مُناي يهل غيثك ويسقي جفا روحي

Part 4

بعدت سولاف والدموع تجمعت بعينها ونطقت:تكفى لاتفهمني غلط،كنا ندور على اونو عشان نلعب والله اسفه ماكان المفروض ادخل،
كتم رعد ضحكته وصد عنها:من انتي؟
انصدمت سولاف ونطقت بسرعه:ا.انا.تبي تعلم اخوي صح؟.والله اسسففه تكفى والله رماح لو دري بيدفني ومابيرحمني،
توسعت عيونه بقوه:رماح؟.،
نطقت سولاف بدون تستوعب مع الربكه والخوف:انا سولاف اخته،لا انا مو سولاف
مسك رعد ع شفايفه يكتم ضحكته عشان ماتروح الهيبه ونطق وهو صاد:اطلعي برا بسرعه
طلعت وهي تركض ونزلت بسرعت......"جلس رعد على سريره يهوجس ويقول بينه وبين نفسه(والله حلوه!.وشفيني انا خفيف،"ابتسم من رجع يتذكرها"ماكان ينقصني الا انها تاخذ تفكيري،ضحك وقام يغير ثوبه وهو يتخيلها ويتبوسم على خيالاته،غير ثوبه ونزل بسرعه طلع يشوف،العيال جالسين في الجلسات الخارجيه تقدم وهو يتبسم وجلس جنب فيصل،حط يده خلف ظهره:حي الله معرسنا
فيصل نطق بضحكه:الله يحيك ويبقيك.....لف رعد يناظر العيال ونطق:الا ماودكم بكره نطلع؟
نواف:هذا شكله مو عايش معنا،ماسمعت الجد محمد يوم يقول بكره نكشت..."تذكر رعد وهو يهبد جبينه بخفه":يووه والله نسيت
مشاري بضحكه:شكله مع الكرف يارعد هههه...؛ضحكوا كلهم ومعهم رعد
سعود:ياعيال ماعندكم اونو نلعبه؟.
لف له رعد وضحك من تذكر سولاف،
"وقف سلمان"ونطق:الا في المجلس لحظه بجيبه
.........••.........
بعد ماطلعت سولاف نزلت ونست من سلمى شافوها البنات جاييه صوبهم
واستغربت عروب يوم ماشافت سلمى ونطقت بإستغراب:وين سلمى؟.
توسعت عينها من تذكرتها وقامت بسرعه:لحظه بجي الحين،دخلت بسرعه للغرفه الأخيره ومالقت سلمى،انصدمت وقالت في نفسها(وينها ذي)..ماطولت بالإستغراب لأن جتها الي طلعت وهي لابسه ثوب ولد ونطقت وهي تأشر لها بيدها:جانا القطار بدروبه ولاتقاطع ولا إشارات..،توسعت عينها هي الأخره وأنلجمت من سلمى وهي تطالع فيها مصدومه ونطقت:افصخيه بسرعه قبل
احد يشوفنا،عاد على  طلعتي شفت واحد فيهم..تلعثمت سلمى وهي تفصخه وترجعه بسرعه لمكانه "نزلت ومعها سولاف وجلسوا مع البنات"..؛ناظروا فيهم البنات بدهشه ونطقت عروب بإستغراب:هي وين الأونو؟؟
اختبصت سولاف وقالت:مالقيناه شكلهم حاطينه في المجلس او مكان ثاني
انسدحت ريوف بالحوش وكان في زرع ونباتات وقالت:يعني فوق انكم طولتوا ماجبتوه بعد اهخخ
انسدحت معها غزل ونطقت:منجد مالت عليكم!.،
قامت سولاف ونطقت:انا بدخل جوى أبرك لي.."دخلت ولحقوها البنات كلهم ورجعوا يسالفون مع الحريم"..
وقفت الجده ونطقت بإبتسامه:أستأذنكم بروح اشوف العشاء وأجي.."قامت عروب وهي تجلس جنب أمها" ونطقت بتسأول:امي
متى نروح؟.
ام فيصل بهمس:بعد العشاء نقعد شويات كِذا ونفلح...شويات وجتهم الجده وهي تقولهم:العشاء جاهز حياكم تعالوا،
"راحوا كلهم مع الجده يتعشون "ودق الباب جت الجده ونطقت:مين
رعد:انا ياجده جايين انا والعيال نشيل العشاء
الجده:ايه لحظه بس اشوف لكم طريق،راحت الجده
تشوف ونطق خالد بضحكه: ما أتخيل نطيح العشاء
رعد:عشان جدي يخلينا العشاء حقهم
ضحكوا كلهم..."وجت الجده"ونطقت بأمر:يلا خذوه وافلحوا
اخذوه وحطوه بالحوش الأمامي وكان كبير وكانوا فارشين السجاد الأحمر حق المناسبات دخل سلمان على الرجال بالمجلس ونطق بإبتسامه:حياكم على العشاء.."قاموا كلهم وجلسوا بشكل دائري على العشاء وكان كثيير..خلصوا وبدو اغلب الضيوف ينسحبون لين بقى الجد حمد وابو نواف وجد سعود ومشاري واهلهم"
نطق ابو نواف:اجل نعود لطارينا بكره تبون نكشت؟
الجد محمد:ماعندك مشكله،بس ودي لو نأجله شوي ليوم ثاني عشان خالد ومشاري وراهم تدريب
ناظر ابو نواف لمشاري وخالد ونطق:اجل وقت مافضوا نطلع كلنا
لف خالد لمشاري يهمس:بكره تدريب المبتدئين صح؟
هز مشاري راسه بإيجاب ونطق:اي،عاد بعدها نبدا ندرب المتقدمين ونشد عليهم لأن بعد ثلاث شهور بالضبط مسابقه
ولازم نكون في المركز الأول .....خالد:عاد السباق الي راح مافزنا بسبب اخوك
ضحك مشاري:عنده خوف من الحواجز،بس شكلنا بنترك فارس على جنب لأن وقتنا كله بيروح على المبتدئين
سكت خالد...ودق جوال رعد رفع نظره يشوف المتصل "العم ابو صابر"طلع وفتح الخط:هلا والله كيفك ياعم وشخبارك
رد العم"هلابك ياولدي والله تمام شلونكم انتم؟"
رعد:اتركك منا بغيت شي!.
العم بهدوء"ايه ياولدي ضروري تجي المركز اليوم"
توتر رعد ونطق بربكه:ليه عسى ماشر!.عسى بس شي يسر؟.!
أرتبك ابو صابر وقال بخفوت"والله ماضنتي انه يسر بس تعال ياولدي ونتفاهم بالمركز"قفل الخط بدون يسمع رد رعد
ورعد ارتبك ودخل المجلس ونطق بصوت عالي:يلا مع السلامه.. ناظروه بإستغراب
ونطق الجد محمد:وين رايح
رعد:اتصلوا علي يقولون ضروري تجي اليوم وبروح اشوف وش يبون...رفع راسه فيصل ونطق:وانا معك...
وجهوا انظاره له ونطق:وراي قضيه لازم اشوفه ومن حسن الحظ انه بأبها كنت اجهز للروحه من زمان،
الجد حمد:وين تروح وتوك مالك الا شهر متزوج اقعد مع زوجتك ياولد بعدين أفلح
فيصل:ياجدي ماقدر متأخر عن الموكل من زمان
خالد:طيب عادي يشوف له غيرك
فيصل نطق بسخريه:بثور حنا!الموكل دفع مقدم وانا اعتذرت شهر وتأخرت عنها
الجد حمد:عنها!!حرمه هي؟،تنهد فيصل بتعب:اي
بترفع قضية على زوجها ولازم يكون عندها ادله تثبت ان زوجها يتـ.عاطى،..
وقف الجد بحده ونطق:وانت وش نبشك تتدخل هاا!.لو ورطتك بزوجها وش بتسوي بعدها!.
تدخل رعد وهو يمسك الجد حمد:ياجد فوضى هي؟.فيه شرطه وراه بعدين،هذا شغله وهو ادرى فيه ومابيسوي شي من راسه،
الجد حمد نطق بعصبيه:لا ياولدي لاورطونه ويستدرجونها بدون مايدري هالخبل!
عصب فيصل ونطق بحده:ماني بورع اعرف شغلي زين ماتعبت ودرست عشان انسجن
رفع الجد حمد يده ووجها على فيصل:اسمعني،روحه مافي انسى تروح تجيب لنا بلاوي ومشاكل احنا عنها اغنى،
بعدين ترفع صوتك علي؟؟صدق ماعرف ابوك يربيك
نطق فيصل بصراخ:ماصرت محامي عشان اترك موكلييني،مو لعب اطفال هذا!البنت دفعت وخلصنا
وروحه بروح معليش ياجدي ماني بزر تمنعني!.احتد النقاش وقاموا يهدون بينهم حط فلاح يده على كتف ابوه ونطق بهدوء:يبه الله يهديك هذا شغله وادرى فيه وخلاص مهب لعب اطفال البنت دفعت واعطت بكِذا هي ترفع عليه قضيه سرِقه
بعد الجد حمد يد فلاح بقوه:وانا بثور عندكم تلعبون علي بالكلام!.والله يمسكونه ويسجنونه!..قرب الجد محمد يهديه:يابو عبدالعزيز الله يصلحك الولد كبر وتزوج وانت تعامله معاملة الطفل،خله يروح وش بيصير يعني انت الله يهديك تكبر المواضيع ترا مابيصير شي هذي شغلته تنهد ابو حمد ونطق بخفوت:وانا مامنعته الا لأني خايف عليه وابي مصلحته مابي يقطونه بهالسجون وهو توه شاف حياته وبأول طريقه،والحين عنده مسؤوليات ماعد هو الصغير الي يسوي اي شي بدون يحسب حسابه تقدم فيصل يبوس راس جده ونطق بهدوء:ياجد هذا شغلي وانا اعرف له ومهيب اول قضيه استلمها،واعذرني يوم رفعت صوتي عليك بس لازم تفهمني ياجدي
صعب اترك البنت يوم مسكت القضيه وبكذا بأخسر انا!.وتطمن ياجد مابيصير الا كل خير
تنهد الجد حمد وهو لازل مو مقتنع بس مابيده شي:الله يوفقك ياولدي وانتبه لنفسك زين،وكل شوي بتصل عليك اتطمن
فيصل نطق وهو يبتسم:هبشرر وعاني بخلي جوالي مفتوح لأجل اتصالك تبسم الجد حمد وسكت وطلع فيصل ومعه باقي الشباب
ناظر فيصل لرعد:يارعد بس اذا ماعليك امر خل الجده تنادي الأهل راح رعد وهو ينادي الجده طلعت له الجده عبير
وقبل تتكلم سبقها رعد:ياقمري نادي أهل الجد حمد فيصل بيسلم عليهم بيمشي ضحكة الجده ومشت تناديهم وراح رعد
لفيصل ونطق بهدوء:راحت تناديهم انتظرهم عند الباب..راح فيصل واول ماجاء شاف امه وجدته وخالته وعروب وامجاد
تقدمت امه تحضنه:تونا نشوفك مسرع بتروح!بعدين وين بتروح؟..
سلم فيصل على راسها ونطق وعينه على امجاد:بروح أبها وراي قضيه اخلصه واجي ان شاء الله
قربت الجده منه وسلم عليها وعلى خالته يتوادع منهم،
الخاله هيام بضحكه:هيا لاتبطي عشان بعض العرب
ضحك فيصل:يبشرون بعض العرب مانبطي عنهم..استحت أمجاد وبغت تدخل بس أشر لها فيصل لاتروح وجلست
عروب حضنته:مع إنّ ماشبعنا منك بس يالله المهم لاتتأخررر علينا ،هز فيصل راسه بإيجاب ودخلت عروب والجده وامه
وجت بتدخل أمجاد بس مسكها فيصل ونطق بهدوء:مابتودعيني؟..سكتت امجاد وهي متفشله من نفسها
ضحك فيصل وسلم على راسها:عمومًا خليش جنب الجوال عشان ادق كل شوي وأتطمن عليش،أكمل بتهديد وضحكه:وياويلش
لو أتصل وماتردين..خافت أمجاد وهي تحسبه صادق وهزت راسها بإيجاب ونطقت بهدوء:ا.طيب..عادي لو
كان بيروح فيصل بس لف يسمعها وهز راسه بـ معنى (وش)اكملت امجاد وهي خايفه يرفض:عادي لو اروح لأهلي؟
سكتت وهي تنتظر جوابه وتحسبه بيرفض او بيعصب عليها بس صدمها من ابتسم وتقدم منها:وتسألين بعد؟.اكيد عادي والف عادي
تبسمت أمجاد لـ لطافته معها ونطقت بعفويه:احبك
توسعت عيون فيصل بصدمه وضحك من استحت وبغت تهج مسكها وهو ينطق بحب:يعني تقولينها وتهربين،انا مو بس احبش انا
وصلت لمرحلة ماتخيل حياتي بدونش انتي بس لو تدرين اني لاصرت لوحدي افكر فيش اخاف يصيبش مكروه،
تنهد واكمل كلامه بخفوت: وابيش يا امجاد ماتستحين مني بعد اليوم انا زوجش ولازم تتعودين علي ادري اطلب منش
شي صعب بس مابيش تخافين وطول مانتي معي والله مايصيبش مكروه وامحيه من دنياه الي يأذيش او بس يفكر..،
تبسمت امجاد له وهي فعلًا بدت تقول بنفسها (لمتى يا امجاد؟حرام تعاملينه كِذا وهو يداريش ويحبش)
فيصل بإبتسامه:وين طرتي؟
صحت على حالها وضحكة بخفه:هنا
فيصل ضحك لضحكتها ونطق:طيب تبين تاخدين أغراضك ولا تمرينها مع واحد من اخوانش؟
أمجاد:لا باخذها مع واحد من أخواني ،نطقت بضحكة:اخذها الحين وش اسوي فيها!
فيصل ضحك بسخريه ونطق:لاتشرهين مانمت زين،تنحنح ونطق بجديه:أجل خلاص بروح مع رعد
وبعدها نحرك،أنتبهي لنفسش زين
امجاد بهدوء:إن شاء الله،توصلون بالسلامة يارب
فيصل بإبتسامه:أمين يارب،اذا احتجتي اي شي كلميني،هزت راسها بإيجاب ومشت
وقف فيصل ينتظرها لين دخلت وراح لرعد،
فيصل:متى ودك نحرك يالذيب؟
رعد ضحك ونطق:الحين اذا ودك
فيصل:تم،بس على طريقنا باخذ أغراضي ونحرك
رعد:طيب أجل بروح اتوادع منهم،
هز فيصل راسه بإيجاب وراح يدخل للمجلس شاف سعود جالس وتقدم يجلس بجنبه
ونطق بهدوء:أسمع
لف سعود يصغي له، ونطق فيصل:تدري بنحرك انا ورعد لأبها وأمجاد تبي تروح عندكم لين أرجع
على طريقكم وصلها بيتنا تاخذ اغراضها،عاد لأوصيك لاتروح ألا وهي معك تسمع؟
سعود بضحك:طير بس ياشيخ مسوي توصيني على أختي!
فيصل ضحك بخفوت وقام يطلع يشغل سيارته...تقدموا العيال يسالفون عنده
خالد نطق بضحكه:أقول فيصل خل رعد يسوق وأنت أرتاح
ضحك فيصل ونطق:وهذا الي بيصير أساسًا...ناظرهم رعد بصدمه وضحكوا ،
نطق رعد:دزها بس أنت الي بيسوق
رماح بضحك:لا يارعد ماحبيتها منك توه تزوج أختي عطه راحه
رعد:أنقلع بس عاد له شهر متزوج مافيه أنتهى زمن الدلع
فيصل:أقول!عطيتيك وجه يالبزر ،أنت الي بيسوق ترا.!
رعد ضحك بسخريه ونطق:إن شاء الله اذا أسبل الملح
توجه رعد يركب بجنب فيصل بعد ماخذ اغراضه وتوادع من الكل ،اغراضهم وطلعو لأبها
..انتهت العزيمه وراحوا كلهم ،
دخل الجد يوجه تعليماته لسلمان ورعد:نظفوا بعدين ناموا ياويلكم القاكم نمتوا ولانظفتو
.........••.........
دخلت بتعب لغرفتها وهي تنسدح بخمول تنهدت بعمق وهي تتذكر كيف كان اليوم حلو،غمزته وخوفه عليها كل هذي تخلي
حبها له يزيد اكثر واكثر ، صحت من افكارها من دق الباب ودخلت أمها قفلت الباب وجلست جنبها
عقدت عروب حواجبها بإستغراب ونطقت بخفوت:ا هلا؟ تعدلت من جلستها وهي تناظر لأمها وهي ساكته
ام فيصل:ابوش رجع ومابي اي مشاكل الله يرضى لي عليش تمام!.رجعت عروب تنسدح وهي تناظر السقف
ونطقت بسخريه:وليه رجع؟ قولي له كان قعدت افضل!!
وقفت امها وتنهدت نطقت بتعب:ماقول غير الله يصلحش ويهديش يابنتي، راحت امها وقفلت الباب بهدوء، قامت عروب
وهي تضحك بسخريه:مسوي فيها أب حقيقي،روح ياشيخ!.،قفلت الأنوار وتوجهت للسريرها تنسدح بتعب رفعت اللاحاف عليها
بإهمل وسرعان ماغطت بنومه بسرعه من كثر التعب
........•بيت الجد محمد ،الظهر•.........
صحى خالد بتعب وهو يفتح عينه ببطئ ويناظر حوله وكان الصداع الف،مد يده وسحب جواله يناظر بالساعه،فتح عيونه بقوه يوم شاف الساعه قربت من ثنتين وتوه يصحى قفل جواله ودخل دورة المياه تروش وطلع يلبس ثوبه الرصاصي،
اخذ الساعه من الطاوله ولبسها رش عطره وانتشرت ريحته القويه،فرش سجادته وبدا يصلي صلواته الي فاته،
خلص ونزل يدور بعينه عليهم شاف جدته تدخل للمطبخ ونطق بصوت عالي لأجل تنتبه له:سلام
لفت الجده ونطقت بإبتسامه:هلا هلا وعليكم السلام ،هيّ أندر (انزل)كُل لك لقمه واشرت بيدها على السفره المفروشه
بالصاله وأكملت عانه (شوفه) موجود هناك،
ابتسم خالد ونطق:شكرا ياحلوتي،وراح يجلس والجده ضحكت ودخلت تكمل شغلها،خلص خالد وشال وراه
وغسلها على السريع وناظر الجده ونطق بهدوء:ياجده وينه سلمان وجدي؟.
لفت الجده ونطقت:سلمان من الصبح راح يفتح المحل وجدك يسقي الزرع بالحوش
طلع خالد ولقى جده يدندن:يا لالاله يالاله يالالالا وأنظر الماء بعيني ولا صلى،
لي حبيبٍ نسومه كمالعوده يسكن أبها جنوبن عن أمسوده والعسل من تهامة رجال ألمع،
ضحك خالد وقرب منه وهو يكمل باقي الأغنيه: مالحقت أمسك يدين معشوقي ميدها طابت وأمسحابيه
لف الجد له ونطق بضحكه:هلا والله صحى النوم
سلم خالد على راسه:يصحي بدنك،هات عنك
الجد بإعتراض:لا لا انا بسقيها والله انها دوا للروح
تبسم خالد:وانشهد
الجد نطق بإبتسامه وهو يسقي الزرع برحابة صدر ،وبدون مقدمات:تصير الحياة غالية دام لك بها غالي،
عقد خالد حواجبه وسكت يبتسم له، تذكر خالد ان نسي من التدريب هبد راسه بخفه وهو يودعه جده:ياجد نسيت من التدريب
الحين يقبع بي مشاري انا ماشي تبي شي؟
ضحك الجد ونطق بإبتسامه:سلامتك،وهون عليك
تبسم خالد وراح يركض لسيارته فتح الباب بهدوء ودخل يشغلها ويحرك للتدريب....
.........••.........
تنهد بضيقه وطفش صار الوضع ملل بزياده من يصحى على طول يسيد لمحل جده ومحد معه
رجع يتنهد وهو واقف على الباب بحسره ونطق:ابوك يالطفش وش السوات الحين!،كلن لاهي بعمله،وقف يتعدل من
تقدم زبون يشتري دخل وهو يتمتم بـ ماشاء الله،يالأجودي عطني أفضل انواع التمر الي عندكم
تبسم سلمان بكلافه ونطق:والله كلها حلوه لكن تبي شوري؟خذ من عجوة المدينه يكفي ان الرسول صلى الله عليه وسلم،كان ياكل
منها، تمتم الرجال بـ أنشهد وكمل ،هيا عطني كرتونين منها...راح سلمان ياخذ الكرتونين ومد له واحد ورجع ياخذ الثاني،
نطق الرجال بهدوء:كم السعر؟!.،
سلمان:انت اخدت ابو كيلو واحد للكرتونين ويعتبر أرخص سعر 149 لكل كرتون فإختصار كل الكرتونين بـ 298
فتح الرجال عيونه بصدمه:يارجال!
سلمان بهدوء:ياخوي هذي عجوة المدينه الأصلية مانجيبها حتى الا من المدينه
كان يفكر الرجال بصمت بعدين نطق:ياخوي والله اني جاي من حايل وأول مره اشري منكم ماترخص؟!.
رفع سلمان راسه بإبتسامه ونطق بصدمه:ماشاء الله ،والله لعيون حايل تاخذها كلها بـ سعر الواحد
مافهم الرجال ونطق:يعني؟
ضحك سلمان:يعني كلها بـ149 ،عاد اكثر من كذيه مقدر ياخوك
ضحك الرجال ونطق مبتسم:انفداك والله! ،تقدم الرجال يدفع نطق قبل يروح:ياخوي عندك رقم للتواصل
سلمان:اي سجل عندك ........ ، الرجال:الأسم الكريم؟
سلمان:سلمان عدي ،وانت ياخوي!
الرجال:ياسر ، ارتاح له سلمان كثير ونطق:الله ييسر امرك ، الا ماقلت لي يا ياسر وين بتقضي ليلتك!
ياسر نطق بضحكه:خلك مني وقولي مابتسجل رقمي؟ ،
نسى سلمان وضحك معه تقدم يسحب جواله ويسجل عنده ورجع بنظره له:يالله قولي وين بتنام
ياسر:في اي فندق هنا!، انصدم سلمان وضحك بقوه ،استغرب ياسر ونطق سلمان:ياخوك مافي فنادق هنا انت بقرى مو بمدن
ضحك ياسر بإحراج:بالله؟ مهي ذي ابها!، شهق سلمان بخفه ورجع يضحك:واضح انك ماتدل لانه انت الحين بتهامة!
مو فوق في ابها ،شهق ياسر ونطق بصدمه:بذمتك!تقوله صادژ!..،مات سلمان ضحك على عفويته:والله!، على العموم حياك في بيتي
طول ما انت هنا بتقعد عندي ، كان بيرفض بس نطق سلمان بسرعه:علي الحرام ان تجي !
ياسر بصدمه:الله يصلحك دام وصلت لهنا والله ماردك
.........•في الأسطبل•.........
حط يده على حواجبه وفركه بخفه من الصداع الي داهمه فجأة لكن فز اول
ماقربت منه المدربه نوره(مخصصه لتدريب البنات ومعها سعاد)،صد بنظره عنها ونطق
بهدوء:هلا أختي بغيتي شي؟
عصبت من نطقه لأختي لأنها تكن له شعور داخلها لكن تجاهلت ونطقت:أشوفك تعبان تبي أصلح
لك حاجه تشربها عشان تخفف من تعبك؟
خالد:الله يعطيش العافيه بس ماله داعي مجرد صداع خفيف وبيروح ان شاء الله
نطقت بأصرار:لا والله بسوي لك أصلًا ماعندي شي الحين
عقد حواجبه من إصرارها المريب ونطق لجل يصرفها:بس عندش متدربات تدربينهم ولا؟..
حست انها نغزه منه ونطقت بإبتسامه:سعاد تدربهم وماشاء الله عليهم مايحتجـ.
خالد:لا لا يحتاجون كيف بيفوزون بالمسابقه اذا ماتدربوا زين!
نوره:ليش أحسك تصرفني؟بعدين ترا بس كنت بسوي لك شي يخفف صداعك ،وبلعت ريقها ونطقت بغصه"أعتربك أخوي اصلا"
بس دامك ماتبي على هواك، راحت وتركته مصدوم ونطق:وشفيها هذي؟ بسم الله يعني بالغصب أشرب!
........•«بيت ابو فيصل »•.........
صحت من أشعة الشمس الي ضاربه وجهها تنهد وهي تقوم تتوجه للحمام دخلت وزفرت بضيق
مالها حيل تسوي شي حرفيًا متكسره من العزيمه امس، اخذت دش على السريع وتوضت طلعت بسرعه
لبست جلابية و سحبت شرشفها تصلي؛السلام عليكم ورحمة الله ،تمتمت ببعض الدعاوي الي تدعيها بعد الصلاه ،
ازاحت الشرشف وسفطت السجاده على كرسي مكتبها الأبيض ويزينه الورود فتحت نافذتها تتهوى
وهي تتأمل الزهور الي تزين شباكها تبسمت بخفه وهي تطلع وتقفل بابها
نزلت وشافت امها لكن سرعان ماصدت بقرف من شافت ابوها جالس يقلب بالتلفاز يدور على برنامجه المفضل
القديم "حروف" تقدمت تسلم عليه وتبتسم من شافت تهديدات امها من خلف أبوها
وهي تنطق بكلافه:السلام عليكم ،الحمدلله على السلامة ،تبسم لها بالرغم من انها تكرهها لكنه،
كانت بالنسبه لأبوها غاليه لأنها بنته الوحيده بين ثلاث عيال ،تفاجأت تناظر بدهشه ادركة على نفسها
من نطق بحب:يبه عروب وين رحتي؟...حست عروب وكأن مويه انكبت عليها!.معقول هذا ابوي؟؟ لا ،
لا قسم بالله مو طبيعي اكيد في شي غلط لايكون بدلوه!؟..فهت عروب وناظرت له بفهاوه
تقدمت أمها للصاله وبيدها الأكل ودقتها بخفه ترجعها لواقعها،
استعادت نفسها ومشت من قدامها ونطقت تأشر للمطبخ بغباء:بروح اجيب السفره ههه نسيتيها يمه
ركضت بسرعه للمطبخ وهي تتعسس نبضاتها الغير منتظمه أثر الصدمه القويه:مستحسيلل هذا مو ابوي متاكده
ولا اكيد والله مايسويها الا وراه بلى ابوي وأعرفه!!
نطقت من خلفها:او يمكن ندم وحس بغلطته ورجع بوعيه؟
صرخة بقوه وفزت امها معها تهبدها:شقومشش يالخبلهه تصرخين!
مسكت على قلبها وجلست في الأرض:يمه الله يسامحش،خوفتيني كان تنحنحتي قلتي شي مهب كذيه تفجعيني
ضحكة امها بعلو صوتها ونطقت بخفه:والله صرختش هي الي خوفتني ،بعدين قومي من الأرض
فزت ترفع نفسها بذعر وتتأكد ان ماجاها شي او توصخت زفرت بإرتياح:الحمدلله اوهه قلت انها توصخت هالحين
نطقت امها بسخريه:الا وش قولش بأبوش؟ماقلت لش لاتتكلمين معه بهالطريقه،بعدين هذا زان خلاص وعقل
ضحكة عروب بسخريه ونطقت:وانتي صدقتي؟اسمحي لي يمه اقولش انه بسرعه ينلعب عليش "رفعت يدها تمدها
قدامها واكملت"لأن مستعده اقص يدي منها،لا منها"رفعت لين توسطت كتفها"اذا ماكان هالتغير وراه حاجه
دفعتها امها للخارج ونطقت بسخريه:لا والله عقلش مهب معش!هذا قولش عن ابوش؟.ماقول غير الله يهبلش عقل
رمت عليها السفره ونطقت بحده:افرشيها واخلصي علي لاتجين تفلمين على مخي سامعه!!
راحت عروب بقهر وغبنه وهي لازالت مصره انه ورا تغييره بلى،فرشت السفره وحطت الأكل عليها
وتوجهت للدرج لأجل تصحي اخوانها،دخلت غرفة لزام وهي تناظر للتسريحه الي عليها أشرطه كثييره
لخالد عبدالرحمن ومحمد عبده وغييره الكثير ،قربت ترتبها زين وتحطها صف واحد وهي ساندتها
على الجدار،راحت لزام ضحكت بقوه وهي تشوف نومته الغبيه وكيف مميل راسه تقدمت تنزل لمستوى راسه
وحطت فمها عند أذنه وصرخة بقوه، فز يصرخ وهو حاط يده على قلبه ويسمي ،التف لصوات
الي تضحك من جنبه ونطقت بخبث ولعانه:تتذكر يوم فجعتني؟،رديتها لك هالحين،
أشتعل غضب وهو ياخذه المخده من تحته عرفت بنواياه وصارت تركض لين وصلت لغرفة عزام
فتحتها بدفاشه ونطت وراء عزام الي صحى مخروش من صراخهم
نطقت بصراخ:تكفىى انا فوجهكك منه...لف بنظره على الي تقدم له بغضب ونطق:تحسبين بمررها لش مرور الكرام؟
عزام بحده:والله ماتلمسها "لف لعروب" وانا اوريش على الدخله ذي ماقلت لش ادخلي زين؟
يعني لازم هواش كل صباح وصراخ على هالباب الي لو اهده أفضل لي
عروب  خفق قلبه من عصبيته ونطقت ببراءة:ماسويت شي تخيل فجأة قام يهاوشني لأني صحيته،
وسع عيونه بصدمه ونطق:...