.
.
.
.
**انتي بعيني احلى بنية تضميني تنسيني الدنيا لمسة ايدك بلسم شافي مليانه لهفة وحنّية**
**ننسى الماضي نعيش الحاضر فوق جناح الفرحة نسافر عصفورة وعصفور نغرد نتغازل حد الصبحية**
**نامي بعيني وبين رموشي وردات الحب بايدك حوشي مادام الليلة انتي بجنبي ما بدي من الدنيا أي شي**
كلمات الاغنية الى احبها و جنت متعودة اسمعها مع محمد من يدندن بصوت رقيق وبحنية يطلع من بين شفايفة و يبوس من كصتي ويبطب على ضهري
احس الصوت مو غريبة علية وسامعته قبل مو أول مرة اسمعها
**نظراتك ذابت بشفافي بعيونك طيف الحب غافي اليوم انتي ظيفة عندي ولاجل الغالي يرخص كل شي**
حسيت بأيده وهو يمسح على شعري بحنية
وبأيده الثاني يحضن رأسي ويغني
حنين : محمد تعرفني احب هل أغنية اهواي
_ هـــا حبيبتي گمتي ...مــــتــدريــن اشــكد خــفت علــيــج من طــحتي للــكــاع
سمعت صوت محمد جاي ينعم ويصير انزگ حتى يتحول لصوت سمية
رفعت راسي اباوعلها وشفت الغرفة ضلمة واني بين احضانها متسطحة وياها فوك بطانية وحدة ومتغطية وهي بكل حنية حاضنتني
ســمية : گــليــلي مــــنو هــذا مــــحمد جــنــتي تــردديــن بــأســمــه كــل دقــيقة وانــتــي نــايمه
بهل لحضة أدركت بعد مستحيل ارجع احضنه مرة ثانية ومستحيل حتى اشوفه
رجعت راسي لحضنها وبجيت لدقائق حتى سكتت لمن سمعت وحدة منزعجة من صوتي تكول خلونا ننام
حنين : شــــنو صــــار للبــنــــية ؟
سمية : مــعــرف شــــگلــج .. ذبــحها گــــبال عيــني
حنين : بــــكل بــساطــة يــگــتلون ؟ تــــرا هــدا روح مــو اي شي ثاني .
دنگت سمية على اذني تهمس
سمية : الــلــه يــاخــد حــقنا منهم قنادرة ماادري بيا فشار اشفي غليلي وشنو ادعي عليهم واشتكي الله
سكتت تمسح ادموعها وتكمل
هسة كليلي منو محمد ؟
حسيتها تبدل الموضوع جنت اشوف الخوف بعيونها ..خايفة من الحايط يسمعنا
باوعت على سمية وبديت احجيلها عن علاقتي بمحمد وشون بدا
( لمن جان عمري ١٢جان اكو عائلة كوردية الى همه اهل محمد انتقلو يمنا علمود يصيرون جيرانه فااا
لعبنا ويا بعض اربع ايام وهذا الايام جانت كفيلة حتى تخليني اعيش حب الطفولة ..
جنت طفلة حركة وجنت اموت على الاستكشاف ولعب ،، اتذكر بوكتها جنا نطلع برا ونعلب بلطابة
أنت تقرأ
أسيرة2014
Romanceالعراق وهو من اكثر الدول الذي يزتنزف ارواح شعبه بكل الطرق ومنها الحروب .. حروب كدرت تخلف وراها ألاف من قصص ومنها قصة حنين الي راح تشرد من ايادي داعش ويا زوجها للجبال سنجار وهناك راح تبلش قصتها وألمها وشنو راح تشوف بعقبات حياتها ترقبوو ..
