من عالم أخر

البارت السابع والعشرون

من وقت عودتها الي المنزل لم تخرج من غرفتها قط كل ما تفعله هو البكاء حاولت بسمه ان تعرف سبب بكائها ولما تحبس نفسها في الغرفه لكن لا حياة لمن تنادى
عاد ادم في منتصف الليل ليجد بسمه بانتظاره : ادم
لينظر لها ببعض الضيق : بسمه ابوس ايدك لو في حاجه خليها للصبح .....ولو كنتي هتتكلمي علي الفلوس اللي اتسحبت النهارده ياستي فداكي
وكاد ان يذهب لولا كلام بسمه الذي استوقفه : اخدت بيلا عالمول ومن ساعت مرجعنا وهي حابسه نفسها ومش مبطله عياط وحتي مش عايزه ترد عليا ولا تفتحلي
نظر لها بشك : وايه اللي خرجكم؟
-هي قالتلي انها زهقانه وعاوزه تروح المول حتي جبتلها كل اللي نفسها فيه  بس معرفش ليه اول مرجعنا عيطت جامد من اول مدخلنا البيت ومعرفتش اهديها جريت علي اوضتها وقفلت علي نفسها ومش بترد من ساعتها
لم ينتظر ادم جمله اخري ركض للاعلي متجهاً لغرفه بيلا طارقاً الباب بصوت اجش : بيلا .......بيلا افتحي يابيلا
كان متوقع انها لن تفتح لذلك كان سيكسر الباب لكن صدمته تصرفها لقد فتحت الباب مرتميه فحضنه!!!!!!
نظر لها ببعض التوتر والقلق في نفس الوقت ليمسكها من ذراعيها ناظراً في عيناها بعمق يحاول ان يستشف منهما اي شئ : بيلا في ايه مالك حد ضايقك !
هزت رأسها يميناً ويساراً مجيبه بلا
-طب في ايه حصل !
بدأت الافكار تأكل رأسه هل يعقل ان تكون؟؟؟؟؟؟
-بيلا اتكلمي ماالك ! ...... بيلا ......انتي مش هترجعي للعالم بتاعك وتسبيني تاني صح ! بيلا اتكلمي
نظرت له بيلا بعينان تملأها التعب طارقه بيدها علي قلبها بقوه مردفه بتألم : معدش ينفع
تعجب من حركتها ليسألها بقلق: ايه هو اللي معدش ينفع
انعارت بين يديه فالبكاء لتصرخ بكل ما في قلبها : يعني معدش ينفع ياادم معدش ينفع ارجع العالم بتاعي خلاص مصيري هنا
نظر لها بعدم فهم : طب انتي مضايقه ليه انتي مش عايزه تبقي معانا مش بتحبينا!
-مش دي المشكله ياادم المشكله ان البوابه اختارت مصيري
عقد حاجبيه بتعجب : مصيرك ازاي يعني
رفعت بيلا يدها اليمني لتنظر لاصبعها الصغير مردفه بحسره : يعني البوابه ربطت بيني وبين شخص البوابه اختارت مصيري اختارتلي شخص من عالم البشر
نظر لها بصدمه مردفاً بألم : أمجد يابيلا؟
اومأت بيلا بتعب ممسكه قلبها بتألم
ليهزها ادم بصدمه : لاااا يابيلا لاااااا
-مش فإيدي حاجه ياادم
-يغووووور المصير يغووور يابيلا انا معاكي انا جمبك بيلا انا بحبك
نظرت له بألم وارهاق تهز برأسها يميناً ويساراً ضاغطه علي شفتها السفليه بحزن : متأخر ياادم متأخر اوووي
ابتلع لعابه بصعوبه وهو يردف بجنون : لا يابيلا معلش انا اسف انا عارف انه متأخر واني كان لازم اقولهالك من زمان بس بس يابيلا انا بجد بحبك انا مقدرش استغني عنك بيلا انتي غيرتي حياتي بيلا انتي غيرتيني انتي رجعتيني للصح بيلا انتي وردتي اللي فتحت في وسط اشواكي بيلا انتي انتي مينفعش تبعدي عني ......... انتي لازم تفضلي معايا لازم تبقي جمبي متسبنيش يابيلا .......ارجوكي متسبنيش هعمل كل اللي انتي عيزاه مش لازم هو مش لازم كلام البوابه يبقي صح انتي قادره تغيري مصيرك بإيدك ليه تمشي ورا حاجه مش عيزاه .....(ليستوقف كليماته ينظر لها بشك ) ولا انتي بتحبيه ؟؟
حركت رأسها معترضه علي سؤاله : لا اادم انا بحبك انت بس المصير ياادم اختاره هو
-يغور ابو المصير يابيلا مفيش حاجه اسمها مصير يمشيكي انتي اللي بتختاري حياتك بإيدك
-ياادم انت مش فاهم ......
-بيلا انا قلتلك اني بحبك وعلي جثتي انك تبقي لحد غيري انتي سامعه لو وصلت بيا اني اقتله هقتله يابيلا انتي فاهمه
لم تحتمل بيلا كل ذلك الضغط لترتمي في حضنه مودعه كل احزان العالم تريد فقط ان تظل معه تكون بقربه هو فقط من يشعرها بالامان ..... لن تدع خيط سخيف يتلاعب بمصيرها لقد اختارت ادم ستعيش معه للابد حتي لو كان ذلك علي موتها قررت ان تصمت ولا تخبره انها اذا لم تجتمع بمصيرها ستموت قررت ان تصمت أمامها علي الاقل سنه كامله ستبقي معه تلك المده يكفي ان تبقي بقربه اخر ايام حياتها
أجل ستضحي لأجله ستضحي بنفسها لأجل ان تبقي بقرب من تحب لتبقي بقرب من هواه قلبها من علمها الحب......لتبقي بجانب من فتح عيناها علي الحياه أجل هو وحده يستحق تضحيتها وحبها هي لا تعلم ذلك الأمجد لكنها تعلم ادم حبيبها عشقها الاول والاخير لن تدع اي شئ يفرق بينهما سوا موتها بعد سنه !