عَـوْضَ آلـ لـهَـيـفْ

الأقحِـوان الـخَـامس-5-

بِقلمي أنا الكاتبه.
بَـنـِيـن ألـ سَـلمـان🦋❤️‍🔥
الباقيات الصالحات:
سبحان ﷲ، الحمدُللّٰه، ولا أله ألا ﷲ، اللّٰهُ أكبـر..
الأقحِوان♡5♡

لاتنسون الأعجاب والتعليق بين الفقرات فضلاً🤍

بسم ﷲ الرحمٰـن الرحـيـم..

مبرئة من ذنوبكم مع العلم مابيها شيء يخل للأداب العكس بَـس للاحتياط فقط♥
♡♡♡♡♡♡♡♡♡

لُبيب-: انتِ سويتي لعليچ والحمدالله حصلتي معدل زين بس مو لتردي لتضوجين والله كُلشي يتعوض....

اقحِوان-: مُعدلي 92يعني ميسمح أنو ادخل صيدلة ،.. انهمرت دموعي ؏ وخدودي بقهر سعيت شكد وانقهرت وتعبت وبچيت و12سنه بس حتى احصل المعدل لأريده واحقق حلمي بس مكدرت

فجأة انفتح الباب ودخلت أمي وعمو عصام مبتسمين

شافتني أمي واجتِ بخطوات مُسرعه ألي وسألتني بقلق

-: اقحِوان ماما شبيچ ليش تبچين صاير شيء؟

اقحُوان -: مطلعت المعدل لأريده مراح أصير صيدلانية وأرفع راسچ بيَ وأخليچ تفتخرين

نظرتلي بقلق واتنهدت بضيق -: ماما كُلشي يتعوض عَبالي بيچ شيء خوفتيني شكد مُعدلچ

حچيت وأني ابچي صح مُعدلي زين بس كنت اسعى لصيدلة

-:92

ضحكت أمي وضربتني كف بخفه وأردفت

-: تحچين صدُك ؏ هاذ البچي كلت راسبه ماشاء الله حبيبتي انتِ دومچ رافعه راسي وأفتخر بيچ طول العمر بنيتي

تقرب عمو عصام كعد بصفي مسح دموعي وسند راسي ؏ صدره-: أبويه انتِ ماشاء الله مُعدلچ كُلش زين وكُلنه مفتخرين بيچ وفرحانين وأذا ؏ شغله الصيدلة سَهله ادخلچ جامعه أهليه

هزيت راسي برفض الأهلي هوايه تكلف وماحب هلشي

اقحُوان -: لا بابا الحمدلله أهم شيء نجحت ان شاءلله اشوف شنو الجامعات لتقبل المُعدل وأختار قسم حلو الطب بي هوايه أقسام مو بس الصيدلة

عصام-: براحتچ بعد ابوچ عد عيناچ اني شتردين يصير بأذن الله

ابتسمت ؏ حنيته استأذنت منهُم وطلعت بره للحديقه وبيها مرجوحه كعدت عليها واني ابچي مره ثانيه امسح بدموعجي واردد الحمدلله ؏ كُل حال بس دموعي مو راضيات يوقفن

حسيت بخطوات شخص خلفي لفيت وجهي

-: لُبيب؟

-: أيي نعم تسمحيلي احچي وياچ؟

اقحُوان -: أكيد تفضل بعدت شويه وسويت مجال لحتى يُكعد

نظر للمرجوحه كانت شُبه صغيره ورَد

لُبيب -: لا ماكو داعي... ؏ كُل حال ماكدر اكلج لاتنقهرين لأن هلشي مو بيدچ لَكن صدكيني هاذ الشي بي خير ألج رب العالمين مُستحيل يخذلنا أو يضيع تعبنا حاشاه ويمكن لو دخلتي هاذ المجال مراح تتوفقين بي او تبدعين او تتغير نظرتج عنه... تكرهي.. تستصعبي..تفشلين بي.