حقيقة مظلمة🖤(روايات ليبية)

#18

مش رح نتأسف ع التأخير لأنه بسبب تفاعلكم المعدوم 💔المهم قراءة ممتعة وتفاعلو عشان ننتظم في المواعيد ونخلوها يوم بعد يوم زي ماكنا⁦❤️⁩
.
﴿ وماتوفيقي إلا بالله عليه توكلت واليه أنيب ﴾⁦❤️⁩
﴿ ألا بذكر الله تطمئن القلوب ﴾⁦❤️⁩
.
.
#حقيقة_مظلمة
بقلم خديجة رمضان (دوجي رمضان)⁦❤️⁩
الحلقة الثامنة عشر (18)⁦❤️⁩
.
.
حسن بعت رسالة لِ بلقيس ... اهلين
بلقيس ردت ... تفضل
حسن ... تقدري تحكيلي القصة كلها توا بوضوح
بلقيس ... بوك قتل بوي عشان امك سيباته ع خاطر بابا فَـ هوا من حقده واجرامه قتل بابا
حسن ... بس بابا قالي أنه مافيش قصة قتل ونكر
بلقيس ... اكيد بينكر يعني شي طبيعي ، شنو تبيه يعترف لولده باش يطيح من عينه اكيد لا هيا
حسن ... باهي نبي دليل أنه بوي هوا يلي قتله!؟
بلقيس ... مافيش دليل بس كل شي واضح
حسن ... به شن رأيك نحققوا في القصة هيا لين نلقو الحل ونكشفو الحقيقة؟
بلقيس ... وانا شن دخلي فيها القصة هياا فهمني؟
حسن ... ماتنسيش بوك المقتول والقاتل ماعندكمش عليه ادلة خلينا نبحثو في الموضوع هادا ووعد مني لو طلع بابا القاتل ولقينا ادلة رح نسلمه بيدي للشرطة؟
بلقيس ... متأكد؟
حسن ... اها متأكد
بلقيس ... خلاص موافقة ، وليلتك سعيدة غدوا نتفاهمو

3≥ ...... 3≥ ...... 3≥ ...... 3≥

رجب ... تعرفي صاير شي غريب بكل
رجاء تستف في الملابس في الدولاب ... أن شاء الله خير شن صاير؟
رجب ... غسان ولد حور
رجاء عقدت حواجبها بأستغراب ... خيره؟
رجب ... كان يخدم معاي في الشركة غادي في المانيا والحق يعني ولد خلوق وماشاء الله عليه ديما لاقيه
رجاء سكرت الدولاب وقعمزت جنبه بصدمة ... كان معاك في الشركة؟؟
رجب شبحلها ... اي
رجاء بخوف ... اي شنوو رجب كيف تخليه يخدم معاك في الشركة كيف؟؟
رجب تنهد بهدوء ... يارجاء الكارثة مش هني الكارثة انه هوا مايعرفنيش أني منو
رجاء سكتت شوية وهيا علامات الأستغراب ع وجها بعدين تغيرو لصدمة ... اهااا قصدك رياض ماقالش أنه حور تكون امه
رجب ... بالزبط ، وأني سخفت عليه وخدمته معاي
رجاء ... لو عرف الحقيقة رح يسكت
رجب ... الله اعلم بس لو اعرفها أني مستعد نتنازله ع كل حق أمه
رجاء ... نعمممم نعمممم ماتنساش أنك أنت يلي عمرتهم الشركات واشتغلت وتعبت عليهم هوا وين وامه وين ماليهمش الحق يلمسو حتى فلس من الشركة
رجب ... حقهم يارجاء وأني مانبيش ناكل حق حد ولو ماعلمش أنا رح نعلمه
رجاء ... لا أنت رسمي خررفت علامات الكبر بدت تطلع عليك شكله ، خيرررك ياراجل هبلت؟
رجب ... زي ماقلتي علامات الكبر بدت تطلع عليا وفي اي لحظة يمكن نموت ومانبيش نموت لاظالم لا مظلوم
رجاء ... اي ظلم أنت شن تقوول
رجب اتكى ... طفي الضي بنرقد
رجاء ناضت طفت الضي ورجعت رقدت وهيا تقول " ربي يلطف ع لي جاي كان بنقعدو ع هالحالة مصيرنا الفلس "

~~~~~~~~~~~~~~

زينة مقعمزة في غرفة ريم كالعادة وضامة لبسة من لبسها وتبكي 💔💔
" لو كان البكي يرجع الميت يازينة راه مافي حد مات "
شرين تلفونها ، معروف اصلا من يلي بيتصل بيها في هالوقت غيره؟🤍
ردت عليه وهيا تمسح في دموعها ... الو
أحمد تنهد بألم ... تبكي صح؟
زينة نهارت ... موجوعة هلباا ياأحمد😭😭💔💔
أحمد💔 ... به معاش تبكي توجعيلي في قلبي
زينة ... مش بيدي ياأحمد معاش نقدر نتماسك والله ماهو بيدي
أحمد ... أسمعي باه
زينة حاولت تكتم بكاها ... همم
أحمد ... افتحي البلكونة
زينة ناضت وقفت ... علاش؟
أحمد ... افتحي هيا
زينة قربت فتحت الباب نصدمت لما شافاته قدامها ومن غير وعي نقزت حضناته وهيا تبكي💔
أحمد لف يديه عليها ... خلاص اهدي ياروحي
زينة حاضناته وتبكي ... خليك جنبي
أحمد ... أنا جنبك ومستحيلل نخليك مهما صار اوكي؟
زينة هزت برأسها بمعنى تمام وهيا في حضنه 🤍
أحمد حسها بدت تهدء بعدها شوية وشبح في عيونها ... أنتي كويسة؟
زينة هزت برأسها بمعنى ايه؛
أحمد باسها ع رأسها ... ديما اعرفي أنه أني جنبك ومعاك ونحبك ومستعد ندير اي شي عشانك🤍
زينة دمعوا عيونها وابتسمت 🤍
أحمد باسها ع رأسها ، زينة بعدت وقالتله ... نخاف حد من عيلتي يجي ويشوفك ، فالذلك ماتعطلش هني
أحمد مسك يديها وباسهم ... تمام أني ماشي بس ديري بالك من روحك اوكي؟
زينة ... اوكي
أحمد بعتلها بوسه من بعيد ودار وطلع ونزل عن طريق الشجرة يلي ركب منها 🤍
زينة تنهدت براحة وابتسمت وسكرت الباب ، سمعت صوت وراها تلفتت بسرعة ونصدمت لما لقت حسن وراها!
حسن ... مع منو كنتي تحكي؟
زينة ... ششنو؟
حسن قرب منها ... زينة مع منو كنتي تحكي؟
زينة دمعوا عيونها ... أنا مم ماحكيتش مع حد اا....
حسن قاطعها وحط يديه ع كتفها ... زينة كلنا سيورنا ميتين هادي سنة الحياة ، يكفي يلي اديري فيه صدقيني تهبلي راه
زينة عرفاته فهم غلط ابتسمت وغمضت عيونها ثواني؛
حسن يشوفلها ومصدوم ... زينة أنتي كويسة؟
زينة فتحت عيونها وخفت ابتسامتها ... اها كويسة ، كويسة هلبا (وطلعت من الغرفة بسرعة قبل مايزيد اي حرف)؛
حسن بأستغراب وخوف ... هادي خيرها؟؟ شكلها بتهبل البنت💔