وانت شمامة حياتي
وسالفه روحي الوحيدة
وانت بيك الصور تحلة
وبيك تتباها القصيدة🫂♥️
العباره خمطناها من أحد السُكرات من قناه التلي اذا موجوده ارفعي ايدچ 😂🙋🏻♀️
البارت :السابع والاربعون
الكاتبه :جنه
****************************************************
مارينا
ابهر بصدمه :سند ؟
سند بابتسامه :عيوني
شلونج ام الطابوگ ؟
مارينا باستغراب :انت ؟
سند :شوف بويه مو گتلك اعرفها وتعرفني
الشيخ بابتسامه :يلا نتوكل
مارينا :سلمت عالولد وطلعت من البيت اجه سند خله الجنط بالسياره أخذ السويچ من ايدي
"خير ؟
سند :انچبي إنه اسوق
مارينا :ترا سيارتي
سند :صعدي ونسولف
مارينا :صعدت للسياره هو صعد شغل السياره والشيخ ويا رجال بالسياره الثانيه
"الشيخ ابوك ؟
سند بضحكه :اي سلوان ابوي تدرين اشتاقيتلج والله
مارينا :شكرا عالمجامله نعبر اهلك تنزل اني اسوق
سند :اگعدي لاتگلبينه
مارينا :مو اول مره اطلع طريق خارجي
سند :اصدمچ صدمه لو اسكت؟
مارينا :الغي
شلون راح اتحملك الطريق كله ماعرف
سند :ماريا تدرين منو راح يعقد عليج ؟
مارينا :اول شي تنچب ومتگلي ماريا
ثاني شي منو الراح يعقد ميهمني فتره مؤقته وكلشي ينتهي
سند :ليش ماتقبلين بأسم ماريا؟
مارينا :اكره هذا الاسم ويفضل أن متصيحلي ماريا
سند :اخ
مارينا :وجع لهل صوت شبيك ؟
سند بابتسامه :مااگدر الزم لساني بعد إنه راح اعقد عليچ
مارينا :شنو ؟گول والعباس
سند :وأبو فاضل
اصلا نيالچ عليه ضابط وحلو وابن شيخ
مارينا :شلون قسمه خايسه
سند :خايبه دروحي غير مدوخ بنات المنطقه
مارينا : مابيه حيل اعفط
سند :احس روحي إنه الفصليه مو انتي
مارينا :استغفر الله انزل اني اسوق
سند :شني مارايد روحي
مارينا :جريته من شعره صرخ ايد لازم بيها يسوق والايد الثانيه لزم شعري
أنت تقرأ
انتقام مارينا
General Fictionبين الغموض والشعور بتحقيق الانتقام هنا تسكن امرأة وقفت تتحدى ماضيها المظلم لتنهض كرمز للقوة ‚تحمل رحلتها بين طياتها الاسرار والغموض ‚تلتقي برجل يحمل بين طياته غموضاً قد يغير مصيرها ‚هل سيكون نورها بعد ذلك الظلام ؟ ام سيبقى لغزاً محفوراً في ذاكرتها ؟...
