ذراري الهجرس

الفصل التاسع عشر

ليل وظلام حياتي بدون ضحكتك
هل سألتي العشاق عن اكبر خوف عندهم
إذا أنا الذي سأخبرك الحب لا يعني ان تعيش بسعادة أبدية بل يعني ان كل سعادة يأتي معها ألم لا يحتمل وفراق ظالم لا يطاق
احبيني لكن بدون ألم احبيني بدون فراق
فمن ذاق طعم حبك
لن يستطيع العيش بلاه

قبل لا تبدون سووا تصويت جميل مثلكم وعلقوا بين الفقرات حتى تصعد القصة

*********************************
🍁

الفصل التاسع عشر...

تجي على الإنسان لحظات يوكف كلبه ثواني عن ضخ الدم إلى الجسم نتيجة لمصيبة او فاجعة تمر على قلبه أما المسكينة أني راح اموت من ورا ابويه وعمايله عند أقرب فرصة لان متأكدة بهاي الدقيقة  كلبي وكف

صحت بصوت عالي : شفععع

لحظات وانفتح الباب : ها طيرة شبيج هم وكعتي

: رحت كتلت المره مو راح يوكف كلبي من وراك

شفع : يعني من اجي اكتلج هسه احد يكلي ليش يم ذيج شنو شايفتني بلا غيره حتى اضربها

: لعد شنو هذا الصوت الجاي

شفع : مااعرف قبل لاتهرجينا بصوتج جنت رايح اشوف

: روح لعد شتنتظر

كمت من مكاني اتلمس كدامي وامشي لحد ماسمعت صياح نافله : عموو بسرعه روح لام جمال

اجه صوت ركض مشيت بسرعه اصيح : نافله شكو شتردين من ام جمال

ردت بصوت مرعوب تصيح : ولج هاي المره ماخذها النزيف هسه شنسوي اذا صارلها شي

: انجبي وتعالي مشيني اني هم هسه اوكع وينكسرلي ايد لو رجل

اجت اخذتني من ايدي بسرعه كعدتني كلت الها : فكي ايدها وحلكها شيكولون اذا شافوها هيج

من فكينا حلكها كالت بهمس : ابني الله عليكم ابني راح يموت

: ندري راح ابوي يصيح مره تشوفج

كامت تون كلت موجهه كلامي لنافلة : نافله عدلي مكانها وخليها فوك الفراش

رجعت كلت مره ثانية : انتي تردين شي

ايلاف : رجعوني لبيتي والله ماعليه بشي

تنهدت : هسه خلي نتأكد من سلامه الي ببطنج يعني بس فهميني الله عليج كل هاي المرافس والصياح والتهديد وعندج طفل ببطنج لو ماعندج شتسوين تصيريلنا سوبر ويمان

نافله : طيرره

: مجذبه وهذا شفع وين بقه نام خوما نام اكولج ايلاف شتحسين هسه

ايلاف : ظهري يوجعني وبطني تنلوي وراسي يوجعني هواي

: كلت شتحسين يعني شلونج ماكلت عدديلي اعراضج والله لا مشتغله دايه ولا نسائية من تجي المره عدديلها اعراضج