ذراري الهجرس

الفصل السادس عشر

هل تعلم أننا ولدنا بشر كامن داخل صدورنا لكن هذا الشر لا يخرج الا عند حالات نادرة منها الغضب ومنها الحقد
يجعلك تفكر هل هذا يستحق أليس من الأفضل أن اتخلص من هذا الشعور بمن اغضبني بعدها تأتي لحظة الندم تشعر أنك المجرم لا هو

الغضب لا يحل شيئا بل يجعل الأمور اسوء وهذا ماتعلمته بعد فوات الأوان

يجماعة فعلا جنت بسفرة واكتب وادقق 🙂فسووا تصويت حلو وتعليق جميل مثلكم 😔❤️

*********************************
إيلاف.......

لم أشعر بذنب وانا أرى نتائج افعالي فهل هم الذين اقتلعوا انسانيتي ام أنني كنت اخفي هذا الجانب مني كل هذا الوقت

صراخها العالي خلاني اصحى على روحي حتى ماانطيهم عليه لزمه كمت بسرعه رشيت شويه من الماي الحار على ايدي وكعدت بل كاع

اشواق جرت ايد سليل للمي تغسللها وهذيج تصيح وتكمز كعدت بمكاني انزل دموعي وهيهات انلزم طبو الولد مخروعين وهادي من شافني كاعدة ابجي ركض يمي لازم ايدي

هادي : شصار ليش كاعدة بيج شي

شهكت اجر نفسي وامسح عيوني حجيت مختنكه : رادت تحركني دفعتها واحتركت وياها

باوعلي مصدوم رفع ردني جان احمر صاحت اشواق من ورا مفرفحة : جذابه والله العظيم هي الي اجت مثل الخبلة وحركت المره

غمضت عيوني اتذكر شغلات مو زينة حتى ازيد بل بجي اكثر آخرها كلت  : اني ايدي مااكدر اشيلها اجي احركها مو من طبيت جانت تحجي عليه وتكول الا احرك ابنج علمود اللسان الي عندج

انزرفت اذاني من صياحها العالي حجه هادي من يمي مزعوج : سرمد اخذ هاي للمضمد خلصنا من صياحها اديان روحي وياهم

اجت عمتي تلعلع : شسويتي بل مره ياساقطة

صاح هادي بصوت عالي : يمممه جم مره كايل لا تسبوهاااا

أشرت عليه تلعلع مره ثانية بدون مستحه : تصدك بهاي الحيه البنية تحلف مامسويه شي طابه عليهم هاي المخبله وحاركتها

صحت : والله العظيم من طبيت هي جانت تكول احرك ابنها عمه ليش اجذب لو كل سالفة وكلتو ايلاف ليش همه مو هذيج المره جانو ضاربين ابني لو ابنج مو الي كسر ايدي وكعد يتباهى بهذا الشي

عم الصمت بل مكان ردت اكطع لساني هاي المره صدك لوصتها عزه بعينج إيلاف صحيت على روحي من عصر هادي زندي : منو كسر ايدج

كلت بكلبي هي خربانة خربانة خل يظهر الحق ويسقط الباطل شهكت ابجي : فاقد

كام مثل الاعصار راح للصالون ركضو ورا ابتسامتي شكت وجهي كمت اهفي على ايدي خرب بيومهم ايدي توجعني من احترك راسك فاقد

اجه صوت صياح فاقد والنسوان انتجيت عل كاونتر اضحك واغني

ياطيور الطايره مري بهلي
يا شمسنا الدايره ضوي لهلي