ذراري الهجرس

الفصل العشرين

متناقض!!!
هل تعلم ماالمتناقض
هدوء وعاصفة
حب وكره
ليل ونهار
سواد وبياض
شمس و مطر
والأكثر تناقضا منهم أبي
بين حبه وبين جنونه عشنا سنين
تحت جناحه وتحت حربه بقينا صامدين
هو الاب الحاني وهو الكسر القاني
نعم هذا بعض من وصف أبي

*********************************

🍁

الفصل العشرين..........

تسائلت داخل عقلي عن سبب انصدام نافلة مع ذالك مااستفسرت من وجع إلى وكع على راسي على أثر ضربته انفتح الباب يمي وجر ايدي بقسوه

مانطقت اي شي ضليت امشي ورا واعثر وصوت نافله الي تصيح ورانه

نافله : طوفان والله مامسوية شي والقرآن بس خل نحجي

ماردلها كلت : عوفي اجت السنوية ماتدرين يتخبل من هل الموضوع ويطلع قهره علينا

وكف وكال : هذا حجيج اطلعه من جوه عيونج

طيره : تدري شنو مليت منك ومن تهديدك وافعالك بلكي هاي المره اموت واخلص منك عود سوي سنويتي ويا جوهرتك ولو مااتوقع تسوي شي

عاف ايدي وشالني انهبطت اكثر مشه وصاح : نافلة خطوة تجين ورايه ماتشوفيها بعد ضلي بمكانج ويا ذيج

ماحجيت ومااعترضت هسه لو شما احجي مايغير رأيه ابوي واعرفه مثل ماكلت الرحمه وطوفان مايجتمعون اذا تعصب او اجته الحالة

وكف دقايق وسمعت طكة مالت اقفال 

رجع يمشي بيه وينزل درج اتوقعت وين جابني راسا دفعته وردت اوكع لو مالزمني جان اتصفطت لاخر الدرج

شفع : شبيج اذا وكعتي من هنا راح تموتين

: عادي خل اخلص منك

شفع. مااتخلصين مني وبعدين هاي المره اقامتج هنا راح تطول تحت اشرافي يعني ماتطلعين بل ختلات كل مره

سمعت صوت باب الي ينفتح جسمي كله كام ينتفض من الخوف والحجي ضاع مني خلاني على الكاع

: لا تسوي بيه هذا الشي والله مامسويه شي

ماحجه رجعت كلت : وحق الله ماسويت شي هاي المره ليش تعاقبني

مارد عليه ضنيته راح بس صوت الباب مااجه معناته واكف هنا
تنهدت بقهر التفت وامد ايدي لحد ماوصلت للسرير ذبيت نفسي علي اغمض عيوني ورا هذا اجه صوت قفل الباب

اخذتني ظلام افكاري لعالم من الكوابيس وبدت معاناتي من هل اللحظة

وحدة ، ظلام فوك ظلامي، ريحة رطوبة منتشرة بل مكان وبرودة قليلة لكن توصل لعظامي من شدة وحدتي يمتى تنتهي هاي التقلبات ومتى يتعدل مزاجه المتناقض

هذا المكان لوحده سجن نفسي لذاتي قبل جسمي فصوت الوحدة يقتلني اكثر من ألالم الجسمي

نافله طول هاي الايام مااجت ولا مرة يمي واعتقد  بهذا قصد راح تكون تحت اشرافي يعني مراح يخلي نافله تطب لهنا