حقيقة مظلمة🖤(روايات ليبية)

#23🤍

﴿ وماتوفيقي إلا بالله عليه توكلت واليه أنيب ﴾⁦❤️⁩
﴿ ألا بذكر الله تطمئن القلوب ﴾⁦❤️⁩
حلقة جديدة🤍واحداث جديدة🤍وحقايق جديدة🔥🤍
.
.
#حقيقة_مظلمة
بقلم خديجة رمضان (دوجي رمضان)⁦❤️⁩
الحلقة التالثة وعشرون (23)⁦❤️⁩
.
.
غصون تشوفلهم بأستغراب ... هادو شن يديرو هني؟
فاطمة ... تعرفيه يلي معاه؟
غصون شبحت لِ فاطمة ... امم صديق غسان المقرب
فاطمة ... اححاا الزوز طروف 🥺
غصون ضحكت وهيا تقول ... تافها المهم بري كان بتخشي لمحاضرتك سادك عاد
فاطمة ناضت وهيا تلم في شيتاتها ... اي صح هي بااي
غصون دارتلها باي وهيا مبتسمة 🤍.
.
غسان شبح لـِ غصون ... اهيا قعدة بروحها بنمشيلها
مازن شبحله ... تمام امشي
غسان امشي لجهة غصون ومازن قعد واقف في مكانه؛🖤
فاطمة كيف جاية شبحت لِ غسان من فوق للوطة ... شكلك تستنى فيا امتى نخش للمحاضرة
غسان شبحلها ع جنب ... بري لمحاضرتك صبح
فاطمة قلبت عيونها ومشت وهيا تقول ... قداش مانحب نستفزه (وكيف جاية راكبة الدرجات لقت مازن واقف والاحلى من هكي أنه كان يشوفلها⁦❤️⁩ دارت روحها مش مهتمه ومشت بغرور وهيا قريب تهبلل🤣!
.
غسان قعمز جنب غصون وهوا مبتسم ... صباح الورد⁦❤️⁩
غصون شبحتله بصدمة من غير ماترد؟
غسان عقد حواجبه بأستغراب وهوا مبتسم ... خيرك؟
غصون ضحكت بتوتر ... خلعتني ، صباح النور
غسان ... من تستني هني؟
غصون ... حد نستنى في تامي تكمل محاضرتها
غسان ابتسم ... اممم يعني معطلة هيا؟
غصون ... يمكن تقعد ساعة إلا ربع او هكي
غسان ... باهي تنوضي معاي
غصون شبحتله برفعة حاجب ... لا للأسف معاش نوثق فيك مرات تخطفني
غسان ضحك ع جنب ... سيورني خاطفك لكن برضاك ورضى اهلك زيادة
غصون ضحكت وهيا تشوف لقدام؛
غسان ... هيا تعالي نتمشو مع بعض شوية
غصون شبحتله بتضييقة عيون ... متأكد مش رح تخطفني؟
غسان ... اي ايي ، هيا بتنوضي ولا شنو؟
غصون هزت برأسها بمعنى تمام وناضت معاه🤍

~~~~~~~~~~~~~~~~~~~~~

حسن مدرس سيارته مقابل كلية الأقتصاد وعيونه تابثات ع الباب؛!
قعد فترة هكي لين ابتسم أول ماشاف سيارة كحلة نزلت منها بلقيس وخشت كليتها قعد مركز ع السيارة وهوا مضيق عيونه!؟
مش حور يلي في السيارة هادا راجل!؟ وواضح عليه صغير في العمر!؟ لما قعد مدقق فيه حس بنفسه أنه يعرفه ؟ لكن...
منو هادا قعد معلق عيونه في السيارة وهوا عاقد حواجبه بضيق!

3≥ ...... 3≥ ...... 3≥ ...... 3≥

رياض خش لِ مكتبه وهوا مضايق قعمز ع الكرسي وهوا يفتح في البطمة الأولى تبع السورية!
هادي تاني مرة يخسر صفقة شغل ممكن ترقي الشركة لي مكان اكتر من اللِ هوا وصل ليه!؟
من كتر الفلوس يلي دفعهم ع الصفقات يلي فاتت وخاصةً الصفقة هادي دفع عليها دم قلبه لدرجة فلس ، وفي النهاية خسرر!
معاش لاقي ولا حل ولا طريقة طلعه من المرحلة يلي وصلت ليها الشركة..... معاش قادر يحاول لا معنوياً ولا مادياً! تسكرت في وجه كل البيبان!
هل نهايته رح تكون الفلس!