حقيقة مظلمة🖤(روايات ليبية)

#22

﴿ وماتوفيقي إلا بالله عليه توكلت واليه أنيب ﴾⁦❤️⁩
﴿ ألا بذكر الله تطمئن القلوب ﴾⁦❤️⁩
بداية حب جديدة⁦❤️⁩
.
.
#حقيقة_مظلمة
بقلم خديجة رمضان (دوجي رمضان)⁦❤️⁩
الحلقة التانية وعشرون (22)⁦❤️⁩
.
.
نفتح الباب وخشت غصون:-
جابر ... شنو الجو
غصون ابتسمت وسكرت الباب ... مليح غريبة قاعد في الحوش مش في الشركة؟
جابر ... اممم كنت في حوش عمي
غصون ضحكت ... اها هادا علاش (ومشت).
جابر ... باهي استني نبيك في موضوع
غصون لفتله ... ها؟
جابر ... نعم الناس تقول نعم ، المهم نبي ناخدلها هدية تمشي معاي؟
غصون رفعت حاجبها ... اممم ياسعد الناس
جابر ... من غير جو الحماة المسمومة بتمشي ولا لا؟
غصون ... حشاني من السم تو نمشي معاك لكن بشرط!
جابر ... شنو؟
غصون ... الي تاخدلها منه تاخدلي حتى أني
جابر ... باهي باهي ناخدلك يلي تبيه غير العشية هكي بعد العصر جهزي روحك
غصون ... حاضر
جابر ابتسم ومشي؛

3≥ ...... 3≥ ...... 3≥ ...... 3≥

أحمد قعد يشوفلها كيف راقدة في حضنه ببرائة ابتسم وباسها ع رأسها 🤍.
المفروض تكون سفرتهم اليوم ، تنهد بألم وبعد يديها الماسكات في سوريته وناض بهدوء شبحلها لفترة طويلة وطلع من البلكونة..
.
وبعد مدة طويلة زينة فتحت عيونها وقعدت تشوف قدام سارحة فجأة نطت ونادت بصوت عالي ... احمددد وينككك💔💔
ناضت تجري فتحت البلكونة ... احمددد لاااا لااا علاش مشيت ارفعني معاك😭😭😭
بسمة تخبط ع الباب ... زينة افتحيي الباب خيركك؟
زينة خشت للغرفة قعمزت ع السرير  وضمت رجليها لحضنها💔وهيا منهارة ... عييت انيي عييت ياربي خودني وريحني😭😭
.
بصدفة مر غسان ع البيت خش وهوا مستغرب من صوت العياط كل الي جي في باله أنه حسن يضرب في زينة ، ركب وهوا معصب لقي بسمة تخبط ع الباب وتبكي برا ، قرب منها ... شن صاير؟
بسمة ... اختك بروحها في الدار يحليلي كان مادير في روحها حاجة
غسان قرب من الباب ... زينة زينة افتحي الباب
يسمعو في صوت بكاها بس💔
غسان نفخ بقوة ووخر وقدم خبط الباب كسره وخش يجري لقاها متكورة ع سريرها قعد يشوفلها بألم💔
بسمة واقفة جنب غسان وتشوفلها ودموعها ينزلوا 💔
غسان شبح لـِ بسمة ... خليني معاها شوية
بسمة هزت برأسها بمعنى تمام وطلعت؛
غسان قرب قعمز ع السرير جنبها ... علاش اديري في روحك هكي؟
زينة تبكي وتشهق 💔
غسان ... شوفي حالتك وين وصلت ليش يازينة احنا قبل كنا ديما نقولو زينة قوية وتتحمل وترضى بسرعة غير ريم
زينة لما سمعت اسم ريم نهارت اكتر💔
غسان تنهد بألم ... ماعمره البكي والعياط جاب نتيجة لو كان يدير في حل راه كلنا بكينا وعيطنا
زينة قامت رأسها وشبحتله ... ليش جيت أنت؟
غسان رفع حاجبه بأستغراب؟
زينة ... أنت وعدتني يوم وفات ريم قلتلي مش رح نخليك بروحك💔 لكن زيك زي غيرك كلكم خليتوني ومافي حد مساندني (وقالت بصوت باكي) حتى حسن معاش يحكي معاي (ونهارت💔).
غسان حضنها ... مش انتي بس بروحك ومامعاك حد حتى أني زيك ، قاعد كل يوم ندور في من نصدق أمي يلي عرفتها من يوم بس ولا عيلتي يلي طلعت مانعرفهاش ، بابا قاعد تابث ع كلامه أنه امي خاينة وامي قعدة ع كلامها أنه هوا يتبلى عليها عندك علم شن شعوري توا؟
زينة شهقت ... الضياع؟ كلنا نفس الشعور كلنا ضايعين💔
غسان دمعو عيونه ... كل يوم حالتنا تتأزم وماحد لاقي راحته💔
زينة شبحتله ودموعها في عيونها ... جربت أنك تحب؟
غسان تنفس بعمق وضحك بهزوة ... حب من طرف واحد!
زينة بعدت من حضنه وقعمزت ع حيلها ... كله يهون ومرات تطلع حتى هيا تبادلك نفس الشعور
غسان ... تؤ اليوم اتأكدت قلتلها رح نخطبك رسمي حسيتها اضايقت (ناض وقف وزينة مسكت في يده وشبحتله بترجي ... رح ترجع ولا؟
غسان ابتسم ... اي جهزيلي غرفة اليوم بنبات هني
زينة ابتسمت بفرح ومسحت دموعها ... حاضر 🤍
غسان شفشفلها شعرها وطلع؛
زينة تنهدت براحة ... سعدودها يلي حبيتها يوخيي🤍