. ဒါပေမဲ့...."
စွန်းရီက ဂရုချက်ကိုဖွင့်လိုက်ပြီး ဝမ်တရုန်၏အချက်အလက်များကို ပို့လိုက်ရင်း ပြောလိုက်သည်။
"ဒီကိစ္စက သတင်းထဲမှာပါလာတယ်ဆိုတော့ သူ့ကို ထိန်းသိမ်းပြီးသား ဖြစ်လောက်မယ်လေ... ဟုတ်တယ်မလား?"

"ဒါမှမဟုတ် သူက သတင်းကိုကြားပြီး စောစောစီးစီးထွက်ပြေးသွားတာ..."
ချင်ကျိုး ပြောလိုက်သည်။
"သူ ထွက်ပြေးသွားတယ်ဆိုတဲ့ ဖြစ်နိုင်ချေက ပိုကောင်းတယ်..."

ချင်ကျိုး၏ ဦးနှောက်က အတော်လေးထက်ရှလေပြီး အသေးစိတ်အချက်အလက် အများစုက သူ့မျက်စိအောက်မှ လွတ်မြောက်လေ့မရှိပေ။

ဥပမာအားဖြင့် မနေ့က ရန်ဝမ်လီကို ရဲများက ဝမ်တရုန်ကိုဖမ်းမိပြီလားဟု မေးချိန်တွင် ရန်ဝမ်လီက ထုတ်ဖော်ပြောဆို၍ အဆင်မပြေဟုသာ ပြန်ဖြေခဲ့သည်။

အကယ်၍ ဝမ်တရုန်သာ ရဲများ၏လက်ထဲတွင် ရှိနေပါက ရန်ဝမ်လီမှာ ယုံကြည်ချက်ရှိရှိဖြင့် ဝန်ခံလိုက်မည်ဖြစ်ပြီး ချင်ကျိုး၏ အပိုဆာဒါးလုပ်ဆောင်ချက်များကို ကြောက်နေမည်မဟုတ်ပေ။

ချင်ကျိုး၏ ရဲများနှင့် ရင်ဆိုင်ခဲ့ရသည့် အတွေ့အကြုံများအရ ရဲများက နစ်နာသူ၏မိသားစုဝင်များကို ကောင်းမွန်သည့်ကိစ္စများကို ပြောပြပြီး စိတ်ချလက်ချရှိစေသည်ကို သဘောကျကြသည်။ ထို့ကြောင့် ရန်ဝမ်လီက ချင်ကျိုးကို ဤကဲ့သို့ အလွယ်တကူပြောပြနိုင်ပေသည်။
"ငါတို့ ဝမ်တရုန်ကို ဖမ်းဆီးပြီးပြီဖြစ်လို့ မကြာခင် ဖြေရှင်းချက်တစ်ခု ထုတ်ပြမယ်..."

သို့သော်လည်း ရန်ဝမ်လီက ဘာမှမပြောခဲ့၍ ယခုလက်ရှိ အခြေအနေက ချောချောမွေ့မွေ့ရှိမနေကြောင်း ဆိုလိုခြင်းသာဖြစ်သည်။