الشرقيه |
نزلت انهار مع مجدولين ويتسابقون على الدرج
ارتفعتّ الانظار عليهم واردفَت نوره بعصبيه : شوي شوي لاتطيحون
تنهدتّ جُمانه بهم : انا من زمان قايله نهايتي على ايدينهم , ميمي لاا تطيحين
وصلوا عند سهم اللي كان قاعد بالارض ومعطي ظهره لدرج , صفقت انهار فيه وبعدها مجدولين
سهم بألم : اخخ ظهري ياورعات
انهار بضحكه : محد قالك تِيلس قدام الدرج
سهم حط ايده على ظهره بألم : وين تبين اجلس بحضن امي مثلاً , بعدين بالله هذا شكل وحده جامعيه وبتصير مُحاميه !
مجدولين : سحيف
وصلهم صوت تميم اللي كان نازل على الدرج وبضحكه : ارحم من رجال وش كبره شواربه خاطه تفلقه بنت وبكوب ليته شيء يسوى
ضحكت انهار بأنتصار : وربييي عشقيييي
سهم كشر : اوهه جاء اللي ينصرها دايم
نزل تميم كا عادته ناسف شماغه بطريقته اللي تبرز ملامحه وريحة العود تسبقه والابتسَامه اللي ما تفارقه تقدم وحبَ راس جدته وامه : صبحكم بالخير
نوره : صبحك بالنور
سهم التفتَ لـ مجدولين وسحبّها: الحين تعالي علميني من وين متعلمه كلمة سخيف
سكتت لثواني مجدولين تفكر ثم نطقت: سمعت مره نونه تدولها
سهم رفع ايده يأشر على انهار: هذي اللي دمرت البلد
جُمانه بضحكه : مكثره قعده مع انهار ما استغرب
تربعتَ انهار جنب امها :انا شكو بنتج تقول كل شيء تسمعه تقوله , المهم ماعلينا كلمني بابا اليوم وعطاني اخوه
جُمانه بنبره حاده: قولي عمي طييب !!
انهار : طيب ياماما من باب السوالف قلت اخوه
تميم عقد حاجبه بأستغراب : وش عنده غريبه
جُمانه : وين الغريب بالموضوع ان عمها يكلمها !
انهار بتسأل : ماما شفيج منفعله اليوم ؟
تميم : مافيها شيء كملي وش عنده
انهار : ماعنده شيء يتغشمر معي , وبابا قال انه موافق على لندن وبيجي اليوم المغرب بيوصل واحتمال الاثنين او الثلاثاء نمشي
جُمانه بشك : بس ما قالك شيء ثاني ؟
انهار: لا وش بيقول
جُمانه : ولا شيء يلا قوموا افطرو الحين يأذن
قاموا الكل للطاولة الفطور الّا انهار طلعت فوق للبنات
دخلت انهار الغرفه وحصّلتهم كلهم جوالاتهم
رفعتّ صوتها عشان يلاحظونها : بناااتت
ردوا باصوات متفاوته : هاه , نعم
تقدمتَ وجلسّت على الطاوله اللي قدامهم: شرايكم نطلع العصر
دُنا : ماعندي مشكله
افنان : تم , بس مع مين
انهار : السايق يودينا
افنان ضحكتّ : ياحبيتي ماما وخاله تهاني اجتمعوا مع ايدِيده وتبين السايق يفضى تحـصّلينهم الحين مرتبين لهم جدّول من بعد الصلاه
سكتت لثواني دُنا ثم نطقت : خلص عسّاف يطلعنا
مها : ياكبر شرهتج دامجّ تبين عسافوه يطلعج
افنان بنرفزه : افف وسهم اخس منه بعدد
انهار ميلتّ فمها بصوت خافت : نكلم اوبر
وسعت عِيونها افنان : ننعععممم ما اسمعع اقيين , صاحيه انتي صاحيه تبين يزعل علينا بابا ولا يهاوشنا تميم !
انهار : اجل مالنا غير تميم
مها : احس ما راح يقول شيء
أستوعبتّ افنان ان انهار قاعده على طاولتها ومدت ايدها على كتفّ انهار بقهر : انهار انزلي انزلي عن الطاوله لاتكسريينهااا
انهار قامت عن الطاوله وناظرتَ افنان بطرفه عين : شدعوهه شايفتني دُبه عشان اكسرها
افنان: اقول لا يكثر روحي شوفي تميم
تأفأفت انهار وطلعت من الغرفه , نزلت ورفعتّ حاجبها بأستغراب : وين تميم وسهم
تهاني اللي تشيل بقايا الفطور: الحين طلعوا
ركضت انهار للباب اللي يودي للحوش وفتحته وشافتهم بيطلعون وصرخت: تتتمميييم لحظه
التفتوا لـ انهار اللي جايتهم تركض واردفَ سهم : ناويه تروحين معنا للمسجد بعد !
انهار تجاهلتها ورفعت نظرها على تميم الواقف قدامها : شنو عندك العصر ؟
تميم بأستغراب : ماعندي شيء وش بغيتي ؟
انهار ابتسَمت : بنروح للكوفي العصر ومافي احد يودينا
سكتّ تميم وكملتَ انهار : بنمر بعد بنات خالي صالح
اومى تميم براسه وهو طالع : طيب خلص
ابتسَمت انهار على تميم ورجعت للبيت
سهم ناظر حركاتهم بأستغراب: والله ما اقول غير الله يخلف عليتس يا يمه
لحق تميم اللي كان واقف عند سيارته
رفع راسه تميم من السياره ونطق : تبي نروح بسيارتي ولا سيارتك ؟
سهم رفع حاجبه بضحكه : بالله احد يخلي الرنج ويروح بسيارته !
ضحك تميم : يلا اجل اركب
أنت تقرأ
" جيتي وكل الاماكن قرّت عيونها "
General Fictionبعد استقرار دام اكثر من 30 سنه قرر يلبي طلب ابوه ويجيب عياله وزوجته لديره ومن هنا تبدا الحكايه ...
