ذراري الهجرس

الفصل الثاني عشر

فتحت عيوني لثوان

أرى الدخان...
أسمع أصواتهم...
أحس بألم...
انظر تارة إليها وتارة اليه...
مابكما لما لا تجيبانني...
هل انا احلم لا أعلم فما اشعر به أقرب مايكون للحلم من الحقيقة...
*********************************
قبل لاتبدون صوتوا على القصة وعلقوا بين السطر بليز 😔❤️

نافلة......

فتحت عيوني مدا اشوف كدامي احاول اتحرك بس وجع راسي وايدي منعني من هذا الشي اعتقد فايت بي شي

بديت اسمع اصوات تجي يمنا وصياح رجعت احاول ارمش حتى نظري المغوش يروح تلفتت بعيوني السيارة مكلوبه بينا والناس تحاول تطلعنا من بينهم اجه صوت سلطان درت راسي لجهة صوته

سلطان : ماعرف دا نطلعهم عمي شلون اعرف اذا صاير بيهم شي وهمه جوه بعدهم خل اكمل شغلي ويا الشباب

سكت ورجع كال : تمام ان شاء الله مابيهم شي

انداريت على عمو وطيره شهكت برعب ثنينهم مغطايين بدم صحت مرعوبة : طيرررره عمووو

ردت اتحرك صحت بوجع نزلت راسي جتفي داخل بيها زجاج وجسمي كله مجرح ماكدرت اتحرك بعد

حجه سلطان : عقيق هاي انتي

بجيت : سلطان طيره وعمو مايجاوبون

سلطان : هسه نطلعهم شوفيلي ياهو بيهم الوضعه خطر

: ماكدر اتحرك جسمي متخدر

نزل شاب راسه كال : خيتي بس ساعدينا شوي تحركي يم اختج وعمج شوفيهم

تحاملت على نفسي وذبيت جسمي يمهم عمو ضهره كله دم وطيره جواه ماعرفت شصاير الها

بجيت : عمو وضعه مو زين واختي جواه

فتحو الباب يمي وطلعوني خلوني على سديه بديت اصيح : لااا بعدهم بسيارة بقوو طلعووهم

ولد : نطلعهم اختي بس خل نسعفج

تخبلت اصيح وابجي اجه سلطان لزمني من ايدي يقيدني ضربوني ابره حسيت اطرافي بدت ترتخي و غمضت عيوني وراها مادري شصارلهم

كمت من وجع جسمي اون مجرد لحظات فزيت من تذكرت طيره وعمو ضياء بس لزمتني عمه حنين : نامي بنتي بعده جرحج اخضر ارتاحي

التفتت عليها : عمه طيره وعمو ضياء وينهم طلعوهم

هزت راسها تبجي : اي طلعوهم وهمه هنا

نزلت دموعي : واحد مات بيهم

حنين : لا اسم الله عليهم عايشين

نزلت راسي براحه : ابويه ماوصل

حنين : يم طيره وضياء الدين

ردت اكوم منعتني : عمه أريد اروح يمه واشوفهم

حنين : اني اصيحه يجي لا تكومين

طلعت عمه طب سلطان بدالها : شلون صرتي نفله