لكِ في قلبي عشق تعدى هذا الكون فَـ أنتِ ثم أنتِ وانتهى .
البارت :السادس والخمسون
الكاتبه :جنه
بنيات قناة التلي مارينا راح تكون متواجدة بيها بعد انتهاء الروايه 👍🤎
قناة التلي haifk
************************************************************************
مارينا
السبيد :تتزوجيني؟
عدلت گعدتي من سمعت كلامه وهو بعده منتچي على الحايط
"تتشاقه مو ؟
السبيد :چؤ
مارينا :طبعا لا والف لا
تالي عمري اتزوج مجرم ؟
السبيد :علمود هاي ؟
مارينا : الازرگ تفضل برا
اباوعله گام من مكانه اجه يمي حچه بهدوء والجگاره بإيده
السبيد :صارلچ ٣شهور هنا وبعدچ تحبينه ؟
مارينا :مو شغلك احبه مااحبه
السبيد :يعني تحبينه ؟
مارينا : مو شغلك
خزرني وطلع من الغرفه هزيت ايدي انتچيت وهمست
"تالي عمري اخذلي مجرم
انفتح الباب دخلت مياده باوعتلي وابتسمت
مياده :ها عيوني گاعده ؟
مارينا :لا بعدني نايمه
مياده :احم عادي اسال
مارينا :اسألي
مياده :شنو يريد السبيد ؟
مارينا :سألني اتزوجه لو لا
مياده بفرحه:وافقتي مو ؟
مارينا ببرود :طبعا لا
اباوعلها اجت طگتني على راسي وگعدت يمي باوعتلها وحچيت
"شنو هاي الصلافه ؟ سمحتلچ تگعدين يمي ؟
مياده بهدوء :قررت اترك شغلي
مارينا :اوه شعجب ؟ مو چنتي تگولين متونسه بشغلي والبتاوين چنها امريكا
استغربت من تصرفها نامت على رجلي وحچت بهدوء
مياده :عادي تلعبين بشعري ؟
مارينا :تمام سولفي شبيج
مياده بغصه :شفته
مارينا :منو هو
مياده :السبب الي خلاني اكون هنا
مارينا :احچي السالفه كلها حته افهم الموضوع
مياده بغصه :شفت الي اغت..
مارينا :انتي مغت... ؟
مياده امي عوفيلي البچي وسولفي القصه حته افهم
أنت تقرأ
انتقام مارينا
General Fictionبين الغموض والشعور بتحقيق الانتقام هنا تسكن امرأة وقفت تتحدى ماضيها المظلم لتنهض كرمز للقوة ‚تحمل رحلتها بين طياتها الاسرار والغموض ‚تلتقي برجل يحمل بين طياته غموضاً قد يغير مصيرها ‚هل سيكون نورها بعد ذلك الظلام ؟ ام سيبقى لغزاً محفوراً في ذاكرتها ؟...
