“ နင့်ဟာမှမဟုတ်တာကို ”
ယဲ့ရှောင်ရှင်းက နားမလည်သလိုမျက်နှာလေးနဲ့လိုက်ကြည့်သည်။
ငတုံးမ..
သိုက်ယီးရန် တိတ်တဆိတ် ကြိမ်းလိုက်မိသည်။ ယဲ့ရှောင်ရှင်းတော့ ဒါ သူမဟာပါ ဆိုပြီး မသိသိအောင် ပြောဖို့ လုပ်နေတာလား!
“ ရှောင်ရှင်းက နင့်ကိုကူစစ်ပေးချင်လို့ ဖြစ်မှာပါ၊ Pen Drive က ဘာဖြစ်နေတယ်ဆိုတာကိုလေ ” သိုက်ယီးရန် အလောတကြီး ဝင်ဖြေရှင်းပေး၏။
“ ဟုတ်တယ် ဟုတ်တယ်! ”
ထိုအခါမှ ယဲ့ရှောင်ရှင်းက စကားပြန်ပေးနိုင်ကာ အခြေအနေကို ပြန်ဆယ်ဖို့ ကြိုးစား၏။
“ ဒီနယ်ပယ်မှာ သိပ်ကျွမ်းတဲ့သူကို ငါ သိတယ်၊ ဒါယူသွားပြီး သူ့ကို စစ်ဆေးခိုင်းလိုက်မယ် ”
“ ရပါတယ်၊ ကျွန်မလည်း ဒီနယ်ပယ်မှာ နောကျေနေတဲ့လူတစ်ယောက်နဲ့သိတာမို့ ကိုယ့်ဘာသာ စစ်ဆေးခိုင်းလိုက်လို့ ရတယ် ”
လုမန်က သူမကို စူးစိုက်ကြည့်၏။
“ဘယ်လိုပဲဆိုဆို ဒါကြီးက ကျွန်မကွန်ပျူတာရဲ့စီပီယူမှာ စိုက်ထားတာ.. ”
အရိုးသားဆုံးပြောရလျှင် လုမန်မှာ ဒီပစ္စည်းကို စစ်ဆေးကြည့်ဖို့ စိတ်ကူးပင် မရှိပေ။
ဘာများစစ်ဆေးစရာရှိလို့လဲ..
ဒီထဲမှာ သူမကွန်ပျူတာထဲကဖိုင်တွေအားလုံးကို ဖျက်ဆီးပစ်နိုင်တဲ့ ဗိုင်းရပ်စ်တစ်ခုပဲရှိတာ...
ပြီးတော့ သိုက်ယီးရန်၏ တုံ့ပြန်မှုတွေအရ ဒါဟာ ဖိုင်တွေကို သိုက်ယီးရန်ဆီသို့ အလိုအလျောက်ပို့ပေးတာမျိုးပင် လုပ်ဆောင်နိုင်လောက်ပေသည်။ မဖြစ်နိုင်တာမှ မဟုတ်ဘဲ။
မည်သို့ပင်ဆိုစေကာမူ ဤကိစ္စသည် သိုက်ယီးရန်၏ လက်ချက်ပဲဖြစ်၏။ ယဲ့ရှောင်ရှင်း၏ မျက်နှာထိမျက်နှာထားအရ သူမသည်လည်း ကြံရာပါတစ်ယောက်ဆိုတာကို လုမန် သိသည်။
ထို့ကြောင့် အထူးတလည် စုံစမ်းစစ်ဆေးနေစရာ ဘာမှမလိုပေ။
လုမန် ဒါနဲ့ပတ်သက်ပြီး လုံးဝ စိတ်မဖိစီးပေ။ ပစ္စည်းတွေသိမ်းပြီး အလုပ်ဆင်းသွားလိုက်၏။ ယဲ့ရှောင်ရှင်းမှာတော့ သေလောက်အောင် ကြောက်လန့်နေရှာသည်။
VOCÊ ESTÁ LENDO
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
156 ~ 160
Começar do início
