مُناي يهل غيثك ويسقي جفا روحي

Part 2

قرب رعد منهم وهو يقول:هي ولد انت وياه شرايكم نجلس بالحوش محد الحين بينام اساسا والله لو اننا دجاج
خالد: قدام معك ونسوي لنا شاهي ونسهر على صوت ابو نوره
رعد:ايه شاهي وواحد فيكم ينقز البقاله يجيب سهره كذا على عددنا وفصفص
أقتنع سلمان بعد ماكان بينام من الطفش:كنت بنام بس دام هذا جوكم والله مانقول لا بس جدي؟
رعد:يابوي جدي مايدري لو محد تكلم بعدين تلاقيه ماشاء الله الحين في سابع نومه
ضحك خالد:والله لو سمعك جدي لايدفنك بس يلا خلونا نطلع بشويش... نزلوا العيال بهدوء وجلسوا في الجلسات الخارجيه
ناظر رعد لهم: شوفوا عاد الحين بنقسم المهام اثنين في المطبخ يسوون شاهي وقهوه و واحد يروح يجيب سهره
لنا عاد الي بيروح البقاله أسهل له،كان رعد يقول لهم هالكلام عشان مايروح البقاله ودايم يلعب عليهم بالحكي
وهم مايعرفون،كان سلمان متردد بس قال بسرعه:انا بروح وهالله هالله بالشاهي هذا أهم شي
خالد:معليك انت بس روح وحط يدك ورجولك في مويه داااافيه..راح سلمان ورعد وخالد دخلوا المطبخ
رعد يسوي القهوه وخالد الشاهي الي كان عشققهه ولايهتم للقهوه كثيير هو وسلمان عكس رعد الي مايروق الا
على القهوه اما عند سلمان اخذ كل شي على السريع وحطه عند المحاسب وهو يدفع ويرجع البيت بسرعه
دخل ولقاهم جالسين وهم مضبطين الجلسه والشاهيروالقهوه وينظرونه بس
التفت خالد على جيته:اخيرا مابغيت
حط سلمان الأغراض وجلس:يابوي تعبت على مالقيت البططسات(شبسات)الي تعجبكم
رعد:اهم شي جيت الفصفص؟..طلعه سلمان وهو يمده له:اوهذا شي ينسى!!
رعد:كفووو هيا الحين جاء دوركم كل واحد يقول بيت شعر ولاقصيده من الي حافظها
خالد ناظر لسلمان:ابدا ياسليم
ابتسم سلمان وتنحنح: انا والليل خلان ورفاقه
اخذني عشق واخذته عشاقه
اوضح له ضنايٍ ما بروحي
ويفتحلي على الغياض طاقه
الا ياليل وش عندك وعندي؟
يقوله من تكدّر له مذاقه
عيونه من غرام الشوق تهمل
عبايرها على ذيك الدقاقه
وانا بنهاية التسعين هجري
إلي خلٍ عجزت اقوى فراقه
مضى عشرين عام وخمس كني
كسير عيّب الجبّار ساقه
‏صفقوا رعد وسلمان بحراره:صحح لسانك،لف رعد لخالد وهو يقوله:دورك يالله
تنحنح خالد وقال بهدوء: قمراي انا الليل ولا لي سما إلا سماك
‎صدقني اني لو سهرت الليل وعيوني حمر
‎ اسهر على شانك على شان اسهرك واسهر معاك
‎و أواعدك و اقول انا مواعد مع القمرا قمر
‎قبل اللقى تبرد يدي وانا احترق على لقاك
‎وانا انتظر هذا اللقى على أحر من الجمر
‎ أجيك وأنا الشاعر اللي علق أحلامه وجاك
‎لو قلت لي لاتنهمر بجيك كلي منهمر
‎ متعاطي حبك ومدمن بك ومهلكني هلاك
‎ومروع ٍقلبي وقاتلني ودامرني دمر
‎و تبيني أبين غلاك الله لايبين غلاك
‎ تامر علي وعيونك الثنتين تامرني امر
‎انا اللي احبك واحبك من هناك الى هناك
‎محبه لو مت منها ماجنيت الا ثمر
‎صفقوا من جديد ورعد يغمز:ياعيينييي حظها المقصوده
ضحك قال وقال:ابدا يالله
رعد:احممم انا فاشل بحفظ الأشعار بس بغني لكم
ضحكوا وقال خالد يمازحه:لا اله الا الله لاتكفى الجو عليل لاتخربه بصوتك
ضربه رعد:انقلع والله لاغني وماعلي فيك
سلمان:ابد ابد بس اول مره اشوف واحد يبي يغني بالغصب
رعد:بطنشكم وببدا احممم
ياصاحبي ماتهون وصاحبك مايهان
انا تراني على هقوتك واللي تبي
****
الحب بلوى هم من هموم الزمان
لكن عليك بكلام الله وهدي النبي
****
لا تقول حظك من القمة نزل فالطمان
واقول لك مايقدر زادي ومشربي
****
دخلت قبلك مراحل متعبة وامتحان
صقلت مافادني حرصي وكثري اتعبي
****
اداحم الوقت الامحق بالجنوب المتان
الين ضعفت عزومي وارتخى منكبي
****
اقوم قومة جمل واطيح طيحة حصان
وابقى على مذهبي مايختلف مذهبي
أنصدم خالد من صوت رعد الي ماتوقعه لانه متعود لاغنى لهم يستهبل وماكان سلمان احسن منه:اقعدددد
الحين هذا صوتك ياورع ولاتغني
رعد:عاد الشكوى لله انتم ماتبوني أغني خلوكم
ضحك سلمان:والله ماعرفته،اجل الصوت الشين الي تسمعنه اياه وين طار...ضحكوا كلهم بصوت عالي
لدرجة معد قدر رعد يوقف:الله ياخذك يالخايسس الحين صوتي ذاك شين حسبي الله والله معد اغني
ههههههههههههه
خالد:وهو صادق تسمعنا صوتك الشين لا والمشكلة مايسكت والحين يوم صار صوته حلو
سكت الثوير(الطفل)..قام رعد يتحسب عليهم وهم يضحكون واكملوا ليلهم بالضحك والوناسه
وماكانوا الوحيدين المبسطوين بذا الليل بل معهم اشخاص كثيير شاركوهم
.....••......
دقوا الباب وفتح لهم فلاح وهو يسلم عليهم:هلا والله بوخيتي وعيالها حياكم..دخلوا كلهم وناظر
فلاح لفيصل:هلا والله بمعرسناا يالله ان تحيييه..ابتسم فيصل:الله يحيك،وكيفكم وكيف الكل
فلاح:بخيير يسلمون عليك،انتبه فلاح لأمجاد وسلم عليها:حي الله عروستنا كيفش يابنتي وشخبارش
أستحت أمجاد وهي بطبعها خجوله:الله يحيك ياخالي،بخير الحمدلله واخبارك أنت
فلاح بهدوء:دامني شفتكم بخيير،ويالله ماطول عليكم ادخلوا..دخلت أمجاد وعروب وام فيصل يسلمون
واستانست هيام(خالة عروب)عليهم هي وسلمى والجده لانهم كانوا طفشانين مرره واخذ فيصل طريق
يسلم على خالته وجدانه وطلع يجلس بالجلسات الخارجية مع فلاح والجد والجده الي جت تاخذ اخباره
الجده:وها ياولدي مافي شي بالطريق؟
استحى فيصل وضحك:ان شاء الله قريب ولاجاني ولد بسميه فلاح
ابتسم فلاح:ايوووه خلك كذا شاطرر مو زي ماقلت لك في زواجك وقلت تبطي عظم
ضحك فيصل:انا اقولها ابطي عظم والله ان اول ولد يجيني بسميه عليك
فلاح:نشوف نشوف
الجده:وانت متى بتتزوج؟!..فلاح:والله يايمه ماجتني فارسة الأحلام
الجد:هذا ولدك ماقول غير الله يغفر لنا فيك (مافي امل يعقل)ضحكوا كلهم وفلاح يتحلطم:افاااا
الحين الله يغفرلكم فيني ماقول غير الله يسامحك تمون يالغالي
فيصل وهو يخبط على كتفه ويضحك:يعوضك الله حبيبي يعوضك الله،بعدين جد انت ليه ماتتزوج
بعد فلاح يده:جاكم الثاني ياخييي مالقييييتهاا فارسة احلاميي مالقيتها!!
الجده:والله ماقول غير الله يخلف بس راح عمرك ياولد أعرس وفرحني فيك قبل اموت
فز فلاح يسلم على أمه:بسم الله عليش جعل يومي قبل يومش،يمه والله مالي بالزواج الحين خلوني على راحتي
الجد:انك فاشل زان (يكفي،انتهينا)قوم أعدي(امشي) للمزرعه!!...ضحك فلاح:وييييين يبه الساعه ٧ بعدين وش تسوي
بالمزرعه هالوقت..الجد:انا ماسألتك اذا الوقت مناسب ولا لا بعدين تعدي وأنت ماتشوف الدرب
ضحك فيصل وهو يهمس لفلاح:سددلك وحده ههههههههههههه
دقه فلاح بخفه وهو يقوم ويقول بنفس الهمس:على بعر بسس..راح فلاح والجد ومعهم فيصل
ودخلت الجده عند البنات وبدت سواليف الحريم
سلمى:تعالوا نطلع السطح نشوف النجوم الحين
عروب:يلا،تجين أمجاد؟؟..قامت أمجاد معهم: اكيدد يلا..طلعوا البنات للسطح وصرخة سلمى:واووووووووو
هبدتها عروب:خيرر تصارخين كذا
سلمى:الجوووو حلوووو شوفوا النجومم كيفف واضحه...كانت النجوم ملبده في السماء وسواد الليل شي ثااااني
وهدوء الديره الكل نايم الحين كان الجو فعلًا يبي له لحظة تأمل او لحظات من التأمل التااام
جلسوا البنات في الجلسة الي كانت في السطح وكل شوي يسالفون ومعهم صينية حلا وقهواي
عروب:وش رايكم نلقي نظره على الحاره من هنا؟!!..
تحمست سلمى معها:قدااام يلا بس لحظه هاتي سلة الغسيل واقلبيها عشان نبصر(نناظر،نشوف)
قالت أمجاد بمعارضه وهي تعرف فيصل بيعصب:لا بناتتت اخاف فيصل يشوفونا وبيعصب علينا
سلمى:يابنت العيال كلهم راحوا مع جدي المزرعه ماسمعتي جدتي
عروب:بعدين ترا عادي فيصل طيبوب مايقول شي بحياته ماهاوشني حتى وهو معصب
ترددت أمجاد وهي فعلًا تعرف فيصل اذا عصب بس في حياتها ماشافته يضرب او يهاوش
لاحظت عروب ترددها وهي تعرف انها تبي تشوف بس خايفه:امجاد تراهم راحوا المزرعه وطريق المزرعه طويل
بعدين تعاليي والله فيصل مايهاوش ولايقول شي..مع انها كانت في حيره بس حبت تجرب وتشوف:طيب
طلعوا كلهم الثلاثه يناظرون على الحاره الي كان منظرها جمييل جدا التفتوا على بيت الجد محمد
ولمحو خالد وسلمان ورعد ورجعوا بقوه عروب:يمه مانتبهت لهم
خافت امجاد اكثر:بنات لايكون شافونا بسس
سلمى بهدوء:لا محد شافنا بس تعالووا،ياحظهمممم جلستهم حلوه ودي اجلس بيوم في حوشهم
نزلت أمجاد وهي تقول:يابنات انا بنزل عند الحريم والله ان شافنا فيصل بيهاوشنا
نزلت أمجاد وبقت عروب ومعها سلمى كانت سلمى تتأملهم بهدوء:ياخي ماشاء الله جوهم حلو ليتني اقرب لهم والله اتكيها
سوالف معهم جت عروب وهي تناظر بفضول ومن بينهم لمحت خالد
وركزت عليها سلمى:اشوف بعض الناس يراقبون حبايبهم
عروب:ياشينك هذاش من اليوم تشوفين جات علي يعني
سلمى:ياخي والله أحسدش على حب خالد لش،عاد تصدقين خالد مزيون أزينهم الصدق
لفت عليها عروب بقوه وبغيره واصحه قالت:نعمممممممم!!لايكون حاطه عينش عليه!!!!..
ضحكة سلمى بقوه بس كانت تبي تستفزها أكثر:والله اني صادقه (وكانت سلمى فعلا صادقه بكلامها بس مستحيل تناظر لخالد
نظرت حب لأنها تعرف ان عروب تحبه وهو يحبها)بعدين احد يحبه خالد ويقول لا!؟
أشتعلت عروب غيره من كلام سلمى وعصبت:أحلفي بس!!من ذا الحين تخسييييين ولاتفكريين حتى
خالد يحبني ولا بيقبل بغيري ماتشوفين نظراته لي بعدين أنا احبهه وبنتزو....ضحكة سلمى بقوه:ايييييه قولييي كذيه
من البدايه وانا اقول البنت وين طار تفكيرها،حبيبتي أمزح معش بس حبيت أستفزش واختبرش ههههههههههه
دقتها عروب بقوه:سخيييييفه!
سلمى:بعيدا عن المزح والأستهبال وخلينا جد نكون صادقين ليش أشوفش ماتبادلين خالد بالحب!
أستحت عروب:ياخي واذا قلت بغير شي!أنتي شفتي أبوي كيف!!ولو حس بس ان بينا شي والله
ليزلزل الأرض علينا لاتنسين أن ابوي يكره ابو خالد الله يرحمه ومستحيل انه يوافق وبعدين خالد ماخطبني حتى
سلمى:عروب ركزي شوي خالد يدري بكره ابوش له فـ ماهو معقول أبدا ان يجي يتقدم لش وهو يدري ان
ابوش مستحيل يوافق وماتدرين يمكن قد خطبش من ابوش بس هو رفض!!واتركيك من كل هذا انا ماني فاهم
كره ابوش لأبو خالد!!!!
عروب:لأن ابوي قد طلب من ابو خالد يشتري منه أرض ويعمرها بس ابو خالد رفض وقال أن الارض مو للبيع
وهو يبي يبني بيته عليها وحاول ابوي وقال بيدفع له ضعف السعر ورفض
سلمى:سامحيني ياعروب على الي بقوله بس جد ابوش مو طبيعي يعني الرجال مايبي يبيع كيف هو بالغصب!!
عروب:يختي مو بس انتي كلنا نقوله افف ليت نقدر نغير الأباء
سلمى:استغفري ياعروب مهما يكون هذا ابوش ،الله لايذوقش الفقد ومرارت الشعور" تنهدت سلمى" ليت أبوي
باقي عايش وأحضنه وأقظي كل وقتي معه والله مايسمع مني غير كلمة سم وأبشر
ماكانت عروب تبي تفتح جروح سلمى وتذكرها بأبوها خصوصا ان سلمى كانت تحب ابوها كثييييير أكثر من أي شي
وتعذبت بوفاته:اسفه ياسلمى لأني ذكرتش بأبوش بس ابوش الله يرحمه غير عن أبوي لو كان ابوي ابوش
قسم بالله لتكرهين الساعه الي انولدتي فيها من سوايه ولو كان ابوش ابوي وربي لو يقولي طبي في النار لأطب
تنهدت سلمى بقوه وهي تتذكر أبوها وبدت تدمع عينها:أنا بنزل اشوف امي واجي..كرهت عروب نفسها لأنها
ذكرتها بأبوها وراحت سلمى تبكي وهي ماتتحمل أحد يجيب طاري ابوها الا وتبكي عليه رجعت عروب
تراقب بيت الجد محمد وتتأمل خالد وهي غرقانه بتفاصيله وضحكته الواضحه من بينهم
......•بيت الجد محمد•.....
أما عند العيال كانوا يتأملون النجوم بكل حب وهيامان وكل واحد سارح بتفكيره وخياله ولمح خالد النجوم الثلاث
(هذي النجوم دايم يكونون مع بعض وتكون ثلاث)وهو كل مايشوفها تذكره فيه مع رعد وسلمان..رعد:أقول ماودكم بكره ان شاء الله نكشت مع العيال؟...سلمان:ودي والله بس جدي من الي بيقعد معه
خالد:جدي ماعليه خلاف ماشاء الله مع ابو فلاح وفلاح مايقصر،من زمان عاد ماكشتنا والأجواء زانت عاد
رعد:اصلا جدي من أول مايصحى مع شيبان الديره ولعد يفضى بس تدرون عاد المحل مين بيمسكه؟
خالد:يوههه نسينا منه والله البلشه بس مو في العامل ذاك صاحب البقاله قد ساعدنا نخليه يمسكه لين نرجع ونعطيه حقه
سلمان:تستهبل أنت ووجهك مستحيل جدي يخلي أحد ثاني يمسكه ،ذاك اليوم بس ساعدنا وكنا فيه وبغى يطلع روحنا
وقد خليناه مع العامل الي يشتغل مع ابو متعب لوحدهم وماعرفوا يتصرفون وباعوا بخساره
(كان الجد عنده محل يترزق منه حق تمر وكان عليه اقبال كبير بسبب جودة التمر ومعروف بشهرته بديرته )
خالد:ترا محنا رايحين اخر الدنيا بس بنشكت مابنطول ونفهمهم زين مايبيعون بخساره عاد هم يعرفون مايحتاج
رعد:وانت الصادق هذا هم الي يمسكون محلات اصحابهم وماعليه كلهم يعرفون الأسعار،مافي خساره أن شاء الله
سلمان:ماضنتي والله يوافق جدي،على العموم واحد فيكم يغني
ضحك خالد:يعجبني كيف يفتح مليون موضوع ويقفله بموضوع،المهم انا بغني..تنحنح خالد وبدا يغني وكان في بحه
بصوته تحلي كل الأغاني: عاذلين الهوى ما يفيد الكلام
مسكين مسكين من قد بلي بـ الغرام
يا منية العاشقين أحيني بابتسام
مسكين مسكين من قد بلي بـ الغرام
فـ الحب جنه وفى البعد نار وهيام
مسكين مسكين من قد بلي بـ الغرام
مساء الخير يا إستقرامي
ضاع الغران والاهتمام وقل الكلام
وأنت الملام باللي جرى دقت العنا
منك أنا راح الهنا وجرحك هنا
مسكين مسكين من قد بلي بـ الغرام
صرخوا رعد وسلمان بقوه وهم يصفقون مستمتعين..سلمان:العببببب يالبحه الحلوه الله يرزقني بوحده مثلها
رعد وهو يضحك:اجل صار في واحد ينافسني
خالد:الصدق أخجلتم تواضعي عشان تعرفون كيف صوتس الحلو يروقكم
رمى سلمان علبة المناديل وخالد ورعد يضحكون وقال وهو يتمسخر:ترا كلها عشان البحه ولا مو من زين صوتك
قام خالد وهو ناوي يمردغه ومسكه وسلمان يصرخ:افزع ياخوي بيموتني
رفع رعد يدينه بإستسلام وقال بمزح:أستسلمت عشان ما اتمردغ مثلك
صرخ سلمان:أعقب يالخايس،وانت فكنييي أمزح معكك والله امزح
كان خالد ماسكه ومثبته برجله: أعتذارك غير مقبول عشان تعرف كيف تسب صوتي الحلو
وسرى ليلهم وانتهى بضحك ووناسه وسعة صدر الله لايضيقها عليهم.... ♥︎
________________..
أذن الفجر وصحى الجد دخل الحمام يتوضى وطلع بعد ماقوم الجده تصلي ومشى للمجلس الي كان برا
وهو متوقعهم كالعاده موجودين فيه،كانوا يحبووون ينامون فيه كثير عشان يكونون كلهم مع بعض ويقضونها سوالف وضحك
وبالنسبه لغرفهم نادرًا جدا أنهم ينامون فيها ومحد معترف بغرفته إلا للتغير وعشان اغراضه، مايهتمون لغرفهم إلا اذا كان عندهم شغله مهمه ويبون ينامون بدري لأنهم اذا دخلوا بدال ينامون تمسكهم سوالف وضحك وهذا شي أكيد الحدوث
شغل (فتح)الجد الأنوار وبدا يصحيهم وهو يخبط بعصاته بالأرض:قومو أذن الفجر يلا بنروح المسيد(غالبًا في الجنوب ينطق الجيم،ياء)..!!
صحى رعد وهو يتثاوب:بس شوي ياجد دقيقتين وأرجع صحني..رجع ينسدح بس قرب الجد وهو
يخبطه بالمسبحة الي بيده بعصبيه:قووووم قامت قيامتك قال دقيقتين هذي صلاة مو لعبه تصليها بوقتها
مو على كيفك تحدد وقتها قال شوي تذكر صلاة الفجر ثقيله على المنافقين
فز رعد بعد الضربه يتحسس بألم وقال:الله يهديك ياجد مهب كذا ضمتني(أوجعتني)
الجد بصرامه:أحسن عشان تصحصح يلا توضى عشان نلحق على الصلاه قام رعد وراح يتوضى وتوجه الجد
لسلمان وخالد يصحيهم وهو يتنهد بعصبيه لأن نومهم ثقييييل:قوم أنت وياه أذن ،أذن الفجر،،وكما هو الحال ماصحوا والجد
معد له حيل يصيح أكثر وهو يخبطهم بشكل عشوائي بعصاته ومعصب:الصلاة الصلاة، صلوا قبل أن يُصلى عليكم!!
قام خالد مفجوع وطاح بالأرض:بسم الله الرحمن الرحيم وش فيييه
ضحك سلمان الي صحى من الضربه على شكل خالد...ناظر خالد الجد وهو يتنفس بصعوبه:الله يسامحك ياجد أحسب أني مت
الجد:يعني لو ماحسبت ماكان قمت،أفلح أفلح(روح) توضى بس نبي نلحق على الصلاة ، ماذا أعبى بكم(وش اسوي بكم) ضامتني رجلي وأنا اصحي فيكم شوفوا لكم حل مع نومكم ذا وقوم الدب النايم فاتتنا الصلاه بسببه
ضحك خالد بقوه على شكل سلمان:كل ذا ودب حرااام عليك ياجد ضلمتني والله انكم معمين بصيره دام ماتشوفون كل هالرشاقه
خالد وهو يكتم ضحكته لايجي الدور عليه:قم قم بس قال رشاقه..راحوا يتوضون بعدها طلعوا كلهم متوجهين للمسجد
وعلى طريقهم قابلوا فلاح والجد ومعهم فيصل ولزام وعزام وهم رايحين للمسجد تبسم الجد وهو يسلم على ابو فلاح:
السلام عليكم كيفك يابو فلاح وشخبارك
ابو فلاح بأبتسامه:وعليكم السلام بخييير دام خوي دربي بخير
ضحك الجد وهو يسلم على راسه ونزل ابو فلاح راس الجد محمد يسلم عليه مثله:جعلني أخذ ضيمك ياخوي
ابو فلاح:جعل يومي قبل يومك يابوي أنت...كانوا العيال يناظرون وهم يبتسمون لعلاقتهم الحلوه وش كثر هم يحبون
بعض وعلاقتهم مختلفه عن الكل ومميزه كانت تنظرب فيهم الأمثال بزمنهم وليومهم ذا يقلون(خلك مثل عشرة محمد لحمد،و
خلك مثل حب حمد لمحمد)ومشوا كلهم للمسجد وهم يسالفون بالطريق ومستمتعين مره خصوصا الجدان....
دخلوا واستولوا على نصف الصفوف الأماميه بعددهم الكثير وسرعان مالقوا باقي العيال وجد سعود الي وقف معهم وهو كمان
كان خوي دربهم الي جاء على نصف عمرهم عشان يكمله معهم،مشاري واخوانه مشعل وفارس ونواف خويهم وأبوه
وسعود ورماح...انتهوا بعد ماسلم الإمام وهم يستغفرون ويسبحون واخذتهم السوالف
ابو نواف:إلا ماودكم ياجماعه نطلع اليوم للبر.؟!
الجد محمد:انا والله ماعندي مشكله بس خلوها بكره لأن اليوم كلكم معزومين بمناسبة زواج ولدنا فيصل وبنتنا أمجاد
الجد حمد:كثر الله خيرك ياخوي،بس والله ماله داعي الكلافه
ابتسم الجد محمد بسعة صدر وهو يناظر فيصل:وين الكلافه يابو عبدالعزيز بالعكس هذا ولدنا ولازم نقوم له العزايم
سلم فيصل على راس الجد محمد:تسلم ماتقصر،الله يكثر خيرك ويعطيك العافيه ويخليك لنا يارب
الجد:أمين وياكم آجمعين ،ومن الحين كلكم معزومين انتوا واهلكم تسمع يولدي مشاري.!
مشاري:أبشر ياجد أول الحاظرين..همس رعد لخالد:أبلش الحين والله معد فيها نومه ولاتقييل ورانا كرف من بدري
خالد وهو يضحك:الله يصلح جدي مالقى الا اليوم وراي أسطبل أنا..شافهم سلمان وهم يتهامسون وقرب منهم
وهو يقول بنفس الهمس:هي سمعتوا جدي؟..عز الله متنا..ضحكوا كلهم وعلى طول قاموا وكل واحد رجع بيته
يتجهز وكان بيت الجد محمد يعمه الفوضى بسبب الترتيبات والتنظيف وكل واحد يصيح:قلت لك انا بمسك الحوش
انت أنقلع ساعد جدتي...سلمان:تخسي مسوي ذكي تاخذ الأسهل
جاهم الجد وهو يهاوشهم:مذابكم انتم الله يهبها بين عينيكم بثور(أطفال) انتم؟على اي شي تسون لنا منحه
رعد:خلاص ياسليم أفلح ساعد جدتي سبقك خالد وأختار بعدين يحمار أنت وياه الحوش أصعب
هجد سلمان وهو يتذكر لو بيختار الحوش بيكرف فيه:صح،خلك اكرف هنيه وانا برتاح
وراح ضحك خالد وهو يغمز لرعد الي يضحك مثله والجد معصب:أعدي يارعد ندور لنا على ذبيحه
رعد:الحين ياجد باقي وقت طوييل خله الظهر أفضل عشان يكنون الكل صاحين
دخل الجد بعد ماقال:شورك وهداية الله..وبدا خالد ورعد يتساعدون

تسريع احداث الساعه ٧ الليل وقت العزيمه