عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل 57 💕

رزان: ماعرفتش محسابش ليا غ يدير ليا هاكاك

جبران: وشنو كنتي كتسناي منو ونتي سبابو فهاد شي .. كحلتيها عليه وفرشتي ليه كلشي شنو كيحساب لك غ يطلبك ويرغبك! .. كن ماكنتش تم؟ كن ماتبعتكش فين كنا غنوليو .. دويي هدريي هاد القفوزية لي فيك كاااملة وفلخر كنتي غ تجيبيها فراسك

رزان : صافي باراكا بلا متكمل عليا

جبران: هاني باراكا .. يلا لا وليتي بخير نمشيو نشوفو هاد الحريرة فين وصلت

حيدو لها سيروم وناضت تابعاه مهبطة راسها داها معاه للفيرما على مايساليو هاد الروينة باش تكون فأمان كتر .. مسحت وجها وجمعت شعرها عاد دخلت كتدور فعينيها وسط منهم .. نقزت عليها صابرين معنقاها و زيرت عليها تاهي كيبكيو بجوج

صابرين: سمحي ليا عافاك

رزان : ماشي مشكل تانتي سمحي ليا

صابرين:مادرتي ليا والو باش نسمح ليك .. (جراتها) اجي جلسي

جلست حداهم كيشكرو فيها ويوبخو فنفس الوقت على تهورها وهي غ ساكتة باقا تحت تاتير الصدمة

حط لهم غانم الأوراق ديال العربي فوق الطبلة وهدر وهو راجع لبلاصتو

غانم: عطاوهم ليا الجوندارم .. شي حاجة ديال العربي وجلال كاتب ليه شي حاجة

هزهم جبران كيقرا فيهم وهما كيشوفو تا سكتو جلال

جلال : صافي سكت .. سكت ماشي با هاداك ماشي بااااا انا ماعنديش با

ناضت عندو صابرين عنقاتو كتبكي حطت راسها على كتفو وشادا ليه من دراعو فصمت تا تسمع الخبيط فالباب

عشق بدوي لن تفهميه! 🌾

فكرة وإشراف: Nada Alami

بقلم: Sola Ait Reddad

💫 صــــــراع الاصــــــول 💫

#الجزء185:

ناض جبران حل لقا الجوندارم خرج عندهم كيستفسر

جبران: شي جديد فالقضية ديال العربي؟

الجوندارم: جينا على ود قضية الاختطاف كلم لينا جلال

جبران: علاش مالو؟

خرج عندو سلمان تاهو كيسول

سلمان: شنو شي مشكل؟

جبران: كيسولو على جلال قالك قضية الاختطاف

سلمان: مال جلال

الجوندارم : كلمو لينا الله يخليك تال المركز وتعرفو شنو كاين

سلمان: كيفاش تال المركز غا جيتو غ تهزوه علاش؟ مكاينش سبب غ درم ودخل

الجوندارم : حتارم راسك وكلمو لينا بلا مندخلو ليه تا لداخل

دخل جبران عيط ليه خرج كيقفقف غ شافهم وبدا يجاوب بلا أسئلة

جلال :والله ماكنت عارفهم غ يخطفوها الشاف والله

دار عندو سلمان بزربة: كيفاش غ يخطفوها (رجع شاف فالجوندارم لاخر) شنو كاين اش داير

الجوندارم: بوشعيب السبيتي اعترف بلي خطفو صابرين بمساعدة الشوافة وجلال ودابا عندنا أمر بالاعتقال

ضربو ليه المينوط وخرجوه كيطلب ويرغب ووالديه تابعينو كيطلبو فيهم .. سدو عليه فالجيب وطلعو شافو فيهم من سرجم ونطقو قبل يديماريو

جوندارم: تبعوه للمركز تعرفو شنو كاين

رجعو كيجريو عندهم داهم غانم والبقية خلاهم واقفين عند الباب كيشوفو

دخل جبران لداخل وجر معاه رزان مابغاش يتدخل بيناتهم وتبعوه لاخرين بقا غ سلمان وصابرين لي كتبكي فصمت

سلمان: خوك لي خطفك .. هو لي عاونهم ومدك ليهم .. كنت شاك فيه وقلت لا نعل شيطان متسبقش العيب ساعا العيب بادي بيه هو .. البارح كيبكي عليا نخدم عندك وندير عقلي وماباقيش غنجبد الصداع قول هو عارف راسو اش داير عليها كيفرش .. ( دور راسو لعندها) من اليووووم .. ماعندكش خوك مكاينش شي واحد سميتو جلال عممممرك باقا دكريه على فمك .. حد هنا وباراك مغنبقاوش حنا غا لي جا يدير فينا مابغا .. فضينا مع جلال خليه يتبع باه

دخل لداخل عيان هذا جهدو وهز يديه وخا يكون من الحديد غ يقهروه هاد المشاكل لي هازهم على كتفو ومتحمل مسؤوليتهم كاملهم .. خلاها برا كتبكي جلست للارض وهزت راسها الفوق كتبكي بصوت مرتافع

صابرين : علااااش .. علاش ا جلال علاش .. علاش درتي فيا هاكا شنو درت ليك .. فين عمري اديتك ديما واقفة معاك كليت العصا على قبلك وداز عليا العد اب وسكت على قبلك علاش درتي فيا هاكا علااااش

دازت يومين وخرجو كلهم من الفيرما يحضرو للجلسات لي كانو فنهار واحد .. وقفت رباب على صابرين باغا تهدر معاها وسلمان كيبعدها حل لها الباب طلعت وسد عليها وزاد مورك خلاها كتبكي وترغب نورالدين يهدر معاه باش يتنازل لجلال ويخرج

لحقو عليهم تاهما للمحكمة وجلسوا كيتسناو وفكل مرة كتحاول رباب ولا نورالدين يقربو من صابرين باش يهدرو معاها كيدخل بيناتهم سلمان ويبعدها تادخلوهم بجوج الأب وولدو والعصابة لاخرا دايرين لهم المينوط ومدوزينهم جوندارم

دخلوهم نيشان وهما بقاو برا تا عيطو لهم ودخلو للجلسة ديال جلال .. واجهوهم والمحاميين كل واحد كيدافع ويعطي مبررات وخا الأمر محسوم .. سكتو كيناقشو القضية ويدرسوها عاد نطق القاضي بالحكم

القاضي: حكمت المحكمة حضوريا وبإجماع الآراء على المتهمين بوشعيب السبيتي وخالدة العامري (الشوافة ) وجلال ولد العربي وذلك اثر تورطهم في عملية الاختطاف

قضت المحكمة الحكم على المتهم بوشعيب السبيتي ب 7 سنوات سجنا نافذا وغرامة مالية قدرها 1000 درهم وذلك بتهمة الاختطاف باستعمال العنـ ف وعلى المتهمة خالدة العامري ب 5 سنوات سجنا نافذا بتهمتي السحر والشعوذة والمساعدة على الاختطاف وعلى المتهم جلال ولد العربي ب سنة سجنا نافذا وغرامة مالية قدرها 500 درهم وذلك اثر مساهمته في عملية الاختطاف .. رفعت الجلسة

في القاعة الثانية لي تصدر فيها الحكم هي الأخرى ..

القاضي: قضت المحكمة الابتدائية حضوريا وبإجماع الاراء على المتهم العربي بن عيسى بالسجن المؤبد وذلك لإقدامه على عملية قتـ ل مبارك الراضي ومحاولة قتـ ل سلمان الراضي ورزان السعدي ولقد أصدرت المحكمة هذا الحكم بعد ادلاء الشهود على شهادتهم والاستماع لادلة اتبتث صحة التهم .. رفعت الجلسة