أحببتُ عيناك وأنا أقلُّ الناظرينَ لها 🖤
بنيات هذا مو بارت هذا تكمله مال بارت ٥٤
قناتي التلي haifk
بعد ماتخلص الروايه مارينا راح تكون متواجدة بيها 🤍
************************
نجوم
فزيت الصبح على صوت صياح نزلت اركض اريد افهم شكو شفت خاله ام مصطفى گاعده بالگاع تبچي وامي وياها تبچي
باوعت لآدم مبين هسه گاعد من النوم شعره مخربط ولابس فانيله سوده وبرموده سوده مخلي أيده على خده يباوع للوضع
ومصطفى ياكل تفاح ومريم اخت مصطفى گاعده يم امها
"شكووو شصايررر
مصطفى وهو يأكل :خالتي البربو... ماتت
نجوم :شنو ؟
مصطفى :ولي مابيه حيل اعيد
نجوم : رحت گعدت يم آدم شعري مفتوح وعيوني گوه فاتحتها من النعاس باوعت لآدم
"صدگ عود ماتت ؟
آدم :حالي حالچ هسه نزلت على صوت الصياح
نجوم :اباوع لخاله ام مصطفى بس تبجي وتلطم حچه مصطفى ببرود
مصطفى :لج عيني المن البچي قابل ترجع
ام مصطفى :ولكككك يمهه اختيييي
آدم : إذا ماتحجي شي بي حظ اسكت
مصطفى :وين حمودتي محد يتحملني غير حمودتي
نجوم :وين احمد ؟
سهاد:طلع قبل ساعه
نجوم :اباوع لخاله ام مصطفى گامت لبست عبايتها وامي دخلت بدلت منتظرات مصطفى يگوم يوصلهم
گام مصطفى بإيده السويچ رفع إصبعه بوجهي
مصطفى :رايح اوديهن لفاتحه خالتي البربو .. وارجع
اريدلي زلمه يخلص الكليجه ام التمر الا اشگ ......
افتهمتوا ؟
آدم :بس اطلع وخلصنه
مصطفى :مااثق بيكم وأبو فاضل
مريم :إنه اخليلك بس روح وصلهم
مصطفى :خوش إنه بشاربج
مريم بضحكه :شايلته
مصطفى :ك.... امي جا غسلت ايدي
نجوم :ماتحملت اسكت طگيتها بضحكه وهو راح طلع يوصل امي وأمه للفاتحه حچه آدم بضحكه
آدم : بيمن شلتي شاربچ
مريم بضحكه :بالخيط
آدم :عاشت ايدچ
نجوم :تركنه وصعد للغرفه ينام باوعت للساعه صايره بـ ٩الصبح
مريم :تتريگين ؟
نجوم :على الخوفه الي خفتها مااشتهي اكل
مريم :امي تبچي ومصطفى گاعد گدامها يصيح يبوووو وراها يگللها كافي تعبت من الصياح خلي اكل شويه
أنت تقرأ
انتقام مارينا
General Fictionبين الغموض والشعور بتحقيق الانتقام هنا تسكن امرأة وقفت تتحدى ماضيها المظلم لتنهض كرمز للقوة ‚تحمل رحلتها بين طياتها الاسرار والغموض ‚تلتقي برجل يحمل بين طياته غموضاً قد يغير مصيرها ‚هل سيكون نورها بعد ذلك الظلام ؟ ام سيبقى لغزاً محفوراً في ذاكرتها ؟...
