جنت نايمه وكعدت على صوت المنبه بس باوعت شفت مهيمن جاي يتصل
مهيمن :صباح العسل والكيمر يا عسل
_صباح الخير
مهيمن :اي والله صباحي خير لان صبحت بصوتج
ضحكت وحجيت
_هسه غتو اقعدك انا حتى نصبتوه ليش دايما انت اتقعدني
مهيمن :عادي حبيبي ما اكو فرق اصلا ما نمت بس ردت يطلع الصبح حتى انروح
_هلقد مستعجل
مهيمن :اي والله حبيبي هسه كومي يالله روحي غسلي وجهج وفرجي سنانج وصلي وتريكي حتى انروح
_مهيمن بعد وقت اصلا اهلي لي هسه ما قعدو
مهيمن :لا حبيبي هسه خابرت على ابوج ردت اسئله هو جذب حتى يكعد ويكعد امج
ضحكت وحجيت
_تمام لكن اشوفك
مهيمن :تمام فراشتي مو ترجعين اتنامين
_اي
بس سديته رجعت نمت ما كعدت لي التسعه كعدني ساعه سبعه ونص فرحان والله ميتا تعب ردت اكوم شفتا متصل خفت لا يعرف فما رديت رجع اتصل رديت وحاولت شكد اسوي صوتي عادي
مهيمن :ها حبيبي
_ها ذيبي
مهيمن :اعرف هسه كعتي لا اتحاولين صوتج فاضحج
_والله ما طقتو انت مقعدني قبل الشحادي وبنتا
مهيمن :انت صيري عندي واكعدج بطريقتي
حجيت بحده
_مهيمننن
حجا بضحكا
مهيمن :روحه وعقله وكيانه فدفد بويه اليوم اتصيرين حلالي شرعا وقانونا
_اي حبيبي
مهيمن :يالله روحي غسلي وصلي واكلي حتى ساعه ونروح
_تمام حبيبي
سديته ورحت غسلت وصليت ونزلت سويتلي لفه وجاي علواقف اجت امي شافتني
هاله :كنتو دجي اقعدكي ضليتي نيمن المهم اغوح ابدل انا انت زي غوحي بدلي
_تمام
كملت ورحت بدلت لبست رسمي جاكيت سوده وبنطرون اسود وقميص ابيض وحجاب وجنطه وحذا كعب فستقي
وخليت مكياج بسيط يا دوب حمره وتند ومسكاره ما كثرتنزلت وشفت امي اتهلهل ضحكت وسمعت صوت الباب طلعنا وشفت ناس ما اعرفهن بيت مهيمن وهو يضحك جان لابس قميص فستقي وبنطرون اسود وبوط اسود وساعه سوده كلش حلو طالع اني وياه جنا متفقين عل الوان وبل فعل انتبهت على عيونه صارن خضر
اجو ناس بوسوني ما اعرفهن بس اول شي امو حضنتني وشمس هم جنت زعلانا منها لان ما كالتلي بس مشيتها بعدين طلعنا اكثر من سياره جنت اني وابويه وامي وام مهيمن بسياره والباقي بسياره جنا ثلاث سيارات ضلو يداهرون وياه بطريق وهورنات كلش اجواء اجننن حتى صورت بس بدون ما بابا ينتبه هسه يفضحنا وصلنا المحكمه
الجزء الرابع عشر
Depuis le début