مطلقة

البارت الاول

تحكي روايتنا عن فتاة مطلقة تخلى عنها شريك حياته

والمجتمع كيف ستواجه بطلتنا هذه الحياة وكيف ستصمد

أمام مجتمع قاسي لايرحم المطلقات.

السلام عليكم نبدأ بالرواية

اسمي (راوية) عمري (٣٠)سنة متزوجة عن حب او نقول

كنت متزوجة الا تطلقت منه بسبب زوجي النذل

وملذاته وبسبب خيانته لي انا من طلبت الطلاق من

شخص مثله حيث

كرامتي لاتسمح لي بالعيش معه رغم حبي الكبير له

فلاش باك

(قبل عدة سنوات في كلية القانون الجامعة المتسنصرية

في بغداد )

(راوية) إياد حبيبي شوكت تجي تطلب ايدي من اهلي

تعرف راح تخلص المرحلة الأخيرة مابقالهة شي واني

بهاي الفترة هواي اجتني خطابة واني مااريد غيرك

(اياد)صار حبيبتي بس يومين اضبط وضعي وانطي خبر

لأهلي واجي اخطبج

(راوية)بفرح ماشي حبيبي راح انتضر هذا اليوم ع احر

من جمر.

(راوية)احبك

(اياد)اني هماتين احبج حبيبتي.

هل ستستمر حياة راوية السعيدة ام سيحدث زلزالا يهدم

هذه الحياة

فعلا عدا يومين واجه خطبني من امي .

(اهلي عبارة عن امي المريضة بكلياتهة دائما كلبي يتكطع 

من اشوفهة اتسوي غسيل الكلى وشلون من ترجع تعبانة

كضينة حياتنة بالمستشفيات هية ماعدهة احد غيري

واني ماعندي احد غيرهة من يوم ماابوية اتوفى

واني صرت مسؤولة عن امي رغم ان راح سندي بهل

حياة بس لازم اصير قوية مثل ما وصاني ابوية واعتني

بأمي لان امي ضعيفة هشة تعبت من بعد وفاة ابوية اما

اني اول يوم وفاتة اضطريت اصير قوية اني اصلا

ماأحب أبين ضعفي لاحد نتيجة قوة شخصيتي

بس كلبي الطيب خلاني امر بهاي الضروف.

مر ع وفاة ابوية ٣سنوات جنت وكتهة بالمرحلة الأولى

ومن يومها واني مسؤولة عن البيت الحمد الله ابوية

جان حالتة زينة عافلنة مبلغ زين قبل لايموت سودة

علية  اشوفة دائما يجمع بفلوسة ومايصرفهن ع علاجه

جان مصاب بالسرطان من جنت اشوفة اكولة بابة ليش

تجمع هاي الفلوس ليش ماتصرفهن ع علاجك انت

تحتاج هاي لفلوس والحمد الله احنة خير من الله وانت

مامقصر ويانة بشي جان يكلي حبيبتي اني رجال جبير

اول وتالي اموت ع الاقل من اموت اموت واني مرتاح

ومطمن عليكم وضامن مستقبلج انتي وامج .

واني اعرفج قوية مااريد من بعد ما اموت تضعفين.

امج ضعيفة وهشة اريدج تصبريهة ع فراكي

ولاتحسسيهة بعدم وجودي وادرسي وصيري محامية

قوية واجهي المجتمع والناس. مااريد بيوم تضعفين

ماشي بنيتي القوية حبيبة ابوية.

(راوية )اسم الله عليك يابة الله يطول بعمرك ان شاءالله

(ابو راوية)ان شاء الله حبيبتي وباسهة من راسهة

(ام راوية)ها شيسوي الاب وبنته مثل عصافير الحب

وعايفيني بالمطبخ تعالي ولج بدال ماكاعدة تسولفين

انتي وابوج  لاشغل ولاعمل تعالي ساعديني شوية

بالمطبخ عندي فاصوليا امنكعتهة روحي طبخيهة ابنيتي

رجلية كامت توجعني.

(راوية)غير يدلل الحلو وبعدين ليش ماعندي شغل

وعمل مو تشوفيني ادرس محاماة ان شاء الله كلهة ٣

سنوات واتخرج واصير اشطر وانجح محامية .

(ام راوية) نزعت النعال يلة امشي ولي للمطبخ ان لسان

بعد اذا تنفكين شيسكتج انموت من جوع .

(راوية)طلعتلهة لسانها شوفي كصير مو طويل

بس مع الأسف مالحكت تنهزم  واجةسلاح الام الخماسي

في ملعب الشعب يعني ب(كصتهة)

وضلو يضحكون عليةشلون جنت مصدومة لحد

ماكمشت الثاني وهل مرة انهزمت

وجانت هاي اخر ذكرى النة بوجود ابوية (الله يرحمه)

نرجع ليوم خطوبتي من اياد

انخطبنة اني واياد وجنة فرحانين بالنسبة الية جان

احلى يوم بحياتي بس حسيت والدتة ماراضية ع

خطوبتنة بالاخص من اشترطت عليه مااعوف امي لان

مريضة ولازم اضل يمهة وهوة شي ايحبني وافق وراهة

اتزوجنة والي صار .......

نهاية البارت