ذراري الهجرس

الفصل الرابع عشر

كل فصل من فصول السنة لك ذكرى جميلة فيه تنير عتمه قلبي 
فصل الشتاء يذكرني بدفئك وكلامك
فصل الصيف يذكرني بجمال الوانك الزاهية
فصل الربيع هو عنوان لابتسامتك الخالدة عندما اغمض عيني

الا الخريف فصل تتساقط في الأوراق مثل تساقط روحي في حزنك فهل لكي من رجوع ارجعي لي فقد اخذ الصبر مني مأخذا وبت ازور الطرقات املا في ذكرى جميلة لك

طوفان 🍁

*********************************

🍁

البارت خلص البارحة بس شنو انشغلت اباوع على مسلسل عجبني وراح من بالي انشر البارت

صوتوا وعلقوا بين الفقرات بليز 😔

طيرة.........

صوت صياح نجوى فززني : شفع الحك راح ياخذون ضياء

سمعت صوت ركضتهم كلت امد ايدي كدام : نفله رحتي

من مااجاني صوتها عرفت رايحة تنهدت : استغفر الله هسه شسوي وحدي هنا

ردت اتكلب بمكاني بس ماكدرت من ورا ظهري ونومتي على بطني موتتني جاي تكبس على نفسي

مر الوكت محد اجه رجعت اتافف هسه لو اكدر اكعد لو اتكلب مجان زهكت هيجي تمنيت واحد يجي

نوح : عايقتي الخايسه

صحت : استغفر الله ربي والله مااريد اذا جان هو

ضحك : هاي ردتي اجي

: اعوذ بالله من الشيطان الرجيم ولك بس دعيت واحد يجي شجابك انت

نوح : دعائج

: انت بلاء مو دعوة

نوح : تدرين ظليت افكر مراح اشوفج بس ماخيبتي ظني وجيتي متكسره

: ولك مخبل كولي اذا مخبل شتريد مني اعرفك تعرفني

نوح : واذا ماعرفتي ام خمس لساين

: روح اطلع فورت دمي مخبل الادبسز

نوح : لسانج أطول منج بس اريد اعرف من وين عندج طاقة ويا هذا الكسر اتأدبي شويه

: اذا وياك مااتادب اذا احجي عليك اسوي فضل هسه اطلع برا والله العظيم اذا جيت يمي مره ثانية انعل والديك

ماحسيت غير جرني لحضنه جعصني صرخت بصوت عالي

ضحك وكال : هههههه صيحي اشوف منو يسمعج

كمت اضرب بي اريد يوخر اختنكت ماكو عضيته بصدره ماطلع صوت

نوح : ها اشوفج استجلبتي

طلعت كل قهري بهاي العضه ماتحرك ولا طلع منه صوت عفته وكمت ابجي وخر وجهي

نوح : هسه ليش البجي شبلاج

من وخر رفعت ايدي ضربته بقوه اعتقد اجت بوجهه

صاح بصوت ناصي : خرب بابوج مو ايد كونكريت