𝒀𝒐𝒖'𝒓𝒆 𝒕𝒉𝒆 𝒐𝒘𝒏𝒆𝒓 𝒐𝒇 𝒎𝒚 𝒉𝒆𝒂𝒓𝒕.. {Completed}

Part-54(Unicode + Zawgyi)

"အေးကွယ် သူတို့လဲ‌ရန်ကုန်တော့ရောက်ပြီပြောတာပဲ.."

"ဟုတ်ကဲ့ကြီးမေ အဲ့အစ်ကိုက လူလွတ်လား၊ အိမ်ထောင်နဲ့လား"

ဒေါ်နုဝေစကားပြောအပြီးတွင်ခွန်းနှောင်ကြိုးကခေါင်းတညိတ်ညိတ်လုပ်ကာ ဈာန်မင်းတခေတ်ကတော့ပြန်မေးလိုက်သည်။ ထိုအခါဒေါ်နုဝေကပြန်ဖြေလာသည်။

"အိမ်ထောင်နဲ့ သားရဲ့..၊ သူတို့လင်မယားနှစ်ယောက်လာမှာလေ၊ သူ့မိန်းမလေးကလဲ ရိုးရိုးသားသားလေးပါ။ ကြီးမေနဲ့သိတယ်။ ကောင်မလေးကစရိုက်လဲကောင်းတယ် အိမ်မှုကိစ္စလဲနိုင်နင်းတယ်..၊ကလေးတော့မရှိကြသေးဘူး။ သူတို့ကအိမ်ထောင်ကျတာမကြာသေးဘူးလေ.."

"ဪ..ဟုတ်ကဲ့၊ ‌ကြီးမေနဲ့အဆင်ပြေရင်ရပါပြီ။ အဲ့အစ်ကိုမိန်းမပါ,ပါလာတော့ကြီးမေမိန်းကလေးအဖော်ရတာပေါ့.."

-တီးတောင် တီးတောင်-

ဈာန်မင်းတခေတ်တို့စကားပြောနေရင်းပင်အိမ်ရှေ့မှ ဘဲလ်တီးသံကြားလိုက်ရသည်ည်။ ထိုအခါဖိုးဝလေးက,ကလေးပီပီသွက်လက်စွာ တံခါးသွားဖွင့်လေသည်။

"ဟော် ရောက်လာကြပြီလား? လာကြ လာကြ"

"ဟုတ်ကဲ့ကြီးမေ.."

"ထိုင်ကွယ်"

ဒေါ်နုဝေပြောလိုက်သောအခါ ထိုလင်မယားနှစ်ယောက်မှာ ဆိုဖာပေါ်တွင်ထိုင်ကြလေသည်။ ထို့နောက် ဒေါ်နုဝေလည်းဈာန်မင်းတခေတ်အားထိုလင်မယားနှစ်‌ယောက်နှင့်မိတ်ဆက်ပေးလေသည်။

"သားဈာန်နဲ့သားခွန်း ဒါကကြီးမေပြောတဲ့ ‌ကလေးလေ၊ နာမည်က သက်လွင်တဲ့၊ ဟိုဘက်ကသူ့မိန်းမလေး နာမည်က ပိုးပိုးဖြူတဲ့"

"ဟုတ်ကဲ့ တွေ့ရတာဝမ်းသာပါတယ်၊ ကျွန်တော့်နာမည်က ဈာန်မင်းတခေတ်ပါ။ ဒီဘက်ကကျွန်တော့်ယောက်ျား ခွန်းနှောင်ကြိုးတဲ့.."

ဈာန်မင်းတခေတ် သူ့နာမည်နှင့်သူ့ခင်ပွန်းနာမည်ကိုပါမိတ်ဆက်ပေးလိုက်သည်။ ထိုအခါထိုလင်မယားနှစ်ယောက်ကခေါင်းညိတ်ကာ ပြုံးပြ၍ပြန်နှုတ်ဆက်သည်။

"ဟုတ်ကဲ့ တွေ့ရတာဝမ်းသာပါတယ်ဗျ။ ပုံစံကြည့်ရတာ ကျွန်တော့်ထက်ငယ်မယ်ထင်တယ်"