غموض امرأة

٢

وجاء الصباح وهو يحمل العديد من الاسرار لهذه العائلة الجميلة ونذهب لغرفة لؤلؤة ونجدها نائمة علي السرير وهي تحضن يامن ونائمة علي صدره وكان اول من استيقظ يامن وتطلع في ارجاء الغرفة بعيون ناعسة ثم نظر علي لؤلؤة بعشق وقبلها من جبينها ثم انفها ثم وجنتيها ثم فمها بكل رقة وشغف لتستيقظ لؤلؤة علي قبلاته مبتسمة وتنظر له بعيون تنطق بالعشق والجنون

لؤلؤة: ايه الصباح الحلو ده صباح الخير يا حبيبي

يامن: قلب حبيبك صباح النور والجمال والحلاوة

لؤلؤة: هههههه ده كله علشاني

يامن: واكتر يا قلبي هو حد يصحي من النوم حلو زيك كده وبهمس مظنش وقام بايسها في شفايفها وبعد عنها وقالها
يامن: يلا يا روحي لحسن ابوكي يطلع ويطب علينا زي بوليس الآداب
لؤلؤة بضحك : حرام عليك يا يامن ده بابي ده قمر وعسل اوي وبيحبك والله
يامن بإستنكار: قمر بالستر ياختي قال بيحبني قال ده كل ما يشوفني بيبقي هاين عليه يضربني بالنار
لؤلؤة بخبث: بيغير عليا يا بيبي مش بنته الوحيدة
يامن بغضب: انتي هتستعبطي يا لؤلؤة انا بس اللي اغير عليكي
لؤلؤة بضحك : خلاص يا حبيبي بهزر معاك والله
ويلا ننزل بقي
يامن : يلا
وننزل تحت نلاقيهم كلهم قاعدين علي الفطار ومستنين يامن ولؤلؤة والشباب ورعد هيموتوا من الغيظ
رعد بغيظ : هما منزلوش ليه لحد دلوقتي
أسد: ليكون عمل في البت حاجة هطلع اطبق علي زمارة رقبته
فهد وبقية الشباب بغيظ وغيرة : واحنا معاك ولسة هيقوموا لقوا يامن ماسك ايد لؤلؤة ونازل وهما مبتسمين
يامن : صباح الخير وراح بص علي رعد والشباب بالأخص وقالهم بابتسامة مستفزة صباح الخير يا عمي صباح الخير يا شباب
كلهم ما عدا الجد والجدة ومراتات اعمامها وامها : صباح الزفت علي دماغك
رعد : انت بتعمل ايه من امبارح في اوضة بنتي يا ابن هيثم انت
يامن : مراتي وكانت وحشاني يا عمي وكنت بطفي شوقي ليها عايزني اقولك ازاي ولا هتعمل وضحك بخبث ولؤلؤة كانت هتموت من الكسوف والضحك في نفس الوقت
رعد بغضب وغيظ: انت يلا جايب البجاحة دي منين ولا منين ايه ما انت شبه ابوك  بس لما اقابله والمأذون اللي جوزكه هخليه يطلقكه يا بجح يا ابن البجح
يامن : لؤلؤة مراتي يا عمي ومش هسيبها غير بموتي وكمان انا عارف ان انت بتحبني ومش ههون عليك صح
رعد : شوف الواد البجح بيقولي ايه لا مبحبش البجحين انا وانتي يا لؤلؤة سيبي الواد وتعالي اقعدي جنبي هنا وقال موجه كلامه لاسد قوم يا عجل انت عشان اختك تقعد هنا واقعد انت جنب العجل التاني ده
يامن بكيد : لا لؤلؤه رجليها بتوجعها ومش قادرة تقوم اقعد مكانك يا أسد ومتتعبش نفسك انت يا عمي
رعد : عمي الدبب ان شاء الله
لؤلؤة بضحك : خلاص بقي يا يامن بابي علشان خاطري انا كده هزعل
الجد : اسكت بقي يا رعد وبطل مناكشة في جوز بنتك عيب علي سنك حتي
رعد بشهقة : بعد الشر عني انا لسة صغير وفي عز شبابي
يامن : طبعا لازم تكون في عز شبابك اللي يخلف القمر اللي قاعد جنبي ده لازم يكون في عز شبابه دايما
رعد : انا مش هرد عليك عشان انت تعبتلي اعصابي ليك اب يترد عليه بس اما اشوفه الصايع ده
يامن : بيجدد شبابه يا عمي وراح يعمل هاني مون جديد عقبالك يارب وبهمس عشان تحل عن دماغنا شويه
رعد : بتهمس بأيه يلا سمعني كده
يامن : بقول عقبال ما تجدد شبابك يا عمي انت كمان عشان حاسس ان انت مش في مودك الايام دي
رعد : حل انت عننا بس وسيب البت في حالها وانا هبقي في مودي دايما .
يامن : ها ها ان شاء الله
الجد : لؤلؤة قوليلي يا حبيبتي الكلية عاملة معاكي ايه
لؤلؤة بصت ليامن : الحمد لله يا جدو كويسة الحمد لله
الجد : ربنا معاكي يا حبيبتي عايزين تقدير حلو بقي عشان تعملي اللي انتي عايزاه وبتتمنيه وتبقي حاجة كبيرة.
يامن ورعد ولؤلؤة بصه لبعض وضحكه بصوت عالي
الجد بإستغراب: في ايه
لؤلؤة : مفيش يا جدو حاضر هجيب تقدير عالي حاضر
يامن : يلا يا لؤلؤة عشان نروح مشوار
لؤلؤة : يلا يا حبيبي باي يا جماعة
وانتظروني في فصل جديد بااااي