أميرة عايشة حياة حزن وكآبة وعمر حاله مش أحسن منها أميرة ماراحتش من باله وكل مايقرب موعد العرس يزيد عمر يضايق أكتر
سامي:-تي خيرك ياراجل انت توا المفروض تكون اسعد انسان بتخش القفص الذهبي من زيك
عمر هز براسه وهو سرحان ومهموم هم الدنيا كلها
سامي يتكلم في خاطره(زعمة نقوله انها جت سألت عليه ولا نفوته🤔
خلي نفوته احسن الكلام توا لابيزيد ولا بينقص علاش نقلب عليه في المواجع)
عند أميرة وفي الليل بالتحديد
مقعمزه تتفرج علي صورته وتقرا في محادثاته وتتمنى انه يطلع حلم وتفيق منه وتتمنى تلقى تفسير للشي اللي صار وعلاش عمر دار هكي ومدام هو خاطب وعرسه قريب علاش قلها نحبك وعلقها بيه
من بين كل هالأفكار خطرت عليها فكرة
هي تعرف انه سامي صديق عمر المقرب واكيد حتلقى عنده جواب لكل أسئلتها بس توا شنو فايدة الكلام هذا إذا كان هو مزال ايام قليله ويتزوج بس هذا مايمنعش انها ترضي فضولها
أميرة قعدت تقلب لين حصلت ايميل سامي دارتله طلب مراسلة وبعد شوي رد عليها
سامي :-منو معاي
أميرة:-معاك أميرة عرفتني؟
سامي :-ايه عرفتك كيف حالك وحال امك كويسة
أميرة:-الحمد لله بالله عليك معليشي سامحني بناخذ من وقتك شوية
سامي:-خودي هلبة ولا يهمك اختي
أميرة :- شكرا غير نبي نسألك سؤال وجاوبني بصراحة
سامي:-تفضلي
أميرة:-بم انك صاحب عمر اكيدة يحكيلك في كل شي يصير معاه صح وله؟
سامي:- تقدري تقولي
أميرة:-واكيدة حكالك علي علاقتنا صح؟
سامي:-اي حكالي
أميرة:- اني في شي محيرني ومالقيتلاش جواب فقلت يمكن يكون عندك جواب لي سؤالي
سامي:-والله لو عندي مستحيل نبخل بيه عليك
أميرة:- نبي نعرف عمر علاش كلمني مدام هو خاطب اني فكرة انه يلعب او يتسلى معاي هذه منحيتها من راسي لأنه كان رزين هلبة وعمره ماقاللي كلمة برا الطريق بالعكس كلامه كله كان هدرزة عادية بس في اخر محادثة بيناتنا قلي انه يحبني وبعدها حطني في الحضر وقرر يتزوج وحدد موعد عرسه نبي نعرف شنو اللي صار علاش هو دار هكي انت صاحبه واكيد هو حاكيلك شي
سامي:-والله يابنت الناس شن بنقوللك توا
أميرة:-لو تعرف شي قوللي اني توا خلاص مدام هو بيتزوج مستحيل نخرب عليه ولا نجي في طريقه كون مطمن من الناحية هذا
سامي:-اني توا بنحكيلك كل شي وخلي الكلام بيناتنا تمام؟
أميرة:-تمام
سامي:-بالنسبة لي خطيبته هو مايحبهاش وخداها نتيجة ضغط من بوه لا أكتر وقصة طويلة صارت مانبيش نوجعلك راسك بيها بس هو يحبك انتي وهو لما حكالك علي مشكلته مع النطق انتي مارديتيش عليه مشي توقع انك انتي ماتقبلتيشي وقررتي تسيبيه مشي اختصر الطريق ونهي الموضوع من عنده وحاول يتأقلم مع خطيبته يلي ماكانش ناوي يتزوجها بكل لما يأس منك انتي قرر انه يتزوج علي امل انه ينساك بس اني اكتر واحد يعرف انه مستحيل ينساك عمر يحبك لي درجة يمكن انتي ماتتصوريهاش بس هو نفسه عزيزة هلبة ومايحبش ينحط في مواقف زي هذه انه يحب وحده بعدين اللي حبها ماتتقبلش عيبه وتسيبه وهذا كل شي صار وعمر توا قاعد يتعذب زي ماانتي قاعدة تتعذبي
