حتي القصايد في عيونك احتارت

59

سلمان صحى وماحصل ملاذ وقف ودخل الحمام بيغسل وجهه وطلع شافها واقفه قدام المرايه تحط روجها وقلوس ابتسم ومشي لها وحضنها من خصرها : متي صحيتي؟
ملاذ بنحراج : ساعه ونص تقريباً كنت بصحيك بس شفتك نايم وخليتك
سلمان سكت وابتعد : بنروح حايل شهر العسل احلا صح
ملاذ فهمت انه بيدور ولده : اي احلا من زمان ودي اروح لها
سلمان ناضرها وابتسم : جميله ك العاده
ملاذ : والله انت الجميل ياخي حلو كيف مدري
سلمان : اممممم اعلمك كيف حلو؟؟
ملاذ شهقت من فهمته : لاااا تو خلصت كشختييي!!
سلمان ضحك : انا امدح انتي لا
ملاذ : اي صح تذكرت كتابك معي
سلمان توتر: متي اخذتيه ؟ اخر مره ؟
ملاذ : يوم انك في المستشفي
سلمان كان يحسبها قرأت الي كتبه امس تنهد : تعرفين ليه تكلمت عن كل شي الي عيونس ؟
ملاذ : اي ليه ؟ دايم قصايدك ماتذكر عيوني ؟ رغم انك تحبها
سلمان ابتسم بحب : يوم اكتب القصيد اوصفتس واوصف حبي لاكن اذا جيت اكتب بيت شعر اوصف عيونتس احسه مايوفيها حقهاا انتي حتي القصايد في عيونك احتارت !!
ملاذ حضنته ك العاده : وانت القصايد احتارت في حسنك وفي حبي لك ماتقدر توصفه ، ضحكت ، يوصفه حضنيي لك !!
سلمان كان يبتسم ويضحك ويحسن نفسه اسعد انسان وصار الشي الي كان متمنيه طول عمره

بيت طلق >>
طلق صحى العنود وقامت شعرها منفوش ولابسه بدي وهاذي المره ماانتبهت انه قصير وشورت وجلست علي الفطور وطلق جلس
عنود بنعاس: امس ازريت انام كله منك
طلق ناضرها وانتبه للبسها وضحك : علامتس لابسه كذا
عنود ناضرت لبسها: وش فيه عادي انت زوجي؟
طلق: اي
عنود : اجل اكل وانت ساكت
طلق رفع حواجبه : لاتعصبيني
عنود حطت يدها علي يده وطلق تخدر فجاءه : لاتعصب تو افتكيت من عصبيتك عطني خبز
طلق مد لها الخبز
عنود تذكرت : صح صح ليه ماخليتني اخمد؟ كل شوي احصلك ضامني ولا رجلك فوجهي حتي المفرش اخذته ومخدتي اخذتها وكل ماصحيتك تقول طيب وتزيد وتعيد كذا تراء مانمت
طلق : مااحد قلتس تنامين معاي
عنود: غرفتي انت انقلع براء
طلق عصب : ايش؟
عنود نطت وركض وراها

بيت الجد>>
مجلس >>
عمر والعيال جالسين بدون جدول يطالعون بعض بطفش
سراج : شرايك انت وياه ننزل القصيم نوسع صدورنا
نواف اشر عليه بطفش : كل مازانت الجلسه قال ننزل للقصيم لحووول
سراج وسع عيونه؛ مابوه القصيم شفيه ماعاجبك ؟
احمد: عندي لكم ال خطه البطله
دخلو تركي وفارس
احمد: يسلااام اكتملت الشله
نواف همس: والله شلتنا انا وانت وتركي خل عنك
عمر : لاتحاول صوتك عالي
احمد دخل عليهم بسماعات
نواف وقف: جووووييي واجوااائيي
تركي ضحك: نواف لاياخد السماعه بيشغل عراقي
نواف شغل اغاني وبدو يرقصون ويستهبلون
احمد بداء يهز كتوفه وسراج ميت عليه ضحك
دخل الجد ب الخيزرانه من سمع اصوات الاغاني
عمر مشي من وراء الجد وانحاش
نواف سكر السماعه بورطه: جدييي
الجد اخد الخيزرانه وضربها نواف والعيال
نواف انضرب شوي وانحاش
الجد مسطهم فيها وانحاشو براء البيت يركضون
سطام كان طالع هو وبهاج وسهم بيمشون والجد شافهم وضربهم بعد وركضو براء البيت وقفل الباب
العيال واقفين يضحكون وناضرو سطام وسهم وبهاج وفطسو ضحك
نواف ضحك: هم هنا وحريمهم داخل يلعن ابو الجحفلهههه !!
سطام رفسه ونواف طاح: كله منك
جلسو يحاولون يدخلون بس ماقدرو وجلسو يسولفون