ذراري الهجرس

الفصل الثالث عشر

كن خافقي...
كن نبضي...
كن جرحي...
كن دوائي...
كن انت الألم والسعادة في داخلي..
كن ملجئي والمكان الذي اريد ان اهرب منه..

*********************************

🍁

طيره.........

شهكت بصدمه ونزلت دموعي كله من ورانا هيج صار بي

سمعنا صوت صياح نجوى عله حضني شفع وحسيت نافلة هم يمي بعدني مصدومه من الخبر شلون هسه بغيبوبة

: يعني مراح يكوم بعد

شفع : لا ضياء الدين متأكد راح يتخطى كل هذا ويكوم ان شاء الله

الكسره بصوته مبينه عافنه وخله ايده على وجهي : شلون صرتي عزيزة كلبي

طيره : زينه

اجه صوت ورانا يرعد : شفع شتسوي هنا شجابك مو كافي كل هذا صار من وراك وورا قذارتك

شفع : هلا مروه تسائلت وينكم كلت اكيد الجلاب الي ورا فلوس ضياء الدين راح تجي هسه كلش ضل بالي يمكم

مروه : انقلع انت وبناتك منا لا اجي ادوسكم انت الي وصلتنا لهاي الحاله

مارد عليها شفع رعدت اني بداله : احترمي نفسج انتي بل اول مريوه الدلاله هم عانس وهم لسانها مترتين لو كدرت جان دورتلج على رجال بس تشوفين رجلي مكسوره

كرصتني نافله كلت : جذب يعني صوتها جنه صوت دلالات وبعدين تعالي منو تدوسي لو ماخاطر عمو جان سحلتج هنا العانس الادبسز

مروه : انجبي لا احترام ولا اخلاق شنو نتوقع من بنت شفع وزمرد خافي انتي الي تبقين عانس على كلب ابوج عميه ولسانج مترين منو يكلبج

: شعندي اضل يم ابوي يعيشني احسن عيشه ولاتخافين بس اسم ابوي يخلي العالم كلها تركض وراي

مروه : شلون اسم شريف ينرادلج تطمين روحج على هل الاسم مو تفتخرين بي

ضحكت : ليش ابوي معروف بشربه لو بعربدته بملاهي بغداد روحي روحي انتي الي لازم تطمين روحج مو اني وبعدين لو ماساحلة روحج على ابوي جان كلت حجيها صحيح

واخيرا قرر شفع يحجي : كصري الشر وابتعدي من كدامي لا الخليج انتي وذاك الطنطل الواكف وراج بقسم الكسور كل ضيمي اطلعه من ظهوركم وحق رامي الكفالة

مروه : بكلمتين اوديك ورا الشمس واحد مجرم وساقط مثلك ميخوفني

شفع : ضياء الدين نايم كلتي خل العب بذيلي تصدكين هذاك اليوم ذكرتج من راح ضياء لميسان

مروه : ابن الجلب تريد تحرك كلبي بيهم من عساها ماتهنت بي

شفع : يوو مروه شكد قديمة بعدج تغارين ولو من حقج لو مكانج اطك راح منج بنك الفلوس لو تشوفين معيشها باحسن البيوت