ပိုးပိုးဖြူကထမင်းကြော်ပေးထားကာကလေးများကိုထမင်းကြော်ထည့်ပေးလိုက်ပြီး ခွန်းနှောင်ကြိုးကတော့နွားနို့ဖျော်ပေးလိုက်သည်။
ထို့နောက်သူကတော့ထမင်းမစားတော့ဘဲဝင်ထိုင်လိုက်ပြီး ကလေးများစားတာကိုသာကြည့်နေလိုက်သည်။
"ခွန်း ထမင်းမစားဘူးလား?"
"ဟုတ်မမ ခွန်းရင်ပြည့်နေလို့.."
"အယ်..မမဘာလုပ်ပေးရမလဲ? အစားလေးစားပြီးဆေးသောက်ထားလေခွန်းရယ်.."
"ဟုတ်ကဲ့မမ ခွန်းကလေးတွေကိုလိုက်ပို့ပြီးပြန်မှပဲတစ်ခုခုစားလိုက်တော့မယ်"
"ဟုတ်ပါပြီရှင်"
ခွန်း မမပိုး၏အပြောကိုပြုံးသာပြလိုက်၍ဘာမှပြန်မပြောတော့ဘဲနေလိုက်သည်။ ခဏအကြာကလေးများကစားပြီးသွားကြသည်။ ထို့ကြောင့်ကလေးများကိုကျောင်းသို့လိုက်ပို့ရန်ပြင်လိုက်သည်။
ယခုဆို ခေတ်ကခွန်းအတွက်ကားတစ်စီးဝယ်ပေးထားကာ ကားမောင်းပြန်သင်ပေးထားပြီးသူမရှိသည့်အချိန်တွင်ယခုလို,လိုအပ်လာလျှင်မောင်းလို့ရအောင်ဖြစ်လေသည်။
ဖိုးဝလေးကလည်းမောင်းတတ်ပါသည်။ သို့သော်ထိုကောင်လေးကလည်းကျောင်းတစ်ဖက်နှင့်မို့ ခေတ်မရှိသည့်အချိန်အတွင်းတွင် ခွန်းကိုယ်တိုင်ကလေးများကိုလိုက်ပို့ဖြစ်လေသည်။
အချိန်တစ်ခုထိကြာသောအခါကလေးများ၏ကျောင်းသို့ရောက်လာလေသည်။ ကလေးများကိုကျောင်းဝင်းထိပ်ထိလိုက်ပို့ပေးပြီးနှုတ်ဆက်ကာ ခွန်းအနီးနားရှိဆေးဆိုင်တစ်ဆိုင်သို့ဝင်လာခဲ့လိုက်သည်။
"ဘာဝယ်မလို့လဲရှင့်"
"ညီမ အစ်ကို့ကိုဆီးစစ်တံလေးရောင်းပေးပါလား"
"ဪ...ဒါကလေ...မိန်းကလေးတွေကိုယ်ဝန်ရှိမရှိစစ်တဲ့အရာနော်အစ်ကို..၊ ယောက်ျားလေးတွေစစ်တဲ့အရာမဟုတ်ဘူးရှင့်"
"အာ..ဟုတ်ကဲ့ အစ်ကိုသိပါတယ်။ ဟို..အစ်ကို့ရဲ့အစ်မကဝယ်ခိုင်းလိုက်လို့ပါ"
ခွန်းပြောလိုက်တော့ ထိုမိန်းကလေးသည်မယုံသလိုလေးကြည့်လာလေသည်။ ခွန်းလဲဘာမှထပ်မပြောတော့ဘဲခေါင်းသာငုံ့၍စောင့်နေလိုက်သည်။
YOU ARE READING
𝒀𝒐𝒖'𝒓𝒆 𝒕𝒉𝒆 𝒐𝒘𝒏𝒆𝒓 𝒐𝒇 𝒎𝒚 𝒉𝒆𝒂𝒓𝒕.. {Completed}
Fantasyဈာန်မင်းတခေတ် × ခွန်းနှောင်ကြိုး ဈာန္မင္းတေခတ္ × ခြန္းေနွာင္ႀကိဳး ‼️Male pregnancy‼️ start Date - 1.8.2023 (Tuesday) End Date - 20.11.2023 (Monday) 🌷Second Fiction🌷 {COMPLETED} White Tulip🌷🤍
Part-74(Unicode + Zawgyi)
Start from the beginning
