Sharky and the Giants

Chapter 15: Cherry vs. Custard

Pagkabalik ko sa hotel, nagulat ako dahil nagpa-panic 'yung mga tauhan nila Joon.

"May problema po ba?" I got concerned.

"Naku, Miss Cherry! May emergency po tayo!"

"Huh? Ano po'ng nangyari?"

Nakarinig ako ng mga yabag at nakita kong tumatakbo 'yung Green Giants papunta sa'kin.

"Cherry! Galit ka ba samin?" They had sad eyes and were really worried about me. "'Di ka na namin pipilitin kung ayaw mo mag-swimming!"

"H-Hindi ako galit!" I shook my head rapidly. Na-misunderstood yata nila at akala ay nag-walk out ako.

"Master Joon! May problema po tayo!" balita ng isa sa mga butler ng hotel. "S-Si Custard po, papunta na rito!"

Huh? Sino raw?

"Talaga? Hindi ba puwedeng mag-stay na lang siya sa bahay?" Napapakamot sa ulo na tanong ni Joon.

Meanwhile, Anlex was definitely excited. "Uy! Pupunta rito si Custard?"

"Na-miss ko na siya!" Tobin's face lit up as well. "Sige, papuntahin niyo rito!"

Pati si Gin ay tumatalon sa tuwa. "Gusto ko na ring makita ulit si Custard!"

Kanina lang ay malulungkot ang mga mukha nila at humihingi ng sorry, tapos ngayon ay nakalimutan na nila ako at sabik nang makita 'tong bagong parating. Sino ba yang Custard na 'yan? Medyo nagseselos na 'ko, ah.

"Doon na lang siya sa bahay!" pilit ulit ni Joon.

Pinagpapawisan na 'yung butler nila. "Tumatawag 'yung mga tauhan niyo po sa bahay. Nagwawala na raw po siya kanina pa. Gusto raw po kayong makita ni Custard."

"Haha! 'Di talaga siya makatagal nang wala ka, Joon!" Inakbayan ni Tobin si Joon at tila nanunukso.

Joon sighed in disappointment. "Makakasagabal lang 'yun sa enjoyment natin, eh."

"Guys, mukhang may nakakalimutan kayo." Nagsalita si Nikko out of nowhere. "I think hindi ang pagiging 'sagabal sa enjoyment' ang problema na tinutukoy ng mga tauhan dito."

"Huh?" Clueless pa rin ang iba—lalo na 'ko.

Naglakad si Kyle paharap. "Ang totoong problema natin ngayon ay..." Nagulat ako dahil hinawakan niya ang braso ko at inangat ito.

"T-Teka! Ako? Problema? Bakit naman? Nang-aasar ka na naman ba?" I was startled and getting antsy. Hindi ko alam kung dahil ba sa biglang paghawak sa'kin ni Kyle o dahil sa gulat sa sinabi niya. Probably both. "Ano'ng kinalaman ko kay Custard?"

"Master Joon! Narito na raw po siya!"

Lahat sila ay nagtakbuhan palabas. Siyempre nakitakbo na rin ako dahil curious ako kung sino ba 'yang Custard na 'yan na pinagkakaguluhan nila. Isa ba sa mga babae ni Joon? 'Di na 'ko magtataka.

Biglang dumating ang isang malaking truck, at habang inaangat na 'yung malaking pintuan sa likod ay pinalibutan ako ng buong team. Lahat sila sobrang protective ng mga mukha. Mukhang naintindihan na nila 'yung sinasabi ni Kyle na problema. Pero ako, wala pa ring clue.

Tinatakpan nila ako kaya naman hindi ko masyadong makita 'yung view. Sino ba kasi si Custard? 'Di ko siya makita!

Pero 'di ko na siya kailangang makita para matakot at magtaasan ang mga balahibo ko... dahil narinig ko ang isang kakila-kilabot na tunog. A loud, angry roar.

As it turns out, isa palang malaking tigre si Custard. What the actual fuck? Kung maka-Custard naman sila, akala mo pusa!

Ngayon lang ako nakakita ng isang tigre sa buong buhay ko. Grabe, sobrang laki niya.

***

It took around an hour or two before everything calmed down. Nakahanap na sila ng solusyon sa problemang tinutukoy nila. Pero mukhang may mali sa eksenang 'to, dahil ako ang nasa loob ng kulungan—at si Custard ang nasa labas, nakikipaglaro sa Green Giants.

"Custard! Dito! Dito!"

"Dito, Custard! Kunin mo 'yung bola!"

"That's our girl! Good girl!"

Huminga ako nang malalim bago humiyaw na parang wala nang bukas. "Bakit ako nakakulong!"

Sumagot 'yung butler na nagbabantay sa'kin. "Sorry, Miss Cherry. Sobrang close po kasi ni Custard sa team. Tuwing bumibisita kasi ang Green Giants sa bahay nila Master Joon, nakikipaglaro sila kay Custard."

"'Di mo pa rin ako sinasagot! Bakit ako 'yung nasa kulungan?" Niyuyugyog ko na 'yung mga rehas. Mula sa five-star hotel, nauwi ako sa isang kulungan.

Biglang lumingon si Custard sa direksyon ko at nagtaasan ang mga balahibo ko. Aba! Inirapan ako! Inirapan ako ng malanding tigreng 'to!

"Mukhang nagseselos po kasi sa inyo si Custard hehe," dugtong na sagot ng butler.

Malalim ang buntong-hininga na kumawala mula sa bibig ko. Sige na, ako na ang mag-adjust kahit ako 'yung bida.

Tumingin ako sa kanila. Nakita kong dinidilaan ni Custard 'yung pisngi ni Joon. "Custard, nakakakiliti! Ahaha!" Aww, ang cute naman.

Nahuli ako ni Custard na nakatingin at umungol siya nang malakas. Kinilabutan ang buong pagkatao ko—mukhang okay na rin pala itong nakakulong ako.

"Kinulong po namin kayo para mapanatag ang kalooban ni Custard na hindi niyo aagawin sa kaniya ang kaniyang precious Master Joon," ngiti ng butler nila. Sana all nakakangiti. "'Yun po ang napagkasunduang desisyon ng buong team."

Mukhang alam ko na kung sino'ng may pakana nito. Napatingin ako kay Kyle na kumakaway sa'kin at nakangiti.

"Hi, Sharky! Aww, what a good girl!" asar niya sa'kin na may diin sa good girl as if isa akong hayop.

Kyle André Razon, isinusumpa kita! I growled at him like a tiger inside the cage.