سامي:-الحمد لله علي سلامتك
عمر:-الله ايسللللممممك
(صارله زي زهرة في باب الحارة)
سامي:-الله اكبر الله يبارك عمر انت تتكلم ملاحظ روحك 😳
عمر:-شش شنو مم منو انننت وانني وووين
سامي :-شنووو ؟ اني سامي خيرك ماعرفتنيش
عمر:-ككيف مماعرفففتك ننبصصصر عععليييك خخيرك اننت اننخلعت
(خيركم بديتوا كلكم تتكلموا زي عمر قصدي اقروا طبيعي عادي راه🤭)
سامي:- خزي مبردك خلعتني ياراجل
شنو الباين ان الخبطة جت في صالحك
عمر ضحك وهو فرحان ومش عاطي فرحته لي حد
سامي:-شنو صار معاك ماعرفتش منو يلي ضربك؟؟
عمر:-لللا
سامي:-يلا المهم انت توا بخير....
قتلك
عمر:-ششنو
سامي:-حبيبة القلب هني
عمر:-ممنو
سامي:-شنو منو قداش مداير وحدة 😳أميرة طبعا
عمر:-ععارفني مادرررتش ولا حنننندييير غغغيررررها
سامي:-الله الله عالحب مالا علاش تقول منو
عمر:-خخيرها ممريضة
سامي:-الباين ماطابش علي خاطرها تخليك بروحك جت تساير فيك
عمر:-ماتللللعبش بأعععصابي قوووولي خخيرها
سامي:-اني وقفت علي أختها مبكري قتلها شن اديري قتلي جاية مع اختي قتلها خيرها قتلي من لما عرفت انه عمر تزوج وهي مريضة عندها فقر دم ومش عارف شنو وماتاكلش ولا تشرب المهم جو المسلسلات عرفته
عمر:-وواطي
وووين هههي تووووا
سامي:-مانعرفش وين بالزبط بس كانت هني في القسم هذا تبي نتصل بأختها نسألهالك
عمر:-ششنو تطوووورات مممالا
سامي:-تي أشحط حناكك ياراجل بلا دلع وانت تقول سكران
عمر:- اننت ششن صايرررلك اللليوووم طططالق برااادتك ععليا
سامي:-فرحان بيك والله الا فرحان لقيت حد نهدرز معاه ويتحملني
عمر :-كلللم ببوي طمممنه عليييا
سامي:-ذكرتني يستنى فيا من بكري يتصل وأم مشغولة
وقام هاتفه واتصل بي الهادي
الهادي :-ها ياسامي وينك من بكري ونراجوا فيك وين عمر
سامي:-اهو بحداي وفايق خود كلمه
الهادي ايكلم في نورية بحداه
الهادي:-شني خود كلمه خيره سامي هذا يرفس
سامي مد الهاتف لي عمر
عمر:-ها ببوي
الهادي:-شنو منو اللي يتكلم
عمر:-عععمر يابببوي خخخيرك مازبطططنيييش
الهادي :-شنو انتم تتسهوكوا عليا عقاب الوقت ولا شنو تي وين الولد شن صايرله
نورية طبعا قريب اطيح من طولها مسكينه ريقها ايبس
عمر تعب من الكلام مشي مد الهاتف لي سامي وقله كلمه انت
سامي:-ياعمي الهادي هذا واللهي إلا عمر ايكلم فيك شوره الخبطة جاته علي المكان المسؤل عالنطق ولى يخدم من جديد
عمر يضحك بتعب علي سامي كيف يشرح في القصة
الهادي:-بالله عليك بالحق تتكلم
نورية خلاص طاحت علي ركابها تسحابه ولدها مات ماتحملتش الموقف واغمى علاها علي طوول
الهادي:-غير صكر صكر تو نعاودلك هي
الهادي بحداه شيشة امية فتحها وقعد ايبخ في نورية مسكينة وايفيق فيها بشوية بشوية لين استاعت
الهادي:-نوضي يامرا ولدك ولى يتكلم
نورية:-عمر ماماتش
الهادي:- ياودي قاعد ماماتش وانتي تفاوليله شوره الخبطه ردتله صوته الحمد لله يارب
نورية:-بالحااااق رورورورورورورري
الهادي:-😳مش توا كنتي دايخة
نورية:-وينه هاته وليدي نبي نكلمه نبي نسمع صوته كيف وهو راجل الحمد لله ياربي الحمد لله استجبت لي دعائي وسجدت نورية سجدة الشكر وهي تبكي. وبدل مايخافوا عليه ويعرفوا من يلي ضربه فرحوا وكان لقوا راهو شكروه
