﴿ وماتوفيقي إلا بالله عليه توكلت واليه أنيب ﴾❤️
﴿ ألا بذكر الله تطمئن القلوب ﴾❤️
حلقة جديدة🤍واحداث جديدة🤍وحقايق جديدة🔥🤍
.
.
#حقيقة_مظلمة
بقلم خديجة رمضان (دوجي رمضان)❤️
الحلقة الرابعة وعشرون (24)❤️
.
.
الساعة 5:00 مساءً 🤍
في بيت رجب🤍 ، في المطبخ 🤍
رنا واقفة ع الغاز وتحضر في القهوة وهيا ترجف مع بعضها?
اليوم مقابلتها الشرعية🤍
قامت البقرج من ع الغاز وبدت تصب منه في الفناجين🤍
غصون خشت للمطبخ وهيا لابسة بنطلون ازرق ضيق وفانيلية صوف وجاكيت اسود🖤 ... هيا قالك بابا ساعة وأنتي اديري في القهوة
رنا ... سكريي فمك واخطونيي
غصون ضحكت ... وك عليك خيرك شكلها قعدة مأثرة فيك ضربة الصبح😂
رنا ... مااااماااا
غصون هربت تجري وهيا مصدومة من العيطة يلي عيطتها رنا??
رجاء خشت تجري ... خيرك شن في؟
رنا عيونها مدمعات ... فرختك المصيبة هيا
رجاء ... من غير عار الناس في الصالة تحشمي ، طلعي السفرة تحركيي
رنا قامت السفرة وخدت نفس وطلعت قدام أمها وامها وراها .
.
في الغرفة 🤍
غصون خشت وهيا تضحك ، فجأة هدت ضحك لما شافت الاتصال من غسان ، قعمزت ع السرير وردت عليه 🤍
غسان ... اهلين كيف الحال
غصون ... تمامم بخير كيف حالك أنت
غسان ... بخير الحمدلله ، اتصلت بكري وماردتيش أن شاء الله خير؟
غصون ... ماشفتش اتصالك كنت مشغولة شوية اليوم في ناس جايين لأختي فَ مافضيتش
غسان ... اها ربي يكمل علِ خير❤️
غصون ... سلمك
غسان ... باهي مش عارف حاس أن الفترة هيا فيك شي؟
غصون ... شي زي شنو؟
غسان ... متغيرة عليا هلبااا
غصون قعدت ساكتة وتسمع فيه!
غسان ... هممم وين مشيتي؟
غصون تنهدت بهدوء ... لا أنا عادية مش متغيرة احساسك غلط
غسان ... أن شاء الله يكون غلط ، أنتي عارفة أنه بعد غدوا خطوبتنا فَ ماتخليش شي في خاطرك لو زعلانة مني أو شايفة فيا شي غلط تقدري تحكيه من توا
غصون ... ابداً مش زعلانة منك ولا شايفة فيك شي غلط ، الباين أنك تتوهم
غسان ... تمامم ، أنا توا في طريقي للبيت نوصل ونكلمك
غصون ... تمام (وفصلت الخط).
~~~~~~~~~~~~~~~~~~~~~
زينة ودعت حبيبها في البلكونة وخشت للغرفة وهيا مبتسمة وتذكر في حنيته وحبه وكلامه🤍.
قعمزت ع السرير وهيا مبتسمة بس بسرعة ماغابت ابتسامتها لما اذكرت ريم💔
المفروض تكون هيا جنبها وفرحانة معاها ❤️🩹.
مفروض ومفروض ومفروض ألف حاجة 💔
لكن هيا توا مش موجودة ، ماتت..... وماتت بأبشع موتة يمكن يموتها اي مسلم مؤمن لهيا موتة الأنتحار 💔
كل ماتذكرها تجي في بالها النار والعذاب ، وتقعد تفكر هل ياترى ربي رح يغفرلها💔
وهل وهل وهل💔
بس تسكر ع تفكيرها بكلمة بس لهيا "رحمة ربي وسعت كل شي❤️🩹."
~~~~~~~~~~~~~~~~~~~~~
ترن ترن☎️
غسان رد ع التلفون وهوا يسوق ... الو
سمع صوت شهقات بكي بس مافهمش من?
غسان ... الو منو معاي؟
جاه صوت بنت باكي ... غسان 💔
غسان درس السيارة ع جنب من الصدمة ... من انتي؟
بشهقات ... ا اءء انا سلمى
غسان بخوف ... خيرك أنتي كويسة شن صاير معاك؟ ، مش إنتي في المانيا شن جيبك لِ ليبيا؟
سلمى ... تعبتت هلبااا راهم بيحاولو يضروني💔
غسان ... إنتي وين من يلي حاول يضرك؟
سلمى ... رح نبعتلك العنوان في رسالة
غسان ... تمام تمام ابعتي
نفصل الخط ونبعت بعد دقايق العنوان من سلمى وهوا مشي بسرعة من غير تردد!
ووصل غسان ع المكان يلي كان خرابة وقف وطق ع الباب طقتين وفتحت الباب سلمى وحضناته وهيا تبكي ... الحمدلله أنك جيت أنا خايفة هلباا مافي حد يحمي فيا في اي وقت رح يقتلوني💔
غسان بعدها بهدوء ... شن فيه من يلي بيقتلك؟
سلمى ... خوالي لما رجعت رفضو أنه نقعد عندهم وقالو لِ أمي لو رضيتي بيها رح نلزوك معاها 💔
غسان ... من يلي بيقتلك سلمى؟
سلمى بدت تشهق ... ولد خالي قداش ليه يلحق فيا ويدور عليا والمرة يلي فاتت كان بيقتلني لو ماهربتش😭💔
غسان ... خلاص اهدي اهدي ماصار شي أنا معاك مش ح يقدر حد يأذيك اهدي
سلمى مسحت دموعها وهيا تحاول تهداء!
غسان ... جيبي كل اغراضك وتعالي معاي
سلمى شبحتله بعيون مدمعة ... اسفة رح نجيبلك المتاعب🥺
غسان ابتسم بحزن ع حالها ... متاعب شنو؟ الأصدقاء لبعضهم❤️هيا بري جيبي حاجاتك
سلمى ابتسمت ومشت خشت❤️
غسان ركب في السيارة وهيا غابت دقايق وطلعت حاملة شنطة كبيرة نوعاً ما وقعمزت جنبه وهيا ساكتة وواضح أنها مضايقة💔
غسان تحرك بالسيارة وشبحلها ع جنب وضحك ... كنتي تقوليلي سنفور غضبان توا انقلب السحر على الساحر
سلمى رغم أنها مضايقة بس ضحكت ... ع الأقل اني عندي سبب مش أنت في كل وقت
غسان ابتسم وقعد ساكت؛!
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
