مُناي يهل غيثك ويسقي جفا روحي

Part 5

.........•أبها البهيّه•.........
فيصل:خلني بكلم العيال عشان نجلس عندهم
رعد:يارجال وش تكلم خلنا ناخذ شقه افضل هم متزاحمين
فيصل:انت صاحي؟وليه شقه وحنا مابنطول
رعد:انا يمكن اطول مدري
فيصل:ياشيخ امش بس عند العيال قال شقه
استسلم رعد وهو يقول له:نمشي نمشي بس اول كلمهم،طلع فيصل جواله
ونطق بهدوء:وهذا الي بيصير،دق فيصل على واحد من العيال ورد بسرعه نطق:السلام عليكم كيفك يالصقر
صقر:الحمدلله على ماتحب وانت كيفك
فيصل:بخير بخير الا اسمع ترا انا ورعد جايين عندكم احتمال رعد يطول انا عندي قضيه وهو استدعوه
قلنا نجلس معكم افضل،
أبتسم صقر بقوه:حياكم الله هذي الساعه المباركة والله بعدين وشهو له الخساير وحنا موجودين
فيصل:حبيبي والله
صقر:تعرف الموقع ولا نسيته.!
فيصل:لا والله اني نسيته ارسله
صقر: يلا هالحين ارسله
قفل فيصل وجاء بيتكلم لولا رعد الي سبقه بالكلام:
تعال سوق صدعت
طلع فيصل وهو يضحك:يلا يلا،نزل رعد وتبادلوا الأمكان وصار فيصل هو الي يسوق ارسل صقر الموقع  وتوجهو له
وصلو ونزلوا استقبلهم صقر وسلطان الي كانوا ينتظرونهم عند الباب ويضحكون
سلطان وهو يضحك:يالله ان تحييهم
ضحكوا العيال ونزلوا يسلمون عليهم،
صقر:ادخلوا يالله
-
«تعريف عن العيال»
سلطان:فلاوي يدق الميانه بسرعه اكثر واحد مسوي جو بينهم
مايشيل بقلبه على أحد وماخذ الأمور سهلات رغم انه ساكن مع اهله الا أنه قاط مع العيال 24 ساعه
صقر:صارم ماعنده لف ودوران يضحك معك بس وقت الشغل ينقلب حاله ويصير جدي
ماعنده يمه أرحميني ساكن مع اهله بس اغلب اوقاته مع العيال
حمد:شاعرهم الكبير يعشق شي اسمه شعر دايم يغني لهم وصوته حلوو يتيم الأب والأم رباه عمه
أيمن:جامع بين الفله والصرامه كل مازانت الجلسة غنى لهم وصوته شين..
يحب جلسة الشيبان ويشرب شاهي كثييرر
-
.........•بيت الجد سعيد•........
جلست أمجاد وسولاف وريوف في الجلسات الخارجيه ،لفت أمجاد تبتسم للجد سعيد
وجدتها فاطمة وهي تسمع كلامهم عنها وكيف الشوق طاغي عليهم
الجد سعيد لمعت عينه ونطق بسعاده:أنشهد انش زينة البيت انتي اخوانش والله يابنتي مانتخيل حياتنا بدونكم
أمجاد بحزن:ليه تدمع ياجدي؟،والله إنّ نحبكم كثيير ونغليكم أنتم ربيتونا وتعبتوا علينا أكثر
من أهلنا تتوقع يجي يوم ومانكون به معكم!؟
ريوف:أنت ياجدي ابوي وجدتي امي ربيتونا من حنا صغار واعتنيتو فينا بعمرنا مابننسى فضلكم
وجميلكم علينا ، والله يقدرنا ونرد ربع جميلكم
آبتسموا الجد والجده ، وجودهم في حياتهم ضاف لهم نكهة خاصه وبريق خاص
معد يقدرون يفترقون عن بعضهم وكيف يوم تزوجت أمجاد كل شوي يدقون عليها من شوقهم وخوفهم عليها
لايكون صابها شي ،والله الي يفكّر يأذيها لـ يحرقون الأرض ومافيها لأجلها، تبسمت الجده
وبحب كبييير نطقت:الله يحفظكم ويخليكم لنا ولايحرمنا منكم يابعد هالدنيا
سولاف بضحكه:الحين بتقضونها أحزان؟ ،يلا خلونا نتشمى شوي وش رأيكم!
نطت ريوف بفرح:منجدد من زمان عن البر ،وش قولك ياجدي؟
ضحكوا كلهم ،الجد سعيد بضحكه:ماقول لا هيا أجهزوا ونادولي أخوانكم رماح وسعود
يعاونونا بالأغراض ،نطوا البنات بفرح يسلمون على جدهم تحت ضحك الجده على حماسهم،
قامو يجهزون الأغراض ودخلت الجده تساعدهم ، دخل رماح وسعود وهو يتنحنح
الجد:ادخلوا ادخلوا مابه أحد !
دخلوا وأستغربوا عدم تواجد جدتهم في هالوقت والبنات، نطق رماح
بإستغراب:وين الباقين ياجد؟،ليش ماهم حولك
الجد بإبتسامه: راحوا يجهزون
سعود نطق بغرابه: يجهزون لأيش؟ بيسيرون على أحد
الجد بضحكه:لا لا ،قلنا بنتمشى البر شوي نغير نفسيتنا ،شيكوا على السياره نبي نروح كلنا
تقدم رماح يجلس جنب جده وهو يشوفها فرحاان ومبسوط ،قبل جبينه
ونطق والإبتسامه تزين ثغره:أبد تحت أمرك ،دقايق وكل شي يكون جاهز
رجع جده يتكي وهو يشوفهم يطلعون الأغراض وأصوات ضحكهم تطغى على المكان
ريوف بعناد:قلت لك لا يعني لا ماتفهمم انت!!
رماح بعصبيه:يمين بالله لو أجيش لأكسرلش عظامش ماتفهمين أنتي؟،لمتى بعيد يعني
التفت سعود عليهم ونطق بحده:نعم نعم؟ تكسر عظام مين؟ والله أطلع روحك من مكانها
رماح لف له: أسمع وش تقوول بالأول بعدين دافع
لف سعود على ريوف الي ارتبكت من نظراته ونطقت بغصب:يبيني أغير عباتي يقول ماهيب ساتره
أكثر من كذا وش يبي!،نزل سعود أنظاره على عبايتها يطالع بتمعن وكان بينطق
لو لا طاحت أنظاره على عبايتها من تحت وكان فيها لمعه خفيفه
سعود بهدوء:غيريها يا ريوف وبدون جدال
ريوف بدهشه:وليههه! وش بلاها عبايتي ساتره!
رماح أشر لتحت عبايتها ونطق وهو يحاول يمسك غضبه:وهذاا ساااتر؟؟ وش اللمعه ذي
نزلت ريوف بنظرها ونطقت بـ لامباله:مابها شي بس أنتو تحبون تكبرون الموضوع!
أنصعق رماح ولف يناظر بسعود المنذهل ونطق سعود بصرامه:غيريها لأقول شي مايعجبش
يا ريوف ماودي أعصب عليش ،
تكتفت ريوف:ماعندي غيرها!وماني مغيرتها لو يطلع براسكم قرون
قرب رماح منها بغضبب ومعد قادر يتحكم بغضبه مسك شعرها وصرخ عليها:ذيي سااتره بالله؟
تشووفينهااا ساااااتره يعنييي ،ولااا ترادديين بعدد والله الشرهه على سعود الي مخليش براحتشش!
صرخة ريوف وركض سعود يفكها من يد رماح ،الي داايم يحذرها من غضبه وغيرته الي يزودها
ومايتحكم فيها،شافهم الجد من بعيد الي كان يتوقعهم يمزوحون مع بعض ومثل مناقرتهم دايم
لكن فز بسرعه بعصاته يحاول يمسك خطواته يمشي عندهم ،توقف الصراخ والغضب بعد ماضرب
الجد عصاته بالأرض وصرخ:فك يدك وكسر يكسرها ان شاء الله،ماقلت لكم ولا واحد
يمد يده على خواته ياقليلين الخاتمه!؟
دف سعود رماح بخفه ونطق: أنهبلت انت تمد يدك على أختك!وتضربها بعد
مسح رماح على وجهه بخفه واردف بحده:محد قالها تطلعني من طوري وهي تـ..
الجد بصراخ:قم أذلف قممم لابارك الله بعدوينك ،طس عن وجهي لأشوفك اليوم كله فاهمم!
قربت أمجاد وسولاف والجده عند ريوف الي تحركت من عندهم وصدت والدموع
تجمعت بعيونها وقفها صوت جدها من نطق بحده:...
-
..........•بيت ابو فيصل•.........
عروب بصراخ:يمههه انا في وجههش...،فزت امها لها وهي تناظر هواشهم الي طفشت منه
لكن كانت الصدمه من شافت إنا هالمره عزام هو الي يطاردها مو لازم كالعاده،
تخبت عروب خلف امها خايفه...وركض عزام لين صار مايفصل بينهم الا امهم
ونطق بعلو صوته:والله مايمنعش مني احد!
ام فيصل:بسس ياولد اقصر حسك وانتي معه
عروب:يبي يضربني وش اقصر حسي؟
ارعبها صوت أبوها من نطق بحده:ابعد عن امكم واهجدوا!،بعدين ‏تضربها وانا موجود؟
لف عزام له ونطق بسخريه:ماشاء الله اشوفك جيت ليه ماقعدت اكثر ترا ماعندنا مشكله؟!
قام ابو فيصل بغضب:اسكت لاسكتك بكف الحين كذيه تسقبل ابووك ياقليييل الحياء صدق ماعرفت اربيك،
عزام بضحك:وليه انت ربيتني اصلاً!،لانلعب على بعض احنا ربينا نفسنا بنفسنا
وامي ماقصرت كانت لنا الأم (وشدد على كلامه)والأب!!يوم انك مو موجود امي كانت
تعوضنا عن غيابك ودورك كأب وانت تروح تمرح في باقي المملكة وتتحجج بالشغل
شهقت ام فيصل وحطت يدها على فمها...وعروب الي حست الوضع بدا يتوتر وعزام مارح يسلم من أبوه
رفع ابوه نظرها بحده له ونطق بصراخ:أمررح اجللل؟؟راييح ادورر لك لقمة تااكلها وانتت تقوللل امرح ببساطه كذا؟
بس تدري متى بكلمك!لما تصير أب وتدور لقمه لأهلك عشان تغنيهم عن الكل ومايمدون يدهم للي يسوى والي مايسوى
وقتها بجي احاسبك لما تطلع برا بيتك وتتحمل فراق اهلك وغيابهم وتكمل تربيتهم ودورك كأب عشان
تعيشهم بخيرك وبأفضل حالهم ومايحتاجون لأحد ،هذا جزاتي؟(نطق بغصه)بعد هالسنين تجي تحاسبني كذا
لأني رحت ادور على لقمتك لجل تتهنى بحياتك انت واخوانك وماخلي شي يقصركم؟!
والله انّك مابتحس لين تصير أب!،بس تدري وشو؟،صرخ بوجهه وأشر بيده على الباب:اطلع برا وعيني
لاتشوفك قش أغراضك وبرا!،نشوف اذا قدرت تعيش بدون تحتاجني
شهقت ام فيصل وعروب...
قربت من ولدها وهي تدمع ونطقت:تكفى يابو فيصل وين يروح الولد مسكين
ابو فيصل بصرامه:اصه والي يفكر يساعده والله والله ان يطلع من البيت والكلام يعم الجميع!
تركهم ابو فيصل ونزل لزام على صراخهم وبكاء امه نطق بدهشه:وش فيكم؟
عروب بدموع:ابوي طرد عزام من البيت
وسع عيونه:ايششش!!!!كيف يطرده وليه يطرده أساسًا
طلع عزام فوق يقش اغراضه كلها ونطق بسخريه:أطلع افضل من اقعد ويذلني وصدقني
مارح احتاجك يابو فيصل!،محتجتك طول عمري بحتاجك الحين يوم عدت كبير؟
تنهدت أمه بضيق:كل ماقول زانت تتعسر
لزام:يمه هديي انتو بس اشرحولي وش صار عشان افهم!!
سكتوا على نزول عزام وبيده شنطته وأغراض تجاهل كلامهم وركبها بالسياره
شهقت أمه تبكي عليه،لكن عزام ابدًا مالتفت لها عشان مايضعف قدامها
جاء لزام بغضب:تستهبلل انت تتجاهل دموع أمي؟صدق ماتستاهل انها تبكي عشانك
لف عزام بهدوء:افهمني!مابي اسمع لأني مابي أضعف قدامها
لزام تنهد:وين بتروح يعني ،بعدين وش قالك ابوي
عزام بسخريه:طردني من بيته ويقول نشوف اذا قدرت تعيش بدوني
سكت لزام وتنهد يرجع يسآله:طب وين بتروح
عزام ركب:في أرض الله الواسعه،حرك بدون يسمع رد لزام وكان يفكر وين بيروح...
راحت تطلع فوق تتركهم،لف لزام على عروب ويرجع يسألها:وش السالفه انطقي!.
عروب جلست على الكنبه وبدت تقوله كل شي تحت ذهوله وصدمته
ونطق بفحيح:ماقول غير الله يصلحه إلا وينابش أبوي،وأبوي ماعنده تفاهم!
عروب:الحين وين بينام عزام؟
لزام بضحكة سخريه:وين بعد أكيد عن جداني
عروب بخفوت:زين،شرايكم نروح لهم منها نتأكد؟
لزام هز راسه بإيجاب وقام يطلع يشغل السياره على بال مايجهزون،توجهت عروب لغرفة أمها
دقت بخفيف وجاها صوت أمها تسأل:مين
عروب بهدوء:انا عروب يمه افتحي
فتحت الباب ونطقت عروب بإستعجال:بنروح عند جداني بنشوف عزام اذا هو هناك ومره وحده بنغير جو،
ام فيصل:زين انتظروني بجي معكم
عروب هزت راسها بإيجاب:اجل بروح أجهز انا
ام فيصل:طيب،راحت عروب تتجهز على السريع أخذت فستان مورد هادي وتقدمت تاخذ الفير تلفه
على أطراف شعرها بشكل خلاه جذاااب ،رجعت للتسريحه تاخذ مرطب وتحطه على شفايفها وشوي مسكره وبلاشر على خدها،رجعت كل شي مكانه وحطت عطر فاحة ريحتها بالغرفه انتهت من كل شي أخذت صندل أبيض تلبسها وتاخذ عبايتها من الشماعه(علاقة ملابس)تلبسها بسرعه وتضبط نقابها وتطلع وعلى طلوعها شافت أمها مشت تتقدم لها ونزلوا مع بعض للزام الي نطق من شافهم:بدري كان تأخرتوا اكثر!
عروب بسخريه:سوق بس ولايكثر!
ركبت امه قدام وعروب خلفها وحركوا متوجهين لبيت الجد حمد.....>>
-
«بيت الجد محمد»
انصدم من شاف سلمان جاي ومعه ضيف
نطق بعلو صوته:يامرحبًا ألوف
تقدم سلمان وياسر يسلم على الجد ويرحب فيه
ناظر الجد محمد سلمان ونطق بحده:قلهم يجهزون القهوه،وأنت ياولدي حياك معي بالمجلس،
راح سلمان يعلم الجده بينما دخل الجد محمد وياسر المجلس يسولفون،
الجد محمد بصدمه:ماشاء الله جاي من حايل؟،
ياسر ضحك بخفه:اي والله وكنت اغدي اني ب أبها
الجد محمد نطق بضحكه:غديت بمكان افضل من أبها!،على العموم حياك ياولدي البيت بيتك
اعتبر نفسك بين أهلك وأحبابك
ياسر بإبتسامه:الله يسعدك ياجدي تسلم ماتقصر بس والله ماكان ودي أثقل عليكم لكن سـ.
الجد محمد بحده:افاا وش تقول انت ياولدي الله يسامحك بس والله اني توي اشوفك
وعديتك واحد من أحفادي،ابتسم وكمل؛ونبي نطلع للبر وانت معنا
ياسر تبسم:الله يسعدك ياملي ان شاء الله
ضحك الجد بإستنكار للهجه ونطق برفعة حاجب:وش تعني ملي؟
ياسر بضحكه: يعني ربي يطول في اعمارهم ويمد في اعمارهم بالسعاده والخير
الجد محمد بذهول:تقوله صادژ؟
ضحكوا كلهم ونطق:ماشاء الله تعرف ياجدي لهجتنا
ضحك الجد محمد: شويه،ألا أكلت يابوي أنت ؟
ياسر بأستلطاف اللهجه هز راسه بـ نفي:لا والله مو مشـ.
الجد محمد بحده:بي عن روحك يابوي أنت ابشر بالخير الحين'بصراخ:ياسلماان..سلماان'
دخل سلمان وبيده القهاوي وخبزة بيت:هلا
نزل سلمان القهاوي وبدا يصب واعطى ياسر ولف للجد يعطيه،
اخذ الجد ونطق:اسمعني ياولدي أفلح عند جدتش وقولها تسوي أكل لـ ياسر
هز راسه بإيجاب وراح يقولها دخل يدور عليها وماحصلها بالمطبخ...،
طلعت من الغرفه الي كانت تحت الدرج شهق بخفه ومسك على قلبه:الله يسامحش ياجده بغيتي تاخذين قلبي
ضحكت بسخريه:بسم الله على روحك وش بغيت؟
سلمان:جدي يقول سوي اكل للضيف
الجده عبيره:طيب، أفلح عندهم ولا جهز بناديك
سلمان:تمام،طلع وراح عند الجد وياسر الي كان ياكل ويسولف معهم
-
.....•الأسطبل•.....
زاد الصداع أكثر من قبل جلس يمسك راسه بصداع ، شافته وجت ركض عنده:خالد!وش فيك؟؟
خالد بحده:مصدع بس شوي ويخف!
نوره:بسوي لك شراب خفيف عشان يهدي صداعك..سكت خالد وهز راسه بإيجاب معد يقدر يصبر كل
ماله الصداع يزيد رغم انه اخذ حبتين فيفادول بس ماش مافي فايده!'تقدمت تعطيه اخذها ونطق بهدوء؛مشكوره تعبتش معي'
نوره بسعاده:ولو تعبك راحه،
تنهد يوجه نظره للمتدربين تك بيده وارخى جسمه على السياج يشرب بهدوء مو قادر يركز وهو مصدع،
اما نوره الي استغلت الفرصه وكونه مصدع مابيركز اخذ جوالها تتصور معه
وهو مسرح ولاهو يمها دخلت جوالها خوف بأنه يكشفها وقربت تتكي وبينهم مسافه شوي
نوره:عادي اسألك سؤال شخصي؟
هز راسه خالد بإيجاب بدون يلتفت لها ويركز بإنعدام المسافه الي بينهم:تفضلي
نوره بقهر مدفون:صدق انك تحب عروب أخت فيصل؟
خالد بصدمه:من قال!.
نوره بدهشه مايله للسعاده:يعني ماتحبها؟
خالد بحده:وش جاب طاريها الحين؟!،اعذريني بروح
للحمام الله يكرمك!،ولاسمع اسمها ينطق بمكان زي كذا،مشى خالد
وتركها بقهرها وغبنتها ليييههه يحبها؟؟؟؟وش لقى فيييها!!هي أحسن مني بـ وش؟
والله لأنسيه منها وماكون نوره اذا ماسويتها!!تركت المكان بغضب وتوجهت تدخل القسم المخصص
لهم تأففت تشوف سعاد تطقطق على الجوال،
نوره جلست بقهر:افففف وش تحسب نفسها سراقة الرياجيل!
ناظرت سعاد لها بستغراب:مين؟
نوره:هيي عروب ماغيرها ماخذه قلبه!!وش شاف فيها؟انا احسن منها بملييييون مره
سعاد بضحكه:معليش بس انتي شكلش ماشفتيها والله انها تجنن انا وانا بنت خقيت كيف اجل خالد؟
بعدين كم مره قلتلش لاتنزلين من كرامتش عشان اي ولد نوره والله عييييب الولد مايبيش
وانتي تدرين بس شهوله المكابره؟ شوفي مهما سويتي لخالد عشان يلتفت لش مارح يشوفش شي
هو يحببها من سنييييين بيتخلى عنها الحين عشانش؟ههه احلمي
نوره بغرور:اي عشاني وتشوفين بعدين اتركيش من المثاليه هذي وتنصحيني وانتي تحبين مشاري وماعطاش وجه؟
سعاد وقفت بغضب:انا احبه اوكيه ماختلفنا!بس مستحيييل اراكض ورا الولد كأني كلب يلحق سيده
واذا احب تتوقعين مني اروح اقوله مثلاً؟،خلي اقل شي عندش كرامه يوم انش تراكضين خلف شخص
مايحبببش افهمي!'طلعت سُعاد بغضب'، اما نوره ضحكت بسخريه ولا هزه شعره من كلام 'سُعاد'،
-
......•بيت الجد محمد•......
الجد محمد:ماودكم نطلع البر مع الباقين
سلمان:عادي بس خالد والباقين رعد وفيصل كيف
الجد محمد:ذيك طلعه ثانيه وخالد ومشاري والي عندهم دوام يلحقونا اذا خلصوا مافي مشكله
سلمان:خلاص تم 'لف لياسر ونطق:مره وحده يشوف برنا ياسر
تبسم ياسر:قدام والله عاد البران جوي
الجد محمد بضحك:خلاص بروح أكلم الباقين'طلع الجد محمد وتركهم دخل للمدخل الأمامي وأخذ
التلفون الثابت وبدا يدق عليهم ويعلمهم وكلهم كانوا موافقين وماعندهم إعتراض
نزل السامعه ينتطق بسعة صدر:هيا قل للأهل يتجهزون..في أمان الله،رجع التلفون وتوجه للجده
عبير الي كانت جالسه في الصاله تتفرج،تقدم يجلس بجنبها ينطق:ترانا بنفلح للبر كلنا
الجده عبير بصدمه:كيف؟والباقين
الجد محمد:احنا وحمد وأهله وابو نواف واهله وأهل مشاري عاد هم بيحلقونا بعدين
الجده عبير فزت تتجهز:يازينها والله من طلعه دامها مع الأحباب
الجد محمد ببإتسامه:أنشهد،قام يطلع يعلمهم وبدو يتجهزون الكل بدون إستثناء
......•بيت الجد حمد•......
نزلوا من السياره وهم ينتظرون فلاح يجي يفتح الباب ، انفتح الباب وطلع فلاح:يالله ان تحييهم
ام فيصل تقدمت تحضنه وتنطق:الله يحييك ياعيون أختك
حب راسها وأبتسم:ادخلوا ادخلوا ، بعد السلام جلسوا وتنهدت ام فيصل بخوف:شفتو عزام؟
الجد حمد هر راسه بنفي:لا والله يابنتي مارينها ولامرنا اليوم ليه وش قومه
لفت ام فيصل بخوف على عروب ولزام الي يأشر لها لاتتكلم عشان مايتمشكلون مع أبوه كالعاده
رجعت تناظر الجد بتوتر:ل.لا ولاشي بس قلت انه مركم وكذا،المهم أخباركم انتم
الجد حمد بشك:بخير الا دام الكل هنا بقولكم اجهزو بنطلع البر مع الباقين كلمني محمد قبل شوي
انصدمو كلهم يناظرون بالجد وفزوا يجهزون ، الجد حمد ناظر بفلاح ولزام:انتو شيكوا على السياره وطلعوا الأغراض برا
فلاح:طيب 'نطق بهمس:الله يهديك لو بس متكلم من أول'
سمعه لزام يضحك:قلت شي يافلاحوه
فلاح بغضب:مالك دخل وأمش قدامي يالزاموه ، توجهوا ياخذون الأغراض ويركبونها السياره
-
نطت سلمى بحمااس تصفق بيدينه:يايييي اخيرررااا قولوولشش كيق قالوا!
عروب بضحكه:منجددد ، وهمست:عشان اقابل الحبببب اهخخخ
سلمى وسعت عيونها بصدمه تصفق:اااييي قولي عشاان كذذذييه
عروب هبدتها بخفه:اصه فضحتيناا
سلمى:اقول بطلع البس سيوو
عروب لحقتها:وانا كماان
-
......•الإسطبل•......
مشاري:يمكن ماتدري أنت ، لف بضيق وكان بينطق لولا جواله الي دق
فتحه وشاف سلمان يتصل رد عليه وجاه صوته:ولد
خالد:هاا شتبي يالبثر
سلمان:هالمره بكبر عقلي على قول جدي ومابرد عليك ، بعدين اسمع احنا بنطلع البر هالحين
كلنا احنا وأهل الجد حمد وابو نواف عاد متى خلصتوا الحقونا يمكن يمكن مواكيد نقعد للفجر
فز خالد ونطق بصوت عالي ناسي المكان الي موجود به:عروب معكممم؟؟تكفى قول اييي
ضحك سلمان:اي شفتهم قبل شوي نازلين من سيارة لزام ،المهم تعال وشوف مشاري وش وضعه
مشاري هبد خالد:يابثور شوف انت وينك يحمار
ل خالد يناظر المدربين والمتدربات يطالعونه بإستغراب ولمح نوره المقهوره
نطق خالد بهمس:بيطلعون البر كلهم ، ويقول سليم مين بيجيب أهلك؟
مشاري بفرح:والله؟
هز خالد راسه بإيجاب ينطق:اي
مشاري بتفكير:مشعل وفارس خل سليم يدق عليه ، هز راسه يعلم سليم وقفل منه
سكت خالد ونطق:طيب وحنا؟ ، ضحكوا كلهم ونطق مشاري:نلحقهم، المغرب ينتهي الدوام
خالد حط يده على قلبه:ااااهه اخذني موتتتش ياخلف ابوي
ضحك مشاري يدق كتفه:اثقل الثقل زين
لف خالد يضحك ويرفع يدينه:فارق
......•بيت الجد سعيد•......
الجد سعيد:لاتضيقين منه الكلب يابنتي معليك فيه
هزت راسها بإيجاب سلمت على جدها ودخلت ، رجع يجلس بضيق قربت منه
الجده فاطمة تنطق بهدوء:خف عليهم كلهم وأنت ادرى بغيرة رماح
هز راسه بنفي:هذي مو غيره هذي مرض ، مانكر إنّ الي يغار على محارمه رجّال لكن
وش فايدتها لا صارت مرض؟ الغيره الزايده مرض وتوصل للوسواس والشك ، ماودي إنه يوصل
لهل مرحله الي تخليه يشك بأخواته وشرفهم!
الجده فاطمة:مارح توصل تطمن رماح أعرفه زين بس هونها أنت
سكت من سمع صوت التلفون الثابت وراح متوجه له وصله صوت الجد محمد
الي بدا بقوله عن طلعت البر وفررح كثييير وتغير موده نطق بسعاده:اكيد بطلع يابوي انت انتظرونا انتو نحرك سوا
رجع التلفون مكانه وطلع ينطق بسعاده:الكل يتجهز ورانا طلعه جماعيه
ثواني والكل بدا يلبس من جديد ويحطون الأغراض بالسياره لف لسعود:ياولد ناد اخوك يجهز
سعود:ابشر يايبه