ابو رعب

#_البارت7

وي كل كلمة وكل حرف يحجي بنبرة التكبر والغرور مالتة يزيد حقدي وكرهي اله أضعاف ..

واشيط بدمي اكثر من يحجي وياي بصيغة الأمر عبالك انه جاهل صغير كدامة

أسر: انه جيتي لهنا لجل شي واحد بس ! بس سؤال واحد أسألك واريد اسمع جوابة منك

باستغراب

علوان: تحجة شنهو سؤالك

أسر: وين هم هسه ؟ بيا كااااع شمرررتهم وهجولتهممم من بيوتهممم ؟؟

كام وكف على حيلة

علوان: وبعد كل السمعتة بعدك تسأل عليها ؟

أسر: سألتك سؤال ومنتظر جوابة

هز راسة ولف عباتة بهمة وتقرب مني وحجة

علوان: تزوج ولوكتها انه اخذك بيدي الهم

الدم صعد لراسي ..
بعدة يحاول وياي ويريد يقنعني
كمت اصيح فقدت اعصابي وما سيطرت على نفسي

أسر: والله واللللللههه والخلقنيييي لو يضللل اخرر يوم بعمرررري ما رااح اخضعلك وان ما تزووووجت بسمة تحرررم علية كل النسوواااان لآخر عمررري

علوان: خوش يأسر انت زلمة وانه زلمة ونشوووف كلمة منووو راح تمشيي ..

أسر: وانه كلت العندي

حجيتها ودرت وجهي طالع
اجاني صوتة

علوان: ان خطت ررررجلك عتبة الباب مالك ررردة لهذا البيييت ولا انت ابني ولا انه ابوووووك !!

درت وجهي .. اباوع لامي اللي كامت تدك على وجهها وتعيط لحد ما وكعت من طولها وتراكضوا عليها .. عيني ضلت بعين ابوي ما تحركت من مكاني وانه اباوعلة

ابتسمت ابتسامة جانبية ودرت وجهي وطلعت من البيت كلة ..
لكيت جهاد واكف متجي على سيارتة شافني اجة علية يركض يسأل

جهاد: شصار ولك احجي؟ حجيت وي عمي

أسر: جهااد واليرحم ابوك اطلع بالسيارة وانت ساكت

صعدنة السيارة وحرك وهذا الثاني ما بطل أسئلة لحد ما حجيتلة الصار .. وصاح

جهاد: لك لاااااا يا كديش! .. وامك ؟؟

أسر: ماريد احجي ولا اريد اعرف شصار وياها .. ترة والله كلبي خلصان فد مرة لتزيدها عليه

جهاد: يعني شنو هسه ما افتهمت شتريد تسوي

أسر: بقة كدامي شغلتين بس

جهاد: وشنو هنة ؟

اسر: رايد اتأكد واشوف بعيوني يلا ارتاح وان طلع الحجي الكالة الشيخ علوان صح .. فبوكتها ما كدامي غير ..............

....

الملم بملابسي واخليهم بالجنطة بأهمال وعيوني تهل وما بطلت