الـرقطاء وكراتها الثلاث

اللـدغه السادسه 🐍

لاا حضنت امي وجدو نزل خواتي البقيه وأمرهن يدخلن للبيت امي والبنيه ام عيون كبار دخلن جوه بَــس امي كِلِّـشْ متأذيه وبس تبچي عيونها ماوگفن دموع ابد

تبعنه امي هي تمشي واني وخواتي نمشي وراها دخلت لغرفه صايره نهاية ممر شفنا مره چبيره بگد بيبي سميره مبينه وشاديلها مغذي ووجها كِلِّـشْ اصفرررر

كعدت امي يم راسها لزمت ايدها وضلت تبوس بأيدها وراسها

-يمه فدوه اروحلچ الغاليه بيه ولابيچ كون گومي على حيلچ لاتعوفيني وحدي والله گلبي بعد مايحمل فراگ

مسك
ضجت واني اشوف امي هالگد تبچي اول مره اشوفها بهالضعف دخلت بنيه تجي صف رابع ابتدائي شگره وشعرها نگرو شافت امي ركضت حضنتها وباستها تخيلت نفسي مكانها امي هيچ تحبني وتحضني وراها ولد ثنين هَـم صغار بَــس مبينين اكبر من البنيه الشگره

امي حضنتهم وضلت تبوس بيهم واحد من عدهم باوع علينا وسألها

-خيزران هنَ ذني بناتچ ؟؟

خيزران:-اي

محمد بأبتسامه:-َهَـلـوو شلونجنن أنـي خالچن

هرم:-شـلون خالنا وانتَ طفل الخوال يصيرون كبار

ماگال شـيي بَــس ضحك وضل يباوعلهن بفرح وكأنو لاگيله كنزز هــوَ واخو الثاني فارس اما اختهم تباوع بلا اهتمام

رياض صاح لبنته وكعدوا بالأستقبال يحچون اما نقاء فـ چانت صافنه وبس دموعها التنزل على امها اللي عباره عن نفس يصعد وينزل لاتتحرك ولاتحچي