حقيقة مظلمة🖤(روايات ليبية)

#19

﴿ وماتوفيقي إلا بالله عليه توكلت واليه أنيب ﴾⁦❤️⁩
﴿ ألا بذكر الله تطمئن القلوب ﴾⁦❤️⁩
.
.
#حقيقة_مظلمة
بقلم خديجة رمضان (دوجي رمضان)⁦❤️⁩
الحلقة التاسعة عشر (19)⁦❤️⁩
.
.
غسان شبح لـِ غصون بأستغراب ... بنسألك؟
غصون بأبتسامة ... همم؟
غسان ... شن اسمك بالكامل؟
غصون ... غصون رجب عمران ***
غسان قعد يشوفلها بصدمة؟
غصون تغيرت ملامحها للخوف ... خيرك؟
غسان ... اسمك....
قاطعهم عمر (اكيد عرفتوه هادا يلي كان يبي غصون في بداية الرواية) ... غصون؟
غصون شبحتله بخوف؛
غسان شبحله برفعة حاجب ... تفضل
غصون تشوفلهم بخوف وحاسة بمغص قوي في بطنها"
عمر من غير مايعطي اهمية لغسان ... وين اختفيتي أني قداش ليا ندور فيك حتى نتصل بيك مقفل
غصون خفت توترها وخوفها ... اتفضل كنت مسافرة فترة علاج
عمر ... خيرك لابأس؟
غصون ... بسيطة كيس في الرأس
غسان يشبح لِ غصون وقريب ينفجر ... من هادا؟
غصون شبحتله وابتسمت ... هادا يقرأ معاي زميلي اسمه عمر
غسان رفع حاجبه وشبح لِ عمر من فوق للوطة؛
فاطمة جت تجري ... غصووون خوك جيي تعالي
غصون شبحت لِ غسان ... اوكي باي (وطلعت مع صاحبتها)
غسان يشوفلها لين اختفت من قدامه ،
عمر ... أنت منو شن تقرب لِ غصون؟
غسان شبحله من فوق للوطة ... خطيبها وقريباً زوجها بأذن الله
عمر من الصدمة معاش قدر يرمش!
غسان ... وخليك بعيد عليها يكون احسسن (ومشي؛)
عمر قعد يشبح للفراغ وهوا موجوع💔

👑🔥 . . .  . . . رِوآياّت . . .  . . . 🔥👑
👑🔥 . . .  . . . خديجة رَمضَان . . .  . . . 🔥👑

في بيت رياض 🤍
البيت يلي بدي كئيب كل حد يحاول يلهى في شي بعيد عن الحوش!
بدي بيتهم عبارة عن خووف وهم وحزن ف كل حد قعد لاهي في شي🖤
زي بسمة يلي بدت لاهية في خدمتها في المزين ورياض يلي همل الشركة والديون كترت عليه من جميع الجهات!🖤
وحسن يلي قعد زي المحقق يسأل ع علي راجل حور السابق ويحقق في قضية قتله!🖤
وغسان يلي بعد مارجع وفرحو بيه هجرهم مرة تانية؛ سيب البيت ورجع لشقته 🖤
وزينة يلي منسجمة مع أحمد هلبااا وتعودت عليه وهوا بيموت عليه 🖤
~~~~~~~~~~~~~

زينة تتكلم في التلفون وتنظم في غرفتها ... علاش أنت وين؟
أحمد ... في الشغل
زينة ... اوكي خيره صوتك هكي؟
أحمد تنهد بألم ... زينة أنا يمكن نسافر لتركيا ومعاش نرجع هنايا مرة تانية
زينة طاح من يدها الدبدوب وقلبها بدي يدق بقوة ، بدي عندها فوبيا من الفراق 💔 دمعو عيونها وقالت بصوت واطي مخنوق ... كيف
أحمد ... زينة أنتِ عارفة اني نحبك ونموت فيك ماتخافيش من الشي هادا ولا تفكري أنه اني رح نسيبك بس في شي أني مضايق منه
زينة ... شنو؟
أحمد ... أني طلبتك من بوك بس هوا رفض وقال لي ماعنديش بنات لزواج
زينة بصدمة ... ليشش كيف قصدي؟
أحمد ... مش عارف بس أني مش رح نسيبك والأسبوع الجاي أنا مسافر ونبي ناخدك معاي و....
زينة قاطعاته ... أنا موافقة
أحمد ... بس بوك مش...
زينة قاطعاته من جديد ... أنا موافقة نهرب معاك
احمد ابتسم ... بجديات؟
زينة ... اي
أحمد ... زينة متأكدة من كلامك
زينة ... اها متأكدة
أحمد ... خلاص جهزي نفسك من اليوم الاسبوع الجاي سفرتي راهو
زينة ... تمام
أحمد ... نحبك⁦❤️⁩
زينة ابتسمت ... وحتى أني⁦❤️⁩
" هادي زينة يلي كانت تنصح في اختها وخلتها تتغير للأفضل هادي زينة يلي كانت تخاف ع سمعتهم اكتر من اي شي بس توا معاش يهمها حد غير نفسها ،وياريت اختارت اختيار افضل من الهروب للأسف اختيارك غلط يازينة غلللط💔"