ذراري الهجرس

الفصل السابع عشر

‏سيَستجيبُ يوماً ، وستُدهشُ من ڪرمه.
فلا تيأس وكنت دائما صابرا متفائلا بل الخير.
فالذي خلقك لا يصعب عليه حاجتك.

اعتذر صاير خطأ بنهاية البارت هسه عدلتها 😔
*********************************

🍁

الفصل السابع عشر.....

‏لا تعش بعيداً عن الله .. وتطلب السعادة...

ترانيم.......

عدلت كعدتي وكلت : شنو عرفت؟

سكت ورا شويه كال : نفس الجماعه

: شلون مافهمت

شفع : مو سمعتوهم من طلبت منهم معلومات ورفضو

: اي اتذكر بوكتها خلولك شرط

شفع : اي ما نفذت شرطهم وهمه حتى ينتقمون خسروني بواحد من حمولاتي

باوعتله بشك : يا حموله

شفع : عفتي الحجي كله وطفرتي على الحموله

: اي حتى اعرف ادعيلهم لو ادعي عليهم

شفع : لا جانت حموله مفروشات

: لا هاي ينرادلها ندعي عليهم الله ينتقم منهم كمل

ضحك : اي نكمل

اجه صوت نافله : وتكولين لاتحجون بدوني لعد اني

: غير اكولج تعالي وانتي مدري وين تروحين كعدي بعده ما بادي

شفع : روحي سدي الباب نفله

حسيتها كعدت يمي

طيره : اي كمل

شفع : ورا فعلهم هذا رديتلهم هذا الشي وهددتهم لا يتجاوزون بس هم كامو دزو الي راد يخطف نفله والي اجه عليج اولها ماعرفت همه ومن عرفت كمت ضربتهم ضربة جبيرة عاد تخبلوا و سوو الحادث واخرها هاي السالفة

نافله : سؤال شسويتلهم هيج تخبلو

شفع : ضربت على الوتر الحساس الا وهو شغلهم خسرتهم ملايين

: ماأعتقد بس خساره فلوسهم تؤدي لهيجي ردة أفعال منهم

شفع : شتعرفين عنهم اولا همه يعبدون الفلوس مو بس يريدونها وثانيا مابقه عدهم وجه بل سوك مالتهم الكل انسحبت ورا ما احترك شغلهم ولمن صارت سالفة الحادث جنت اريد مستمسكات عليهم توكعهم بيدي وحصلتها

نافله : يعني همه بيدك

شفع : لا اني صرت بيدهم

لاحت علامه الاستفهام بوجهي : شلون بيدهم

تنهد : انغدرت بواحد من الي زارعهم هناك من ورا عرفو عندي شي عليهم وعرفو بشخص الي انطاني الأوراق والأخبار واول ما التقينا طلعوا يرمون علينا راح بيها الي وياي ورادو يكتلوني بس ماحصلوني