ثنه ركبته وكعد كبالي وكام يهفي عليها اخير شىء عاطت عليهم نهئ وطردتهم وسحلتني للغرفه لكيت البنات بيها مقهورات علئ حالتي بس شيسوون
واني كمت من الوجع اهفي عليها بلكي تبرد بقيت لـ 12 الوب وبدور مو يمي بغير غرفه وهمه بس يخلص العشه يكوم جزء من البنات يغسلن المواعين
اليوم همزين مو علينه واعدادنه هوايه كلش ولد وبنات جنه وكل واحد يسوي شيء غلط حتئ لو بسيط يجوونه
باوعت علئ ايدي الي بيها هوايه إثر للحروك حسيت الباب تنفتح استغربت منو يجي هسه رفعت راسي البنات كلهن جانن نايمات
شفت مُعقد دخل واجه كعد يمي وكال بصوت ناصي علمود ميخلي احد يفز من نومه
مُعقد:شلونها ايدج ضل بالي يمج.
_شتشوف انته بس الله كريم.
مُعقد:لازم متعانديها وشفتيها انتي شسوت وايدج شصاير بيها من وره هاي الجلبه بت الجلاب.
_لتغلط عليها،شنسوي الها وبعدين شلون مااعاندها واني مليييت وتعبت طفله وتلوعت وشفت الضيييم.
مُعقد:والله لو بيدي اطلعج بس شسوي انتي كاعد تشوفين الحال.
_لاخويه انته هم ضيمك ضيم الله كريم تهوون.
مُعقد:هسه شلون بيدج تضل هيج.
_تعودت اني من جان عمري 5 سنين ضكت ضيم تعودت.
مُعقد:انتي من صغرج لسان وهسه صار عمرج 10سنين ونفس الشيء.
_ههههه نفس الشيء بعدي زعطوطه.
ًمُعقد:ايي دوم اضحكي هيج شحلات الضحكه عليج،يله انه كايم ليحسون عليه.
_اي ولتجي بعد ماكو داعي.
مُعقد:الله كريم يله تصبحين علئ خير.
_وانتَ من اهله.
راح واني بقيت وحدي بالكوه نمت من الوجع من عمري 4سنين واني هنا كلشي ماعرف عن حياتي اول ماجيت لهنا اني نفس الضيم
بس جنت صغيره اهم شيء عندي اكل واشبع بطني بس هسه احس نفسي تعبت وأريد اعرف منو اهلي ليش خلوني بهل مكان
ماعندي متنفس هنا غير مُعقد وبدور ذوله همه بس أصدقائي من الكل وبدور بكدي بس مُعقد اكبر مني 15 عمره ومن يصيرون 18 يطلع منا
إذا محد اتبنا واحنه هنا من سنين زين اذا بالشهرين اجو ناس لواحد منه واني اتمنئ ماصير 18 سنه لانو صعب عليه شلون اكدر اعيش
غفيت علئ نفسي بلا ماادري فزيت علئ إثر صيااح قووي صياح نهئ كل يوم لازم ساعه 8 نكعد
نهئ:يلللله اكعددددن دنياا الصبح.
فزن البنات علئ صياحها واني هم كعدت بس بالكوه لانو نمت متأخره رحت للحمام شفت سره كامل
عفتهن ورحت للمطبخ غسلت وجهي ونشفته ورحت يم بدور لكيتها تفرك بوجها ستوها كاعده
_صباح الخير.
بدور:صباح الانوار حبيبتي، شلون صارت ايدج اليل كله افكر بيج بس ماكدر اجيج.
نصيت صوتي وكلت الها
_ليضل بالج اجاني بليل مُعقد.
بدور:عرفته هوا اصلا شافج وضل يلوب.
حجينه شويه ورحنه سوينه ريوك للبنات الي ويانه اني بقيت مطلعه ايدي واليوم منفوخه وصايره زركه صح وجعتني بس مهتمت الها
لانو تعودت كل ماسوي شيء هي هيج تسوي كعدنه ناكل وكالعاده مكاني بالطرف يصير كبال مكان مُعقد بالضبط
كلمت اكلي اول وحده بيهم جنت كلش جوعانه لانو البارحه ماتعشيت صار ماعون كبالي رفعت راسي شفت مُعقد منطيني ماعونه
وياشرلي بعيونه على الماعون يعني اخذي كلته بصوت ناصي بيه طبع من كلشي اخاف وصوتي ناصي
_ماريد شبعت.
مُعقد:توء ادري بيج بعدج جوعانه اكلي يله واسكتي.
_زين انته ماماكل شلون اخذ اكلك.
مُعقد:ماعليج بيه يله اكلي.
ماعرف شنو سالفته كل مايشوفني اخلص اكلي قبلهم ينطيني اكلي ويضل هوا بلا اكل احاول ويا بس يبقه معاند
غسلنه المواعين انسكر ضهري لحد ماخلصت ويايه وحده من نفس الغرفه تصفط المواعين وتنظف الطباخ ماكو عاملات ويانه
ومن نكول الهن نريد مايقبلن يكول نعلف عليجن مابقت فلوس وهنه بس الاكل وعاد شلون اكل حتئ ملابسنه تفشل
بس شنسوي نكول الحمدلله صار العصر وكعد الكل بغرفه وحده ونسولف ومن هل الاشياء اني كالعاده ماختلط اخذلي ركن واكعد
الكل يكول عليه المخبله وغيرها من الالقاب الي اتنرفز منها لاكن ماحجي ماكو حجاب هنانه الي تريد تلبس والي متريد متلبس
محد لابس ابد لانو محد معلمنه الصح والغلط بس الصلاه اعرفها لانو مُعقد يعلمني لانو يقره كتب دين ويجي ينصحني
واني علئ كلامه عن الائمه وهل اشياء لبست حجاب وبدور والبقيه ملابسين ماهتم لانو كلام مُعقد ضل براسي
مُعقد:انتي هسه صار عمرج9 سنين يعني استحقيتي الحجاب الحجاب هذا ستر الج مراح يخلي الي رايح والي جاي يباوعلج والنبي محمد (ص) وصانه بالحجاب لاتراوين شعره وحده ل اي شخص محد يستحق جمالج غير الشخص الي تعيشين ويا بقيه عمرج.
_يعني شنو.
مُعقد:ماعليج من تكبرين تعرفين بس الأهم الحجاب وإنتي حلوه وتصيرين تخبلين بالحجاب.
كلامه جان حلو ومقنع وقنعني البسه اجه يمي مُعقد رفعت راسي اله وكلت اله
_شتريد.
مُعقد:اكعد يمج ماكو مشكله.
_اكعد.
مُعقد:اني راح............. يتبع
^^^^^^^^^^^^^
هلو حبايبي هذا بارت تجريبي لقصتي
KAMU SEDANG MEMBACA
الذئب المتمرد(جريمتي الاولئ)
Acakعراقيون نحنُ عُشنا الحزن منذُ طفولتنا،،، عيوننا مليئه بالحزن ولاكن مازلنا نبتسم رغم كل شيئاً.... العراق تحديداََ (النجف الاشرف)انا فتاةٌ عُشت حياتي بِالم لم أجد حضننا يحتضنني ويبعدني عن العالم الذي اخذ مني أجمل ايامي، لم اعش مثل باقي البنات عشت بالم...
Part 1
Mulai dari awal
