عند نورية فتحت الباب وشافت بيبي محطوط قدام الباب صح انصدمت في البداية بس ماستغربتش لأنها عرفاته طوول وكانت متوقعة انه ايصير الشي هذا بس مش بالكيفية هذه ولقت معاه ورقة مكتوب فيها(اني نعرف انك شاك في انه يكون ولدك بس نحب نأكدلك انه بالفعل ولدك ولو مش مصدقني دير تحليل وتأكد بنفسك واني مانبي منك شي الا إنك تهتم بيه وتربيه احسن تربية لأنه لو قعد معاي حيجوع وايضيع واني مانقدرش نتحمل مسؤوليته بروحي لأني نبي نتزوج ونعيش حياتي زي اي بنت والسلام....)
خدت نورية الولد ودخلاته
الهادي(وهو طالع من الدار ومش قادر يمشي):-منو هذا
نورية:-هذا عَلي سميته بنفس حرف عمر
الحمد لله نعمة من ربي بس هيهات منو يشكر النعمة ناس تتمنى فيها وناس ترفس فيها برجليها قداش ماكنت متمنية نحصل خو ولا اخت لي عمر بس ربك ماسخرش لكن الحمد لله اهو عوضنا
الهادي:-كنت عارفها بتلوحه لأنها بلا قلب
نورية:-بالك تبي تسميه اسم ثاني
الهادي:-لالا اللي درتيه باهي اني المهم تكوني انتي راضية وتسامحيني يانورية سامحيني انتي والله تستاهلي كل خير لكن اني اللي مانستاهلش
نورية:-توا شن لزومه الكلام هذا اللي فات مات وحني ولاد اليوم
خلي نمشي ندير لعليوة رضعة أكيدة جعان
الهادي:-بنت أصل من يوم يومك
عند عمر وأميرة
(بنخلي الحوار بين عمر وأميرة عادي من غير مممم كككك ننننن وتتنن فهمتوا؟؟)
قدم عمر بخطوات لين وصل لي أميرة واميرة تشوفله بصدمة ماتوقعتش انه يجيها وانه مزال ايحبها
قعمز بجنبها عالسرير ومسك ايدها
أميرة تشوفله ودموعها طول نزلوا وقعدوا يشوفوا لي بعض وهما ساكتين بس عيونهم تحكي كل شي وأميرة دموعها ماوقفوش وأخيرا وبعد صمت دام لي دقائق تكلمت أميرة وهي تبكي ودموعها زي المطر تكلمت وهي تشهق بالبكي
أميرة:-آسفة بجد آسفة ماكنتش نعرف انه هذا كله صاير معاك انت ماحكيتلي شي شنو تتوقع بيكون رد فعلي لما تتصل بيا بنت من تلفونك وتقولي انتي منو ؟وعلاش متصلة؟
شن تبيني ندير لما نشوفك شاد في ايدها وتتمشى انت وياها اني للحظة هذه كل مانتفكرة الموقف نموت مية موته مش متقبلة فكرة اني نشوفك مع وحدة غيري حتى ولو كانت زوجة بوك حسيت اني مضحوك عليا زي البلهاء بالزبط انت لو حكيت من الأول ماكناش وصلنا لي هالمواصيل
انت متوقع اني مانتقبلش وضعك؟؟ قاعد شاك في حبي ليك؟؟شنو يلي مخليك تستمر معاي لو مش متأكد من حبي ليك ؟تقدر تمشي وعفى الله عما سلف لكن انك تستمر معاي وانت مش واثق فيا وفي حبي هذه أبدا مانرضاهاش اني كنت راضية بيك كيف ماانت ونحبك كيف ماكنت تكون بس انت الباين انك مش راضي بيا ولا حبيتني أصلا
عمر:-نحبك
أميرة:-😲😲😲😲
عند أماني
بعد ماطلعت من جنب أميرة وقفت في الممر وقعدت تتفرج من الشباك وتشوف للمناظر الطبيعية لين حست بي شخص نخصها في كتفها انخلعت بس لما تلفتت لقاته أحمد خوها(مش سامي ما
تفرحوش)
اماني:-😨انت شن جابك
أحمد:-مصح وجهك هاك الشحن بعتتهولك ماما مبكري نساته
أماني:-باهي خلاص برا روح
أحمد:-اشي الكلبة تلز فيا😳بنشوف أميرة
جي بيمشي شداته أماني من ايده
أماني:-تعالى هني معاها الدكتورة تضربلها في يبرة
أحمد:-اه باهي تو نستناها هني
أماني :-تستنى عينك امشي روح اكيدة بوك يبي السيارة
أحمد:-حق فكرتيني قلي ماتعطلش هيا باي سلميلي علاها🏃
أماني:-(تنهدت براحة)🥵اوووف بعد شوي انفضحنا
