صوتت ملاك جامد: رعدددددد
كان رعد اتصاب بطلقه واول ما الي كانو بيضربو نار شافو ان رعد وقع متصاب مشيو على طول
ملاك قاعده جمب رعد بتعيط: رعد رعد متسبنيش زي ما كلهم سابوني ارجوك قوم مش بعد ما اتعلقت بيكك لاااا
رعد نايم ع رجل ملاك وعينه بتقفل بضعف اتكلم بضعف: ا انا كويس متخافيش م مش هسيبك
ملاك بعياط هستيري: لا ونبي يارعد قوم طيب نروح المستشفى حد يساعدنييي قالت جملتها بصراخ
المول كله كان فاضي بسبب اصوات ضرب النار الناس كلها هربت
ملاك بسرعه: ر رعد فتح عينك طيب هات تليفونك يارعد
رعد: ا الفون ف جيبي
ملاك بعياط هستيري: ط طب قول الباسورد يارعد ونبي
قالها رعد الباسورد بصوت متقطع لحد ما اغمى عليه من الالم ملاك: رعد لا فووق
اتصلت ملاك بحمزه الي كان اخر رقم رعد اتصل بيه
رد حمزه على فون رعد: اي يابني روحت ولا لسه
ملاك بعياط: رعد اتصاب بالنار ياحمزه الحقنيي
حمزه بسرعه: ايه انتو فين
ملاك: احنا ف………
نزل حمزه قابل ادهم ف الشركه وركبو العربيه وخمس دقايق وكانو قدام المول دخلو المول بسرعه لقو رعد مغمى عليه وبينذف ف حضن ملاك الي منهاره من البكاء
شالو حمزه وادهم بسرعه وراحو ع العربيه ركبت ملاك جمب رعد ورا وادهم بيسوق وحمزه جمبه
حمزه: سرع شويه يا ادهم
وصلو المستشفى بسرعه ودخلت ملاك المستشفى وخدو زين ودخلو بيه العمليات بعد ساعتين طلع الدكتور بحزن: للأسف هو حياته مازال لسه عليها خطر ولو عدا ساعتين ومفاقش هيدخل ف غيبوبه
قامت ملاك وهي بتصرخ بهستيريه: ازاي انت بتقول اي انت اكيد مجنون
ادهم وحمزه دمعه نزلت منهم على صاحب عمرهم
الدكتور: انا اسف احنا عملنا كل الي علينا والباقي على ربنا مشي وساب ملاك منهاره من البكاء
عدا ساعه واتنين وتلاته ورعد لسه مفاقش
جيه دكتور ل ملاك الي كانت واقفه جسد بلا روح هو. الي كان بيديها الامان وهو دلوقتي محتاج الي يديلو الامان
الدكتور بحزن: للأسف هو دخل ف غيبوبه
ملاك طلعت منها شهقه كلها وجع وحزن
مسك ادهم المريض من البالطو وفضل يضرب فيه: ازاي رعد لااا رعد لاا
شالو ادهم من على الدكتور بالعافيه
دخلت ملاك ل رعد ومسكت ايدو وفضلت تعيط: كده يارعد انت قولت انك هتساعدني وهتخليني اكمل تعليمي انت كده سبتني يلا قوم يارعد انا محتجالك انا معرفش انا حبيتك امتى وفين بس انا حبيتك والله حبيتك يارعد قوم واحنا الاتنين هنكمل بعض
سكتت شويه بعد كده اتكلمت بقوه وثبات ولهجه انتقام متليقش بسنها ابدا: والله والله يارعد وحياتك عندي ماهسيب الي عمل فيك كده والله ماهسيبه ولو طلع ديفيد الي عمل كده هقتله والله لأقتله وقامت من جمب رعد خرجت من عنده بهدوء كان حمزه وادهم قاعدين بره
ملاك اتكلمت وكأنها خدت شخصيه رعد بنفس قسوته وقوته: رعد يتنقل القصر وكل الي محتاجه هيجيله هناك وانا الي هجيبله ممرضين ودكاتره يقعدو معاه
ادهم وحمزه بصولها بصدمه
اتكلم ادهم: لا طبعا مينفعش ياملاك
ملاك اتكلمت باللغه اول مره تتكلم بيها: الي قولتو هيتنفذ يا ادهم وانا الي هنزل معاكو الشركه وهكمل تعليمي عادي جدا عشان رعد لما يقوم بالسلامه يلاقي كل حاجه زي مكان موجود واحسن
اتصدمو من قوتها بس حمزه اتكلم: ماشي ياملاك احنا دلوقتي هنتكلم مع الدكتور وننقل رعد ع البيت
ملاك: رعد مش هيطلع وهو باين من المستشفى
ادهم وحمزه اتعصبو من برودها وطريقه الي زي الالغاز الي بتتكلم بيها حمزه: ازاي يعني ما تفهمينا
ملاك: اعملو الي بقولكو عليه ولما نرجع على البيت هفهمكو على كل حاجه
سكتو ونقول رعد من المستشفى ف عربيه الي بيجيبو بيها معدات واجهزه المستشفى وفعلا الي ملاك عملت حسابه لقته وان كان في شخص بره بيراقب المستشفى
مجهول1:رعد الحديدي لم يخرج من الداخل ياسيدي
مجهول اتنين بغموض: ادخل واسأل عنه وكأنك صديقه
مجهول1:حسناً ياسيدي
دخل المجهول واتكلم باللغه الأنجليزيه: انا صاحب رعد الحديدي انه هنا وكان في العمليات
الممرضه الي واقفه ف الاستقبال: رعد الحديدي انتقل الا رحمه الله
المجهول بانت على وشه ابتسامه خبث بعد كده دراها بسرعه واتكلم بحزن مصطنع: يا أللهي
