عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل 57 💕

دفعاتو من ركبتو كتخبط وتقمش وهو كيضربها برجلو تا وصل للكوزينة دفعاتو على جهدها تا طاح وناضت فحالها هاربة .. هز موس من الكوزينة وتابعها كينهج

الحاج: ااااجي .. ااااجي لهنا الموسخة ماعندك فين تهربي

خرجت كتجري وتغوت غ تمـ وت بالخلعة كتحس هادي لخرا ليها ولات كتندم فراسها علاش دخلت لهاد المعمعة كلها حلت الباب لول مكانش مسدود ساعا تجرات من شعرها ورجعها تاني

رزان :طلق منيييي عافااااك عافااااك نعطيك لي بغيتي والله غ بعد مني ماتادينيش

الحاج: سالا وقت هاد الهدرة دابا غ نصفيها ليك ونتهنا منك

ضرباتو بطالون لركبتو تا شد منها وخرجت كتجري عينيها ولاو كحلين بالماسكارا وشعرها خربق ليها الرؤية كتجري وتشوف وراها تا دخلت فشي جسم صلب والصداع نايض على اثرها فقدت الوعي وطاحت

عشق بدوي لن تفهميه! 🌾

فكرة وإشراف: Nada Alami

بقلم: Sola Ait Reddad

💫 صــــــراع الاصــــــول 💫

#الجزء184:

هزها كيجري بيها لطوموبيل ديمارا نيشان لسبيطار ودخلو الجوندارم والبوليس وسلمان شادينو برا كيغوت باغي يتفك من يديهم وهما مامخلينوش يدخل تا خرجو العربي مينطينو وهو كيغوت

الحاج: طلقو منييييي .. طلقو متقربوش ليااا ... أنا الحااااج العربي تاواحد ميقد عليا

سلمان: طلقو مني نصفيها ليه طلقو مني اليوم بيااا ولا بييييه

زيرو غانم من لور غادي بيه مرجعو لطوموبيل سد عليه تم وطلع مديماري تابع الجيب ديال الجوندارم تال المركز هبطو العربي هو لول ومبعدين سلمان

سلمان: خلوني غ نشوفو باغي غا نشوفو غا نهدر معاااااه

الجوندارم: ماعندكش الحق تشوفو .. صافي دابا دخل بين يدينا تفضلو تال الجلسة وجيو تستمعو للحكم

خرجو برا راجعين فحالهم وسلمان داير ليه حالا وصلو لقاو كلشي خارج برا والدوار مقلوب كلشي عرف بفعلة العربي دخل نيشان ماباغيش يهدر ولا يسمع لحتى واحد خلا معاهم غانم كيعاود لهم شنو طرا وشنو غ يديرو

..........

فالكلينيك واقف برا كيمشي ويجي تا خرج الطبيب

ااطبيب: ماعندها والو الحمد لله راه فاقت

دخل طاير عندها لقاها كتبكي جرها عندو معنقها مزير على سنانو كن تعطل غ شوي كان تكون تاهي فعداد الضحايا ديال العربي

جبران: علاش مشيتي عندو تم بوحدك ؟ واش مكتفكريش واحد مريض فراسو غادا عندو؟ هاد شي كلو عرفتيه وغادا عندو برجليك؟