هاااي قايز💞💞 اسفةة ع التأخير بس من اولامس وانا نحاول انزلها ومابتش تنزل فـ اطريت نمسحها ونعاودها من جديد💞
قراءة ممتعة💞
.
﴿ وماتوفيقي إلا بالله عليه توكلت واليه أنيب ﴾❤️
﴿ ألا بذكر الله تطمئن القلوب ﴾❤️
.
.
#حقيقة_مظلمة
بقلم خديجة رمضان (دوجي رمضان)❤️
الحلقة الواحدة وعشرون (21)❤️
.
.
غسان فصل الخط وخش للمطبخ صب من القهوة وطلع للصالة ، سمع صوت جرس الباب توقعه مازن فتح الباب بسرعة وكيف جاي بيتكلم فجأة سكت بصدمة وهوا يشوف قدامه✨
حور بعيون مدمعة ... اهلا بوليدي وأخيراً تلاقينا
غسان عقد حواجبه وهوا قاعد بنفس علامات الصدمة؟
حور قربت منه وهوا وخر مش مستوعب أنها هيا نفسها ، نفسها يلي شافها في الصور وفي القهوة وفي المانيا ✨تكلم بصعوبة ... ءءأنتي منو
حور نزلت دمعتها ... أنا حور امك ياروحي حاولت وماأستسلمتش والحمدلله وصلتلك ياحبيبي❤️
غسان يشوفلها وهوا حاس بنفس الشعور رغم كل يلي صارله بس قدر يحس بشعورها قدر يعرف هيا قداش ماعانت وقداش ماصبرت وقدااش قدااش...قدر يعرف كل شي من عيونها حس بقلبه دقلها❤️حس بشعور الولد لأمه ومن قوة الشعور يلي حس بيه عيونه دمعو
حور أول ماشافت دموعه قربت منه حطت يدها ع خده بحنية وقالت ... طول ماأمك جنبك أنت رح تاخد كل شي تبيه رح تاخدلي حقي منهم كلهم ، حقنا يلي كلوه كله رح يرجعلنا يعيوني ماتخافش (حضناته بتردد وخوف من الصد💔 ، بس اطمنت لما هوا قام يديه وحضنها❤️؛
حور ابتسمت وبعدت من عليه تشوف لملامحه ... طالع لخوالك هالبا
غسان بعد من ع الباب ... تفضلي
حور خشت لشقة وغسان وراها قعمزوا وهوا سأل بتردد ... وين كنتي كل هالفترة؟
حور دمعو عيونها ... كنت ندور فيك ، رياض لما خداك مني ماخلاش اي معلومة عليه لاعنوان بيته ولا اي شي حتى اسمك ماعنديش بيه علم
غسان ... ليش دار هكي عطيني سبب مقنع
حور ... مافيش سبب مقنع كل القصة أنه بوك حب مرأة تانية لِ هيا بسمة ، تزوجها وبدي مهتم بيها اكتر مني ولما أنا طلبت الطلاق طلقني وتخلى عليا بسهولة بس لما عرف أنه أني طلقت منه وبنتزوج خداك مني💔
غسان ... ليش سكتي كنتي تقدري اديري اي شي وتمنعيه
حور ... مااسكتش تكلمت وحاربت هلبااا بس في النهاية هوا الي ربح اكيد رح تسألني ليش؟؟ تعرف شن دار الحقير هادا
غسان رفع حاجبه بتساؤل؟
حور نزلو دموعها ورا بعض ... طعني في شرفي الكلب💔 وأني زي اي مرأة ماعندها حد يوقف معاها لأني هربت مع بوك هروب حتى اهلي تخلو عليا فـ اكيد مش رح نلقى حد يدافع عليا ، وخسرتك أنت يلي كنت الأمل الوحيد ليا في هالدنيا💔
غسان تنهد بألم💔 ... باهي من الراجل يلي تزوجتيه؟
حور ... الله يرحمه توفى من سنين ، توفى مقتول
غسان عقد حواجبه بتفاجئ وقال ... مقتول؟
~~~~~~~~~~~~~~~~~~~
في الليل الساعة 11:00 مساءً 🖤
.
رجب يشبح للفراغ ويفكر كل يلي كان يدور في باله.....
هل يزوج بنته من غسان ويرجعله حق امه ويرتاح من هالهم.؟
ولا يسكت علِ حقه ومايزوجاش بنته...؟
تنهد بهدوء وشرب من مق القهوة يلي في يده ، فكر في رد فعل غصون لو عرفت أنه غسان ولد عمتها؟؟
هوا كان متأكد انه غصون تحمل مشاعر لِ غسان بس مش عارف كيف يتصرف هوا في الحالتين سوا رفض ولا وافق خايف عليها هيا ، لو زوجها من غسان وطلع كل همه الأسهم تبع الشركة وهيا ولا شي ولو رفض رح يدمر قلبها ويوجعها 💔
نحطت يد ع كتفه تلفت لقاها رجاء.
رجاء ... أنت كويس
رجب تنهد وقعمز ع الصالون ... كيف بنكون كويس أنا قاعد نفكر في الموضوع شاغلي عقلي
رجاء ... ماتفكر في شي يارجب خلاص خليها علِ ربي ودير الشي يلي يريحك اكتر
رجب شبحلها ... حتى لو وافقت ع زواج بنتك من ولد حور
رجاء تنهدت بألم وقعمزت جنبه ... اي
رجب قعد يشوفلها وهوا ساكت؛
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
