ذراري الهجرس

الفصل الحادي عشر

وعدتني فأين وعدك اوهمتني بورود جميلة فحصلت على اشواكها فقط اوهمتني بجمال أحلامك فما رأيت غير الواقع المرير منك اوهمتني بسعادة فلم أرى منك غير البؤس والحزن قل لي إذا لماذا خدعتني ولما لم توفي ماوعدتني به

أحدهم 🍁

*********************************
قبل لا تبدون البارت صوتو حتى يرتفع مشاهدات القصة بليز 😔
واعتذر على التأخير

ايلاف........

فتت للبيت ركض اليوم اذا ملزمت الخضره من راسها مايطلع اسمي ايلاف

طبيت للبيت جانن خوات هادي واكفات والخضره يمهن استغربت لعد من وين اجه صوت بجي مال حسين دفعت الواكفات وطبيت للديوانيه سليل لازمه حسين من اذنه واشواق لازمه الجفجير تصيح علي

اشواق : بعد تاكل شي من هنا

حسين : لا

جريت حسين من ايد سليل وخليته وراي كلت : جلاب انتو لو حيوانات جم مره لازم اضربكم

رادت سليل تحجي فزينا على صياح هادي الي هز البيت : فاااقد وينك

صعد فوك بسرعه ورا شويه نزله بدفرات لازمه من ياخته ذبه كدامنا وصاح : جم مره كتلك ضب مرتك ليش ماتسمع الحجي

فاقد : علمود مرتك تضربني هادي

هادي : غلطان مو علمود مرتي مرتك تتجاوز حدها وتضرب ابني تقبل ايلاف تضرب ابنك

فاقد : ابني مو وكح مثل حسين

ردت ارد علي اشرلي هادي اسكت ضحك وكال : مالكيت غير حسين تكول علي وكح الكل يعرفون ابني هادئ ووين محمد هادئ ابنك ياكل الحايط والكاع من وكاحته مو هذاك اليوم لحكت عليك قبل لايضربوك من ورا لسان محمد وسبه

صار وجه فاقد احمر من العصبية رجع هادي كال : حذرتك وهاي كدام الكل مرتك تغلط انت تتعاقب بدالها لا اباوع لكبر عمرك ولا لشيبتك جوزو من عائلتي

اندار لسليل : حذرتج بعد مرت فاقد اي شي تسوين قسما بالله اجيب زوجج ادكه واخلي جوه ايدي

رجعت سليل ليوره وختلت ورا اشواق و الخضره مافتحت حلكها من شافت هادي هيج متعصب

شال هادي حسين بيد وبل ايد الثانية شال غراضنا اشرلي امشي كدامه مشيت لدرج صاح : مانريد اكل

صعدت فوك الحمدالله عدت على خير وماطلعت الخضره ورا السالفة جان كتلتها وانلاصت السالفه

هادي : تردين اجيب اكل

باوعت حسين بعده يشهك بحضن ابو خليت مسره بمكانها ورحت يمهم لزمت حسين من وجهه ابوس بي : اي جوعانين مو هيج حسوني شتريد بابا يشتريلك

هز راسه بل رفض اخذته من ايد هادي : يعني احنه بس ناكل بركر الي تحبه انت ماتريد

رفع راسه يباوعلي : لا مالتي اريدها