حور: يا شغل
ضحك بعلو صوتة واني اباوعله مستغربة .. كال
مرتضى: هسه تعرفين يا شغل .. بس قبلها خلي ناكل
خابر اخته ووصاهة تصعد اكل النه للغرفة .. نزع هو السترة والرباط ،
ربع ساعة وصعدن امه واخته جايبات صينية ومحتارين شمخلين وشجايبين ..
تقربت عليه اخته وكالت
مريم: عيني عروستنة .. ديري بالج على اخوي ترة كَلبة رجيج
تحجي وتباوعله تتغامز ويضحكون هو وياها
.. عافونة وطلعوا
كعدنة ناكل ..
اني منا اصلا بطني كامت توجعني ، اكلت لكمتين وكمت غسلت
واكفة كبال المراية واعدل بشعري وخليت عطر .. حسيت عليه وهو يحاوط خصري من ورة وراسة بركبتي ويحجي
مرتضى: ها مو كافي بعد ؟
حور: شنو
دارني عليه ويحجي
مرتضى: اهلي منتضرين يشوفون بياضج .. تعرفين بعد ناس عشائرية والنه اطباعنة
ضليت ساكتة ومدنكة راسي ..
راح طفة الضوة واجة جرني من ايدي للجرباية .. وبدة يتقرب مني
اخذني بكل هدوء وتم كلشي وصرت مرتة
.. لحظات وشفته طفر من مكانة وكام شغل الضوة ويباوع باتجاهي
شفته توتر وكام يروح ويجي بالغرفة وكل شوي يمسح وجهة بايدة .. جريت الشرشف خليته على جسمي وكعدت ، استغربت من شفت وضعة .. سألته
حور: شبيك مرتضى ؟ شصاير
باوعلي بنظرات ما عرفت افسرها وكال
مرتضى: دم ماكو!
انصعقت من كلامة .. رفعت الشرشف واباوع الجرباية نظيفة وما بيها شي ، دب الخوف والرعب بداخلي
وحجيت مرتعش
حور: شلون هيج .. يعني شنو ؟
صاح
مرتضى: يعني شنو الشنووووو ؟! اكلج دم بكارة ماكو انتي اكثر وحدة تعرفين شلون صار هيج
كمت ابجي ومتفاجأة من نبرة الشك اللي بصوتة
حور: شبيييك شتحجي انت
اندك الباب شاف منو وفتحه .. طلعت امه طبت للغرفة وتسأل
ام مرتضى: شجاكم صوتكم عالي .. خيركم شصاير ؟
حجالها وهاي الثانية كامت تخرط بخدودها ..
.. صخام بعينج يمعزاية .. تاليتج طلعتي مو بنية
متت قهر واني اشوفهم شلون يباوعولي عبالك مسوية جريمة .. حتى ما انطوني مجال احجي
من شافتني ابجي جرت ابنها وكالت اله .. يمة ارجع تقربلها مرة ثانية ليش تظلم بخت البنية ؟
طلعت و سد الباب واجه عليه .. ردت اكوم رجع سحبني وكال
مرتضى: وووويين ؟
حور: مرتضى عوفني
مرتضى: اعوفج ؟! مو قبل لا اعرف
حور: شتعرررف ؟ صار ساعة تصيح واني متحمله حجيك واتهامك الي .. مو انت نفسك الجنت تتعارك وياي لان ما اخليك تتقرب مني بايام خطوبتنة ؟ شلون خطر على بالك تفكرر بيه هيج تفكير وصخخخ
مرتضى: اذا هيج الحجي ليش خايفة اتقربلج ؟
حور: اني مخايفة لان اعرف نفسي ممسوية شي غلط .. بس الخلل بتفكيرك انت
حجيتها ودا امشي وجرني حيل ، حسيت ايدي انخلعت
YOU ARE READING
ابو رعب
General Fictionاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...
#_البارت35
Start from the beginning
