- تصعدين تسكتينه لو اسويلي مصيبة ، ارريد انام
دفعت ايده بنتر وهي تگله
- بيته بيييته يصيح يشغل اغاني يكسر يحرك بيته بكيفهمد ايده بسرعه ضربها راشدي شهكت واكفه وهي لزمت خدها مبتسمه وعيونها حمر كالتله
- ريتك مو أبوي
تفل عليها وهو يگلها
- عساج وعساه بالموت والله يفكني منج ومنهطلع ورگع الباب وراه حيل وهي كعدت مدنكه عينها وصافنه حرت شنو احجي وبشنو اواسيها وهجام ما بطل نوب صار صوت الضرب قريب والاغاني هم صوتها قريب تمددت رويــده بفراشها مغمضه عيونها ودموعها تنزل سكته باوعت الافاطام هم صافنه وساكته
كمت اريد إطلع خايفة ومحتارة اول ما لزمت الباب كالت رويــده
- لا توصلين يمه شــام- لا راح اروح للمخزن انام
هزت راسها موافقة وتغطت طلعت من الغرفة وكفت ببداية الدرج وبلعت ريك بخوف شفته كاعد فوك باول بايه من الدرج بأيده الساطور يضرب بالمحجر وبصفه الديجي مدنك عيونه يهز راسه منا ومنا ويا كل ضربة احس كمت اسمع دكات گـــلبي واطرافي ترجف بالاخص رجلي احسهن صايرات خيوط
غمضت عيوني اسحب نفس سمعت صوت همس وراي التفتت اباوع باب غرفة كرار مفتوح على كيف مطلع بس عينه ويحجي بخفوت ويتغامز
- تعالي يمي اذا خايفة تصعدينخزرته وتقدمت للدرج خطوة رفعت دشداشتي احس راح انجبح على وجهي غمضت عيوني يابه شيعبرني من يمه اصعد بايه وروحي تروح صرت بصف الحايط رافعه الدشداشة وامشي على اطراف اصابعي گـــلبي من الخوف ممرود بقت بيني وبينه ثلث بايات
ضرب المحجر بالساطور ، هدئ ساكت ومدنك واني رجلي ترجف ارفعها للبايه وارجع انزلها لا صاعده ولا نازله رفع عيونه باوعلي عيونه حمر حيل واني مدري شبيه رجفت كلي شهكت وشفايفي يرجفن بجيت واحجي بخنك
- اريد اروح للمخزن
بقى يباوعلي عاكد حاجبه همس بصوت مبحوح
- شــاممد ايده الي واني جفلت ردة فعلي سريعة نزلت بايتين خايفة
فتح حلكه مصدوم بلع ريك ورجع أيده مسحت دموعي اباوعله دنك عيونه وعض شفته بحيرة ضرب المحجر ضربة قوية كتمت نفسي بس دموعي تنزل ، رجعت صعدت البايتين النزلتهم اتقدم خطوة خطوة وكلبي رايح بقت بيني وبينه بايه وحده زفرت نفس بقوة وصعدتها بس خليت رجلي على الباية الكاعد عليها مد ايدة ولزمها رفع راسه يباوعلي واني حتى النفس انكتم

أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
البارت ٢٠
ابدأ من البداية