رجل العشق الالهي... .
قصة عجيبه... ..
من القصص العجيبه التي حصلت مع حجي حبيب وكل حياته قصص يقول :
يوم من الايام اخذت استخارة ردت اطلع للسوق طلعت مو زينه ، فعدتها ردت اروح لمكان ثاني طلعت مو زينه ..
اختاريت مكان ثالث طلعت سيئة ، فقررت اروح للصحراء
لمن وصلت الصحراء لكيت اثنين شباب وياهم بنت شابةوهم يهمون بقتلها ، واحد يكل للثاني اني اكتلها واغسل عارها بمكانك وهي كاعدة ترتجف من الخوف وتنتظر أجلها ، !!
وكانت بيد واحد منهم مسحاة يحفر قبر حتى يدفنها بيه !
يكول حجي حبيب : اجيت اركض وگتلهم عمي ليش تردون تقتلونها شنو ذنبها ؟؟!!
قالوا : هاي اختنا ولكيناها حامل وهي مامتزوجة ونريد نقتلها ؟!
كتلهم : عمي اني فلان ابن فلان الناس كلها تعرفني شنو رايكم اخطبها منكم واسترها ؟؟!!
انطوني البنت اعتبروني ابوها ، زوجها أي شي وانتم اذبحوا دجاجة وخلو الدم على ايديكم وكولوا ذبحناهاوتخلصنا منها واني اعاهدكم ما أخليها توصل للسماوة... ..
فقنعوا وانطوني ياها ، واني اخذتها مباشرة لمحافظة الديوانية ..
ولما وصلت هناك اخذتها للدكتورة حتى اعرف طبيعة حملها ومدته ، وبعد الفحص طلعت الدكتورة مستغربة ، وكالتلي :
- حجي هاي البنت مو حامل واصلا هيا عذراء شلون تگولي حامل......... .!!!!!
- يكول حجي حبيب: ماحاجيتها شكرت الله تعالى وتوجهت بيها لكربلاء المقدسة ولمن دخلت للزيارة لكيت بباب الحسين شاب يتسول ويمد ايده للناس فكتله : عمي انت تجدي من الحسين لو من زوار الحسين ؟؟!!!
كالي عمي اني فقير وماعندي قوت يومي
- كتله عمي انت من ياعشيرة ؟؟!!!
كال لي : اني سيد ابن رسول الله .
كتله : شنو رايك ازوجك بنتي ؟؟!!!
- عمي انت تضحك علي ، اني بطني ماكدر اشبعها شلون اعيش بنتك ؟؟!!
- عمي انت جدي من الحسين وهو يتكفل بكل هاي الامور
- يكول حجي حبيب : اخذته واجرتله بيت واثثته وزوجته البنت بنفس الليله والصبح لكيت ليه شغله تليق بيه ورجعت للسماوة ، وصرت بين مدة ومدة اروح ليه واتفقد احواله الى ان رزقه الله منها اربعة اولاد ، وبعد مدة من السنين عرفت اهلها ورحتلهم واخبرتهم بالقصة فاعتذروا لها وعاشت مكرمة في بيت زوجها . هاي كانت قصه من قصص المحبين لله تعالى ، رضوان الله عليهم ، وحشرنا واياهم في رحال محمد وآل محمد......
نهاية المطاف... ..
يقول حسن :
عشت في المقام الثالث ( المحبة ) مدة لاتقل عن ثلاث سنوات ، ثم قادتني يد العناية الإلهية الى المقام الرابع ( المعرفة الشهودية )...
وكتمان مافي هذا المقام واجب في عرف العارفين ، والصمت في حرم الجمال جمال .
هذا فيما يتعلق بسيري المعنوي وحياتي السلوكية على يد الشيخ يقظان الذي نال شرف الشهادة في الجانب الأيمن من الموصل ضمن قطعات الحشد الشعبي ، حيث انه لبى فتوى الجهاد الكفائي التي اطلقها مرجع الطائفة السيد السستاني ( دام ظله )
وقد دفن قرب قبر المرجع الشهيد السيد محمد محمد صادق الصدر ( قدس سره )
كما توفى بعده بأيام قليلة رفيق دربه ، وشريك حبه ، الحاج سعيد النداف ( رضوان الله عليهما ) ودفن جنب قبر أستاذ العرفاء السيد علي القاضي ( قدس سره ) ... .
اما فيما يتعلق بتفاصيل حياتي الآخرى ... . فأنا الآن دكتور مختص بعلم الاعصاب ولدي عيادة في الكرادة وزينب دكتورة... ..
وبهذا قد انهيت الروايه بكل اجزائها.
أنت تقرأ
رحلة عشق
Spiritualالطريق الى الله سبحانه هو عبارة عن رحلة حب💚 هاي الرحلة اذا ما يكون اساسها الحب💜 والعشق لا يستطيع العبد ان يوصل لنهاية الطريق ويدخل في قلعة العبودية الحقة لأن افاعي الطريق قاتلة💔 وذئابه كاسرة لذلك اهم شي في الطريق انك تعال لله بحب💛 قصه من اروع ال...
