ذراري الهجرس

الفصل الخامس عشر

"‏إنها العائلة إما أن تصنع إنساناً أو كومة عقد."

*********************************

نسيت أكول صوتوا على البارت يجماعة 🥲💔

إيلاف......

لبست حجابي بسرعه وركضت ورا هادي اشوف شصاير بلكي واحد يكتل الثاني

نزلت بسرعه أصوات كثيره اكو شفت نور ركضت يمها ولزمتها : شكو نور منو تعارك

نور : محد ولج هذا فاقد انكسرت رجله

من كالت هيجي هلهلت هلوله سمعوها الجيران التفتو كلهم الي عمتي حاده سنونها عليه بس لان هادي وعمي واكفين متكدر تحجي

من ورا خزرني هادي واشرلي اسكت ابتسمتله

شالو فاقد رجله مدري شلون مكسوره صايره صفح بحيث خفت من شفتها من اخذو مراح عمي وياهم

كلت : العداله الإلهيه ربي مااعدلك

رادت تهجم عمتي عليه صاحت سليل : انتي وحده ساقطة حتى الله ميدافعلج بنت ام الدعارة

الكل سكتو على حجيها التفتلها عمي يخزر بيها كلت : هههههه والله حبيبتي مبين منو رب العالمين مراضي علي بحيث مامر يوم وصار هيج مو لان امي وحده مو زينه الله ميحبني ليش كل هاي النعم الي منطيني ياها واكبر نعمه هادي واخواني العالم كلهم يتمنون يناسبونا وهذا حجيج اطلعه من جوه عيونج

جلال : مسحيها بوجهي بنتي من خوفها على زوجها هيجي وانتي مالازم تدعين علي كدامنا وكدام امه

إيلاف : عمي وين داعيه علي اصلا لا اجيت كربه ولاحجيت ويا حايره بيدي وزوجي وحسين المريض اني شعليه من وكع

جلال : اعرف معليج بس صعدي لغرفتج يم جهالج احسن هسه يصير حجي وتتعاركون

عفتهم وصعدت شويه اجه صياح عمي : موكلت هذا الموضوع مينحجي منو حجه الها

رجع صاح : منوووو

جلال : مو كتلج ليلى مايطلع الحجي

ليلى : ماحاجيه لاحد

جلال : لعد هاي الادبسز من وين تعرف بل سالفة

سكتو كال عمي : شوفي لج سليل اخر مره اشوفج تحجين بهاي السالفة اذا حجيتي بيها كدام اي احد قسما بالله اكتلج كتله وادزج لبيت ابوج توصلج ورقه طلاكج هناك جري عدل حتى اجر وياج عدل ولاتخليني اطلعلج الي اكدر اسوي علي

سليل : عمي والله محاجيه بس هي تدعي على زوجي شسوي من حركه كلبي هيج كلت

ردت انزل اكسرها ام الوصخ حجه عمي : ولا صوت اسمعه منج اذا مادكيتو بيها مجان سوتلكم شي واصلا هي جانت بغرفتها شوصلها يم حمارج والي كالته صحيح ربك يمهل ولا يهمل غلط وهذا جزاته

ليلى : ليش تدافعلها

جلال : ويا الحق مو دفاع اصلا اني المذنب مو هي يتيمه وشوفتوها الويل سكتت وماحجيت ابنج كسر ايدها سكتت وماحجيت لوين تردون توصلون