"တစ္ဆေနယ်ပယ် အဆင့်နိမ့် လက်နက်တွေပဲ.. မဆိုးပါဘူး!"
အကြည့်တစ်ချက်ဖြင့် လုရွှမ်သည် လက်နက်အဆင့်ကို သိသွားပြီး မျက်လုံးများ တောက်ပလာသည်။
ရှေးဟောင်းမြို့သည် ရတနာများနှင့် ပြည့်နှက်နေသည်ဟု လူတိုင်း ပြောကြသည်မှာ အံ့ဩစရာ မဟုတ်ပေ။
သူဝင်လာသည်နှင့် လက်နက်ဆိုင်သည် သူ့ရှေ့တည့်တည့်မှာ ရှိနေပြီ။ ထိုမျှမကသေးဘဲ ထိုလက်နက်များတွင် တစ္ဆေနယ်ပယ် အဆင့်နိမ့် လက်နက်များဖြစ်နေ၏။
သူ့လက်ကို ဝေ့ယမ်ယလိုက်သည်နှင့် လက်နက်အားလုံးကို ကျောက်စိမ်းပြား နေရာထဲသို့ ထည့်သိမ်းလိုက်သည်။ သူ့မှာ တခြားသူတွေနဲ့ မတူတဲ့ အာကာသ မှော်လက်နက်တစ်ခု ရှိတာကြောင့် ပစ္စည်းတွေ ဘယ်လောက်ပဲရှိရှိ စိတ်ကြိုက် စုဆောင်းနိုင်သည်။
"ဒီသတ္တု အပိုင်းအစတွေနဲ့ ဘာလုပ်နေတာလဲ!? မြို့သခင်စံအိမ်ကို မြန်မြန်သွား!"
ကျီးကန်းက ကျောက်စိမ်းပြားထဲက ရုတ်တရက် ခုန်ထွက်လာပြီး တဖျပ်ဖျပ် ခတ်လျက် အော်ငေါက်တော့သည်။
"မြို့သခင်စံအိမ်?"
ရှေးဟောင်းမြို့ကို ဘယ်လိုဝင်ရမှန်း သိပေမယ့် ရှေးဟောင်းမြို့အပေါ် နားလည်မှုကတော့ အကန့်အသတ်နဲ့သာ ရှိသည်။ ရှေးဟောင်းမြို့ထဲမှာ ဘယ်လိုအရာတွေ ရှိနေတယ် ဆိုတာကိုတော့ ရှင်းရှင်းလင်းလင်း မသိထားပေ။
"ဟုတ်တယ်... ငါ့နောက်လိုက်ခဲ့!"
ကျီးကန်းက ဘာကို ထိမိမှန်း မသိပေမယ့် ရှေးဟောင်းမြို့ကို ပေါ်လာခဲ့သည်။ ရှေးဟောင်းမြို့ရဲ့ အတွင်းပိုင်းကို သိတယ်ဆိုရင် သူ့ထက် အများကြီး ပိုသိရလိမ့်မည်။
ဒါကြောင့် အပိုစကားတွေ မပြောတော့ဘဲ ချက်ချင်း ဖီးနစ်အတောင်တွေကို ဖြန့်လိုက်ကာ ကျီးကန်းနောက်သို့ အနီးကပ်လိုက်၍ လျင်မြန်စွာ ပျံသန်းသွားသည်။
ကျီးကန်း၏ အဆင့်တိုးမှုသည် သေမျိုးအသွင်ပြောင်းခြင်းနယ်ပယ် အဆင့်၂သို့ ရောက်ရှိခဲ့ပြီး ပျံသန်းမှု အမြန်နှုန်းသည် အလွန်လျင်မြန်လှသည်။ လုရွှမ်သည် ရွှေအရှိန်ကို သန့်စင်ထားလို့ ပျံသန်းသည့် အမြန်နှုန်းက မနှေးပေ။
KAMU SEDANG MEMBACA
ပြန်လည်မွေးဖွားလာသောဧကရာဇ် (book 3)
FantasiArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
Arc 3🗡166🗡ရတနာမှန်သမျှ ငါ့လက်ထဲမှာ စုစည်းစေ (ပထမပိုင်း)
Mulai dari awal