🦋 صدفة الزين 🦋
البارت العاشر ♥️
محمود بضحكة انتصار: اختك فى بيتى يا زين
زين بغضب وعصبية شديدة قفل الفون واخد مفاتيح عربيته وخرج بسرعة
رانيا بدموع: بجد حرام عليك
محمود بعصبية: وانتوا مش حرام عليكوا انكم اتهتمتونى بحاجة انا معملتهاش
رانيا : وانا مالى والله العظيم انا ما كنت اعرف دا كله لانى كنت مسافرة وقتها وانت عارف ذنبى انا ايه
محمود : ذنبك انك اخت زين اقرب صاحب ليا واخويا اللى طردنى بكل سهولة وصدق انى ممكن اسرقه
وفجأة لاقوا الباب بيخبط جامد
محمود بعصبية طلع مسدسه : هنعمل انا وانتى اتفاق هتقولى لاخوكى انك عايزة تعيشى معايا وانك مش هتروحى معاه والا هقت'له قدام عينك
رانيا بخوف : حاضر حاضر هعمل كل اللى انت عايزاه بس بالله عليك ما تأذى زين
زين بصوت عالى وعصبية: افتح يا محمود لو راجل افتح و وجهانى
محمود راح فتح الباب بهدوء
محمود ببرود: بقى فيه حد يزعج راجل ومراته كدا
زين بعصبية: رانيا فين
محمود : رانيا يحبيبتى تعالى اخوكى جاى يزورك فى بيتك
رانيا وقتها خرجت
زين : متخافيش يحبيبتى انا هاخدك ونروح مش هيقدر يأذيكى طول ما اخوكى موجود
رانيا : انا مش عايزة اجاى معاك يا ابيه انا هفضل مع جوزى
زين بصدمة: انتى بتقولى ايه بتهزرى صح
رانيا : لا انا بتكلم بجد
زين : انتى اكيد مش رانيا دا مخوفك بحاجة صح متخافيش ميقدرش يعملك حاجه
رانيا كانت عايزة تتكلم بس محمود راح مسك ايدها قدام زين : معلش بقى يا زين عايز انفرد بمراتى لو سمحت اتفضل
زين راح عنده وضر'به جامد
رانيا بخوف : سيبه يا ابيه
محمود بعصبية: امشى اطلع برا بيتى
زين ببرود: هطلع وهسيبك دلوقتي بس اختى مش هتفضل موجودة معاك كتير ودا وعد من زين بدران سلام يا ابن خالتى
زين خرج و رزع الباب وراه جامد
محمود بوجع من اثر الضر'ب : ااه انا هوريك
رانيا سابته و دخلت الاوضة وقفلت على نفسها وفضلت تعيط
محمود : افتحى
رانيا بعياط: مش فاتحة وابعد عنى بقى انا عايزة اكون لوحدى
محمود : مش هخليكى فى الدلع دا كتير انا ماشى
