طبعا ماهانش عليا نخليكم تستنوا لي غدوة فقررت انزللكم المقدمة متاع الرواية باش تتعرفوا علي الأبطال
في حوش عمكم الهادي بو عمر
نورية جاية وجايبة سفرة الفطور لي راجلها الهادي
نورية:-كلم ولدك ياراجل شوفه وين بايت والله ماغمضتلي عين للصبح
الهادي:-هوينا اتصلي بيه شنو شادك اني
نورية :-هاتفه مصكر شوف صحابه دير اي راي الدنيا تخوف بلكي صايرتله حاجه
الهادي:-اني كانك من عليا كان نشوفه لما نطق في قراجيمة العشرة
نورية:-كان نعرف شن هو اللي مدايرهولك هو راس وليد ومهججهولي علي مهناك شي
الهادي:-ماتخافيش تو نجيب اللي تجيبله خو تاني ايونسه
نورية:-انت غير قيم الأول هو ولد واحد ومجليه يابال ادير غيره
عند عمر
سامي:-نوض ياراجل روح لامك راهي مشغوله عليك من مبارح
عمر ساكت ويسمع بس
سامي :-اني والله تعرفني نحسب فيك خوي ماتقولش قلق مني لكن امك شن ذنبها تشغل فاها ابعتلها حتى رساله قلها انك بخير وخلاص
عمر هز راسه بالموافقة وخدي هاتفه وكتب مسج لأمه وطمنها عليه وناض طلع قعمز برا فتح هاتفه وقعد يتفرج علي إيميل أميرة وهو متردد يراسلها ولا لا
عند اميرة
مقعمزة في سريرها وهي سرحانة وتتفرج علي صورة في هاتفها
أماني:-هي انتي يافالحة شنو بتقعدي ديما هكي تتفرجيلي علي صورته وسرحانة هذا من شوفه دار فيك هكي مالا كان قلك نحبك شن بديري
أميرة:-اااااه كان قلي نحبك بننكر فيكم عيلة كاملة معاش بنستعرف بيكم بكل
أماني:-طيح والله سعدك بتنكري في عيلتك اللي رباتك وكبراتك علي واحد طيلوح مرة مرة يحدفلك في عيونه بالك حتى مشبه عليك هذا علاش ايشوفلك؟؟
أميرة:-انتي شن عرفك في الحب بالله عليك خليك علي الضمان والكنس خير
أماني:-علي اساس انتي اللي مقطعتها حب وعلاقات باللهي اسكتي ونوضي انشري الدبش احسن ماتجي ماما وتغبرها علي راسي وراسك
أميرة:-😱😱
أماني:-خيربلاك
أميرة:-بعتلي طلب صداقة ووووه عليا شفتي شفتي قتلك يحبني والله شكله يحبني
أماني:-ان شاء الله ربي يهدي
قبلت أميرة طلب الصداقة وهي تستنى في الخطوة الثانية يلي بيديرها عمر علي احر من الجمر
في مكان تاني
سلسبيل فقدت الأمل وهي تراسل في عمر وهو مايردش عليها مع انه نشط الآن
سندس أختها تكلم فيها بالإشارات:-شنو ماردش عليك الأفندي
سلسبيل أشرتلها بمعنى لا وهي دموعها ينزلوا
سندس حضنت اختها وتمسح علي شعرها وساكته كأنها عارفة كل شي لهذا التزمت الصمت لأنها ببساطة ماعندهاش كلمة تواسي بيها اختها
طبعا بنشرحلكم شوية عالرواية
عمر وحيد أمه وبوه عايش حياة سيئة بسبب بوه ووعارته وكان بوه يسكر هلبه من لما كان عمر صغير كان يضرب فيه بسبب وبدون سبب لدرجة انه سببله ازمة نفسية حنعرفوا تفاصيلها مع الاحداث ونورية ام عمر مرا طيبة وربة بيت ممتازة وصابرة علي راجلها علي خاطر ولدها وبس وتتمنى انها تفرح بيه وتزوجه ومش راضية علي خطوبته من بنت عمه بس حكم القوي على الضعيف طبعا عمر يشتغل في محل مواد تجميل مع صاحبه سامي
أميرة تحب عمر وكانت تمشي للمحل وتتحجج كل مرة بي حاجة باش تشوفه وهو كان معجب بيها بس متردد مايبيش يكلمها لي سبب حتعرفوه مع الاحداث🤭
سلسبيل بنت عم عمر وخطيبتة فنفس الوقت (اكيدة استغربتوا)اي خطيبته هي كانت تحبه من لما هما صغار بس هو كان معتبرها زي اخته لكن بوه خطبها ليه غصبا عنه ولي سبب حتعرفوه من خلال الاحداث😁😁
بنعرفكم علي الأبطال أول بأول مانبيكمش تتلخبطوا وفي شخصيات مزال ماطلعتش وحتعرفوها من خلال أدوارها
تمت ونحبكم ❤️ويتبع............
